Nikoleta Kovaçi
- Krimi i dyfishtë që eliminoi mbrëmë një çift të ri në qytetin e Elbasanit, ka për autor plakun e shtëpisë, Engjo Ucaj. Burri nuk e duronte dot bashkëjetesën e të birit me një vajzë të huaj, sidomos qëndrimin e saj në shtëpinë e tyre. Babai ka ekzekutuar me një armë kallashnikov të birin dhe të dashurën e tij, duke iu dhënë fund në këtë mënyrë grindjeve të përditshme.
Ngjarja, për nga mënyra se si është përshkallëzuar duket e paralajmëruar. Mësohet se kryefamiljari bashkë me të birin rreth 3 orë para vrasjes janë shoqëruar në polici, pasi fqinjët kanë lajmëruar uniformat blu për një sherr të ashpër në familjen e tyre. Grindjet, sipas burimeve, ishin mjaft të shpeshta në shtëpinë e tyre. Policia ka marrë deklarimet e të dy palëve dhe më pas i ka lënë të lirë me idenë se gjithçka ishte shuar mes tyre. Por, kur kanë mbërritur në banesë ka nisur sërish e njëjta histori dhe bëhet e ditur se ka qenë bashkëshortja e autorit që ka thirrur këtë radhë policinë për acarimin e gjendjes në shtëpinë e saj. E tmerruar nga sherri i rinisur me tone të ashpra nëna e 27 vjeçarit ka sinjalizuar sërish policinë.
Sapo policia është shfaqur në derën e banesës dhe i është prezantuar që të hapë derën, kryefamiljari ka marrë armën dhe ka qëlluar në drejtim të djalit të tij. Vajza me shtetësi italiane ka thërritur emrin e bashkëshortit të saj, por pa e përfunduar fjalën mbi të është derdhur breshëria e plumbave. Në vendin e ngjarjes policia ka sekuestruar tri gëzhoja automatiku. Policia, ka gjetur dy trupat e pajetë të Sokol Llucajt, 27 vjeç dhe të së dashurës së tij italiane, Xhulia Baldassari, vetëm 24 vjeç. اifti i të rinjve mësohet se bashkëjetonin në shtëpi me babain dhe nënën e djalit që para rreth një viti. Sokoli ishte njohur me vajzën në Itali dhe që pas kohës që kishte përfunduar dënimin në një burg italian kishte vendosur të kthehej në Shqipëri bashkë me të. 65 vjeçari nuk e duronte dot dhe e ofendonte vazhdimisht të huajën madje edhe në sy të të birit, i cili reagonte dhunshëm ndaj të atit.
Vrasja e dyfishtë
Engjo Ucaj, 67 vjeç është autori i masakrës së ndodhur mbrëmjen e djeshme në lagjen “Sul Paprri” Ai ka ekzekutuar të birin Sokol dhe të dashurën e tij Xhulia Baldassari, në katin e 4 të një pallati. I moshuari e ka pritur në banesë policinë e lajmëruar për dhunën që ushtronte i biri mbi të, ndërkohë bëhet e ditur se bashkëshortja e autorit dhe nëna e viktimës gjendet në gjendje kritike për jetën në spital, pasi ka pësuar parainfarkt. Policia e ka vënë në pranga të moshuarin Ucaj, i cili ka shpjeguar edhe mënyrën e ekzekutimit, ku sipas policisë së Elbasanit, fillimisht ka vrarë të birin dhe më pas italianen. Referuar burimeve të besuara nga kjo polici mësohet se Sokoli, djali i vetëm i shtëpisë kishte kryer disa vite burg në shtetin fqinj dhe që nga momenti që kishte fituar lirinë ishte kthyer në Shqipëri ku jetonte në të njëjtin apartament bashkë me të atin dhe të ëmën. Shkak për masakrën e dyfishtë mësohet të jetë bërë fakti që Engjo Ucaj të mos i ketë dhënë të birit bekimin për të mbajtur në shtëpinë e tyre një femër të huaj. Të paktën ky pretendohet të jetë edhe burimi i konfliktit që ka regjistruar policia e Elbasanit vetëm 3 orë para se të ndodhte masakra. Burri ka dorëzuar armën e krimit në duart e policisë si dhe ka dëshmuar sërish rrethanat ekstreme në të cilat e ka kryer edhe vrasjen e dyfishtë. Policia ka bërë këqyrjen e vendit të ngjarjes, ka mbledhur provat e mjaftueshme për krimin, ndërsa ka verifikuar se autori i vrasjes kishte shenja dhune në fytyrë. Ai duhet të jetë dhunuar nga i biri pasi janë kthyer nga policia në banesë./Shekulli
Redaktimi i fundit: