Pasuritë e 140 deputetëve te Kuvendit te Shqiperise

Pasuritë e 140 deputetëve

Publikohen pasuritë neto të ligjvënësve. Kryesojnë Tom Doshi dhe Sadri Abazi. Në fund, Mediu e Karapici

Deputeti me pasurinë neto më të vogël nga 140 ligjvënësit e Parlamentit shqiptar rezulton të jetë Fatmir Mediu. Sipas studimit të skuadrës "Unë votoj", rezulton se kreu i listës të më të pasurve nuk ndryshon teksa fundi ka pësuar lëvizje. Raporti i publikuar dje nënkupton totalin e pasurisë neto që do të thotë total i vlerës së pasurisë, duke zbritur nga kjo pasuri të gjitha detyrimet financiare që ka deputeti. Sakaq, lista e deputetëve antikonfirmistë ka pësuar rritje krahasuar me monitorimet e mëparshme.

Pasuritë

Deputeti më i pasur rezulton të jetë sërish Tom Doshi i PDK-së me 992.629.260 lekë. Pas tij vjen Sadri Abazi me 485.083.157 lekë dhe me radhë Pilo Keri, Ndriçim Babasi, Nikollaq Neranxi, Paulin Sterkaj, Genc Ruli, Lulzim Basha, Nikollë Lesi e Sami Gjergji. Në këtë listë kryesuese nga 10 më të pasurit vetëm një është i majtë, të tjerët i përkasin shumicës së djathtë. Në fund të listës së pasurisë figuron emri i ish-ministrit të Mbrojtjes, Fatmir Mediu, me -12.783.167 lekë pasuri neto, ndikuar kjo shifër edhe nga kredia prej 300.000 eurosh që ka marrë. Ngjitur me të është deputeti Gëzim Karapici me -11.311.520 lekë, Vangjel Dule, Galip Ramadhi, Arben Isaraj, Ymer Tola, Petrit Gjoni, Edi Paloka, Eris Hoxha dhe Bujar Nishani. Zërat janë grupuar në të ardhura familjare, të ardhurat vjetore dhe detyrimet. Pas analizës së tyre dilet në një shumë pasurie të përafërt neto.

Programet

Gjatë sezonit të pestë parlamentar, të legjislaturës së XVII në Kuvendin e Shqipërisë, pas monitorimit të 56 çështjeve gjatë seancave plenare, rezulton se Partia Demokratike, përmes grupit të saj parlamentar, ka arritur të prekë me platformën e saj elektorale, vetëm 9 nisma ligjore nga 56 të tilla të miratuara gjatë seancave penale. Këto nisma janë monitoruar nga skuadra "Unë votoj", d.m.th rreth 16 për qind të totalit. Partia Republikane në votimet në Kuvend, 18 nga 56 nismat ligjore, ose 32.1 për qind e këtyre nismave të kaluara përqasin premtimet e saj zgjedhore. Grupi parlamentar i Partisë Socialiste, gjatë sesionit të pestë, ka qasur premtimet e platformës elektorale të pasurisë në 21 nga 56 nisma ligjore të miratuara në Kuvendin e Shqipërisë. Partia më e madhe e opozitës nuk e ka përmbushur 37.5 për qind të premtimeve të saj elektorale, prezantuar votuesve shqiptarë në fushatën zgjedhore të vitit 2005. Lëvizja Socialiste për Integrim ka prekur me platformën e saj 21 nga 56 nismat ligjore ose 37.5 për qind të ligjeve të miratuara në Kuvendin e Shqipërisë. Grupi parlamentar i LSI-PDS ka votuar pro 28 projektligje, ka votuar kundër 17, ka abstenuar 4, si dhe nuk dihet qëndrimi i këtij grupi parlamentar për 7 nisma ligjore.

