Papa Francesku njihet për qëndrimet dhe deklaratat e tij jo shumë tradicionale, krahasuar me paraardhësit e tij.
“Teoria e evoluimit dhe Big Bang janë të vërtetë dhe Zoti nuk është “një magjistar me shkop magjik”, ka deklaruar Papa Françesku.
Duke folur në Akademinë e Shkencave Papnore, Papa bërë komentet që për ekspertët shënon fundin e “pseudo teorive”. Papa shpjegoi se të dy teoritë nuk e përjashtojnë ekzistencën e krijuesit, madje sipas tij ato e lypin një të tillë.
“Kur lexon për krijimin e gjenezës, ne priremi të imagjinojmë një Zot magjistar, me një shkop magjik që është në gjendje të bëjë çdo gjë. Por, nuk është kështu”, u shpreh ai. “Big Bang, që mendohet se është origjina e botës, nuk është në kontradiktë me ekzistencën e krijuesit, por përkundrazi e lyp atë”. Kisha Katolike ka një reputacion të hershëm anti*shkencë – sidomos që pas dënimit të shkencëtarit italian Galilo Galilei për teorinë se Toka rrotullohet rreth Diellit.
Megjithatë komentet e Papa Françeskur janë vazhdim i rrugës progresive të Papa Piut XII, i cili hapi dyert për idenë e evolucionit dhe që pranoi teorinë e Big Bang. Gjon Pali II shkoi edhe më tej duke thënë se evolucioni është më shumë se një hipotezë.
(m.k/BalkanWeb)
