Një keqbërës në Brazil mund të hyjë në histori si grabitësi më komik i të gjitha kohërave, kur gjatë vjedhjes së një banke në shtetin e Paranasë, qëlloi gabimisht mbi veten.
Tre persona të armatosur hynë në bankë dhe nën kërcënimin e armëve, i kërkuan arkëtarëve që të zbrasnin të gjitha arkat. Megjithatë, ndërsa dy u afruan pranë sportele, i treti bënte roje tek dera.
Ndonëse kishte detyrën më të thjeshtë, siç treguan edhe kamerat e sigurisë, roja që mbante dy pistoleta në dorë tërhoqi gabimisht këmbëzën dhe shkrepi njërën nga armët mbi këmbën e tij të djathtë.
Dy shokët e tij, së bashku me 16 mijë dollarët që arritën të grabisin i erdhën në ndihmë dhe kamerat e filmuan duke e tërhequr drejt makinës.
Sidoqoftë, për policinë nuk ishte e domosdoshme që të kryente testime gjenetike mbi gjurmët e gjakut për të zbuluar ADN-në, pasi i përballur me një hemoragji të fortë, grabitësi u dorëzua vetë në një spital ku u vendos nën trajtim mjekësor, i mbikqyrur nga policë.
Ndërkohë, pjesa e tjetër e bandës është vënë në kërkim.
/t/ch