Antikonformistët

Lista e deputetëve që kanë votuar kundër qëndrimit zyrtar të grupit të tyre parlamentar është përgjithësisht e gjatë. Në grupin demokristian figurojnë katër deputetë, tek PR dhe LSI nga një. Dhjetë deputetë të Partisë Socialiste rezulton të kenë mbajtur qëndrime të kundërta me grupin në disa prej 56 nismave të monitoruara. Në partinë më të madhe të shumicës parlamentare ky numër është i ulët, vetëm tre deputetë.




HAHAHAHAHAHAH SA KAM QESHUR ME PASURITE E KETYRE TE TREVE,si thoni do mbledhim ca lek tjau japim se qenkan keq,po vuajne per buken e gojes (bledi)

Panorama 25/07/2008

“Ministrat hapën llogari jashtë shtetit”

ADI SHKEMBI

Ministrat e kabinetit qeveritar kanë llogari bankare jashtë vendit.

Deklarata vjen nga deputeti i Partisë Socialiste, Vangjel Tavo, i cili thotë se dy prej tyre janë parë të hapin llogari bankare në Itali dhe dy të tjerë në Qipro. Duke folur në seancën e djeshme në Parlament, deputeti i opozitës u shpreh se: "kur Kryeministri erdhi në sallë, unë mendova se erdhi për të më dhënë përgjigje për pyetjet, që unë i drejtova se mos dinte gjë, se ku ishin dy prej ministrave të kabinetit të vet në dt. 19 prill të 2007-ës, ditën e enjte, ora 11:20? Ishin në Romë dhe pikërisht në Banka di Roma, njëri duke hapur llogari bankare në emër të bashkëshortes dhe tjetri duke hapur dy llogari, një në emër të gruas dhe një tjetër në emër të djalit të tij". Më tej akoma, sipas deputetit të PS-së edhe dy ministra të tjerë, por pa u përmendur emrat, kanë llogari bankare në Qipro.

"E pyeta Kryeministrin gjithashtu, se mos dinte gjë për dy llogari të tjera bankare të hapura në Qipro, në Bankën Arabe, nga dy ministra të tjerë të kabinetit të tij, në shifër shumë më të madhe se llogaritë e dy ministrave të lartpërmendur në Bankën e Italisë. Z. Kryeministër, këto llogari janë hapur respektivisht më 11 qershor 2007, ditë të hënë dhe në 05 shtator 2007, ditën e mërkurë, në Larnaka". Sipas deputetit të PS-së, Kryeministri Berisha mund të verifikojë këto fakte mbi llogaritë bankare të ministrave të tij, ndërkohë Tavo shton se, kryeministri është shumë i informuar për një llogari të një prej ministrave të tij në Roterdam të Holandës. "Isha i bindur që Kryeministri do të thoshte që këto janë shpifje, apo që nuk di gjë. Unë i kërkova atij, që ta verifikojë këtë informacion. E nëse për rastet e lartpërmendura, Kryeministri nuk dinte gjë, ai nuk mund të thoshte të njëjtën gjë dhe për një llogari tjetër në Roterdam të Holandës, pasi jam i bindur që këtë fakt e di shumë mirë, ndonëse shifrën jo", përfundoi Tavo.


Topi: Të hetohen pasuritë jashtë shtetit


Lidhur me hetimin e pasurive jashtë shtetit ka folur edhe Presidenti Bamir Topi. "Shumë gjëra i marrim vesh edhe nëpërmjet bisedave të përditshme e natyrshëm, edhe nëpërmjet një bisede në kafene. Ka ardhur momenti që Shqipëria dhe institucionet e saj, institucioni juaj, të bëhen pjesë shumë e rëndësishme e një infrastrukture kontrolli me partnerët ndërkombëtarë, qoftë edhe për të hequr ato dyshime, që në mjaft raste ekzistojnë dhe ne i dëgjojmë, që një pjesë e pasurive, qoftë e zyrtarëve të cilët janë të detyruar t'i deklarojnë, por edhe të një pjese tjetër, që nuk konsiderohen zyrtarë të administratës, një pjesë e pasurive të tyre mund të jenë edhe jashtë Shqipërisë. Pra, të jemi realistë, gjërat t'i trajtojmë ashtu siç duhen trajtuar", tha Topi.