loyalx
Muslim
Shkruar nga Etleva Delia
Policisë së Tiranës i janë dashur tre muaj përgjime për të piketuar zonat ku shpërndahej heroinë dhe më pas për të arrestuar personat e implikuar në këtë rrjet. Vetëm dje në orët e para të mëngjesit, në afërsi të shkollës "Bajram Curri" në Tiranë, operacioni i koduar "Bardh e zi" ka bërë të mundur shkatërrimin e këtij rrjeti dhe të tregut ku shitej lënda narkotike. Në pranga janë vënë 9 persona, mes të cilëve edhe dy femra. Sipas një deklarate për shtyp të policisë së Tiranës, furnizimi me lëndë narkotike bëhej nga 30-vjeçari Krenar Dajti, i cili njëkohësisht ishte edhe drejtuesi i këtij rrjeti. Në momentin e arrestimit, 9 personave iu gjetën rreth 30 gramë heroinë dhe 70 mijë lekë të rinj, të cilët dyshohet të jenë përfituar nga kjo veprimtari.
Përgjimet
Dhjetëra denoncime nga prindër të përdoruesve të drogës kanë detyruar policinë e kryeqytetit, kryesisht sektorin e Antidrogës, që 3 muaj më parë të nisë hetimet në lidhje me një rrjet të mundshëm shpërndarësish të lëndëve narkotike. Gjatë kësaj periudhe janë përdorur edhe metodat speciale të hetimit, që nga agjenti i infiltruar e deri tek përgjimet telefonike. Fillimisht janë zbuluar zonat ku dyshohej se shpërndahej lënda narkotike, të cilat përputheshin edhe me denoncimet që ishin depozituar në Drejtorinë e Policisë së Tiranës. Pasi është dokumentuar gjithçka për aktivitetin e jashtëligjshëm të të paktën 9 personave, është formuar grupi i punës dhe operacioni i koduar "Bardh e zi", i cili ka përfunduar me sukses dje në orët e para të mëngjesit, në një zonë pranë shkollës "Bajram Curri" në kryeqytet. Ndërkohë burime nga policia bënë të ditur se hetimet ende nuk kanë përfunduar, pasi dyshohet se 9 personat e arrestuar mund të kenë lidhje edhe me persona të tjerë jo vetëm në Tiranë, por edhe në qytete të tjera.
Zonat e aktivitetit
Prej të paktën 3 muajsh, agjentët e Antidrogës kishin përcaktuar zonat më të mëdha të Tiranës ku dyshohej se shpërndahej lëndë narkotike e tipit heroinë. Madje kishin përgatitur edhe hartën e shtrirjes së aktivitetit të rrjetit të përbërë prej 9 personave, mes tyre edhe 2 femra, që dyshohet se përdoreshin për të joshur klientët. Burime nga policia e kryeqytetit bënë të ditur se, aktiviteti kriminal i këtij grupi të strukturuar shtrihej në zonën e "Xhamllikut", rrugën pranë shkollës "Bajram Curri", në zonën e Alliasit, rrugën "Hoxha Tahsim", zonën e varrezave të Tufinës, zonën e "Varrit të Bamit" dhe zonën e Kinostudios në Tiranë. Këto ishin pikat kryesore ku ushtrohej aktiviteti kriminal, ndërkohë që po hetohen edhe zona të tjera të kryeqytetit, për të parandaluar shpërndarjen e drogës.
Gazeta: Tirana Observer
Policisë së Tiranës i janë dashur tre muaj përgjime për të piketuar zonat ku shpërndahej heroinë dhe më pas për të arrestuar personat e implikuar në këtë rrjet. Vetëm dje në orët e para të mëngjesit, në afërsi të shkollës "Bajram Curri" në Tiranë, operacioni i koduar "Bardh e zi" ka bërë të mundur shkatërrimin e këtij rrjeti dhe të tregut ku shitej lënda narkotike. Në pranga janë vënë 9 persona, mes të cilëve edhe dy femra. Sipas një deklarate për shtyp të policisë së Tiranës, furnizimi me lëndë narkotike bëhej nga 30-vjeçari Krenar Dajti, i cili njëkohësisht ishte edhe drejtuesi i këtij rrjeti. Në momentin e arrestimit, 9 personave iu gjetën rreth 30 gramë heroinë dhe 70 mijë lekë të rinj, të cilët dyshohet të jenë përfituar nga kjo veprimtari.
Përgjimet
Dhjetëra denoncime nga prindër të përdoruesve të drogës kanë detyruar policinë e kryeqytetit, kryesisht sektorin e Antidrogës, që 3 muaj më parë të nisë hetimet në lidhje me një rrjet të mundshëm shpërndarësish të lëndëve narkotike. Gjatë kësaj periudhe janë përdorur edhe metodat speciale të hetimit, që nga agjenti i infiltruar e deri tek përgjimet telefonike. Fillimisht janë zbuluar zonat ku dyshohej se shpërndahej lënda narkotike, të cilat përputheshin edhe me denoncimet që ishin depozituar në Drejtorinë e Policisë së Tiranës. Pasi është dokumentuar gjithçka për aktivitetin e jashtëligjshëm të të paktën 9 personave, është formuar grupi i punës dhe operacioni i koduar "Bardh e zi", i cili ka përfunduar me sukses dje në orët e para të mëngjesit, në një zonë pranë shkollës "Bajram Curri" në kryeqytet. Ndërkohë burime nga policia bënë të ditur se hetimet ende nuk kanë përfunduar, pasi dyshohet se 9 personat e arrestuar mund të kenë lidhje edhe me persona të tjerë jo vetëm në Tiranë, por edhe në qytete të tjera.
Zonat e aktivitetit
Prej të paktën 3 muajsh, agjentët e Antidrogës kishin përcaktuar zonat më të mëdha të Tiranës ku dyshohej se shpërndahej lëndë narkotike e tipit heroinë. Madje kishin përgatitur edhe hartën e shtrirjes së aktivitetit të rrjetit të përbërë prej 9 personave, mes tyre edhe 2 femra, që dyshohet se përdoreshin për të joshur klientët. Burime nga policia e kryeqytetit bënë të ditur se, aktiviteti kriminal i këtij grupi të strukturuar shtrihej në zonën e "Xhamllikut", rrugën pranë shkollës "Bajram Curri", në zonën e Alliasit, rrugën "Hoxha Tahsim", zonën e varrezave të Tufinës, zonën e "Varrit të Bamit" dhe zonën e Kinostudios në Tiranë. Këto ishin pikat kryesore ku ushtrohej aktiviteti kriminal, ndërkohë që po hetohen edhe zona të tjera të kryeqytetit, për të parandaluar shpërndarjen e drogës.
Gazeta: Tirana Observer