bledikorcari
Anëtar i Nderuar
( 29/07/08) Tedi Blushi
Kombësia dhe feja nuk do të jenë pjesë e elementëve përbërës të kartës së identitetit. Lajmi konfirmohet nga zv/ministri i Brendshëm, Ferdinand Poni. Në një prononcim të djeshëm për GSH, ai sqaroi se “heqja e tyre nga dokumenti më i ri identifikues i shtetasve shqiptarë, është marrë me një vendim të Këshillit të Ministrave”. Ndërkohë që nuk ka preferuar të komentojë më gjatë mbi arsyet që detyruan qeverinë të marrë këtë vendim. Futja e elementëve të kombësisë dhe fesë si pjesë përbërëse e elementëve të kartës së identitetit, ka qenë një kërkesë e vazhdueshme e minoritetit grek në vendin tonë. Kërkesë që ka marrë kësisoj një përgjigje negative në mënyrë zyrtare nga ekzekutivi shqiptar. Kombësia aktualisht është pjesë përbërëse e dokumenteve të identifikimit të shtetasve shqiptarë, sikundër janë certifikata dhe pasaporta. Sa i përket fesë, ajo asnjëherë nuk ka bërë pjesë në elementët e dokumenteve të mësipërme, për shkak se në Kushtetutë sanksionohet që Shqipëria është një shtet laik.
Nënë Tereza
Nga karta e identitetit është hequr gjithashtu edhe portreti i shenjtores katolike Nënë Tereza, ndonëse në variantin fillestar kjo gjë ishte parashikuar. Këtë e ka konfirmuar dje për GSH zëdhënësi i Ministrisë së Brendshme, Fatmir Konja, i cili iu referua një sqarimi të bërë nga drejtori i Përgjithshëm i Gjendjes Civile, Armand Teliti. Sipas Konjës, në kartat e identitetit do të shmanget dhe vendosja e portreteve të figurave të tjera historike të shtetit shqiptar. “Ajo çka mund të konfirmoj, është fakti se ky dokument do të përmbajë stemën e Republikës së Shqipërisë”, - përfundon Konja. Heqja e portretit të shenjtores Nënë Tereza nga kartat e identitetit, vjen pas ankesës që u bë pranë kryeministrit Berisha nga kryesia e Këshillit të Përgjithshëm të Bashkësisë Islame të Shqipërisë. “Në kartën e identitetit, portreti i shenjtores katolike, Nënë Tereza me kryq në qafë, konsiderohet nga Bashkësia Islame si shkelje e dispozitave të Kushtetutës sonë dhe si diskriminim për besimtarët e fesë islame”, - thuhej në letrën ankimore që Komuniteti Mysliman i ka dërguar Berishës.
Elementët
Përbërësit e gjendjes civile të kartës së identitetit do të jenë Emri, Mbiemri, Atësia, Amësia, Ditëlindja, Vendlindja dhe Numri i identitetit. Këto elemente do të vendosen në anën e përparme të kartës. Kurse në anën e pasme do të vendosen gjatësia, ngjyra e syve, nënshkrimi i mbajtësit, numri serial i kartës, data e lëshimit dhe ajo e skadimit.
BW
Kombësia dhe feja nuk do të jenë pjesë e elementëve përbërës të kartës së identitetit. Lajmi konfirmohet nga zv/ministri i Brendshëm, Ferdinand Poni. Në një prononcim të djeshëm për GSH, ai sqaroi se “heqja e tyre nga dokumenti më i ri identifikues i shtetasve shqiptarë, është marrë me një vendim të Këshillit të Ministrave”. Ndërkohë që nuk ka preferuar të komentojë më gjatë mbi arsyet që detyruan qeverinë të marrë këtë vendim. Futja e elementëve të kombësisë dhe fesë si pjesë përbërëse e elementëve të kartës së identitetit, ka qenë një kërkesë e vazhdueshme e minoritetit grek në vendin tonë. Kërkesë që ka marrë kësisoj një përgjigje negative në mënyrë zyrtare nga ekzekutivi shqiptar. Kombësia aktualisht është pjesë përbërëse e dokumenteve të identifikimit të shtetasve shqiptarë, sikundër janë certifikata dhe pasaporta. Sa i përket fesë, ajo asnjëherë nuk ka bërë pjesë në elementët e dokumenteve të mësipërme, për shkak se në Kushtetutë sanksionohet që Shqipëria është një shtet laik.
Nënë Tereza
Nga karta e identitetit është hequr gjithashtu edhe portreti i shenjtores katolike Nënë Tereza, ndonëse në variantin fillestar kjo gjë ishte parashikuar. Këtë e ka konfirmuar dje për GSH zëdhënësi i Ministrisë së Brendshme, Fatmir Konja, i cili iu referua një sqarimi të bërë nga drejtori i Përgjithshëm i Gjendjes Civile, Armand Teliti. Sipas Konjës, në kartat e identitetit do të shmanget dhe vendosja e portreteve të figurave të tjera historike të shtetit shqiptar. “Ajo çka mund të konfirmoj, është fakti se ky dokument do të përmbajë stemën e Republikës së Shqipërisë”, - përfundon Konja. Heqja e portretit të shenjtores Nënë Tereza nga kartat e identitetit, vjen pas ankesës që u bë pranë kryeministrit Berisha nga kryesia e Këshillit të Përgjithshëm të Bashkësisë Islame të Shqipërisë. “Në kartën e identitetit, portreti i shenjtores katolike, Nënë Tereza me kryq në qafë, konsiderohet nga Bashkësia Islame si shkelje e dispozitave të Kushtetutës sonë dhe si diskriminim për besimtarët e fesë islame”, - thuhej në letrën ankimore që Komuniteti Mysliman i ka dërguar Berishës.
Elementët
Përbërësit e gjendjes civile të kartës së identitetit do të jenë Emri, Mbiemri, Atësia, Amësia, Ditëlindja, Vendlindja dhe Numri i identitetit. Këto elemente do të vendosen në anën e përparme të kartës. Kurse në anën e pasme do të vendosen gjatësia, ngjyra e syve, nënshkrimi i mbajtësit, numri serial i kartës, data e lëshimit dhe ajo e skadimit.
BW