Një propozim i pazakontë ka ardhur nga partia LIBRA dhe kreu i saj Ben Blushi, që u ka bërë thirrje shqiptarëve të lindin fëmijë dhe se LIBRA do t’u japë 1000 euro për çdo bebe të lindur.
Në një publikim në Facebook, Blushi shkruan se kjo politikë bëhet që Shqipëria të mos shpopullohet nga lindjet e ulëta dhe emigracioni masiv.
POSTIMI I PLOTث
Shqipëria po plaket dhe po tkurret. Në një dekadë kemi lindur 50.000 bebe më pak se një dekadë më parë. Në vitin 1990 shtoheshim me 80.000 bebe në një vit, ndërsa sot lindim 30.000 fëmijë në vit. Gjatë vitit 2016 kemi 3000 fëmijë më pak se një vit më parë. ثshtë tragjike masa me të cilën po zvogëlohemi si popull për shkak të dëshpërimit, padrejtësive, papunësisë dhe mungesës kronike të shpresës. Nëse kjo situatë vazhdon pas një dekade do të jemi shumë më pak për shkak të lindjeve të ulëta dhe emigracionit masiv. LIBRA do të bëjë çdo përpjekje për t’i bindur shqiptarët të mos ikin si dhe për të stimuluar lindjet duke rikthyer besimin e prindërve se Shqipëria mund të jetë një vend i jetueshëm për fëmijët e tyre. LIBRA do të ndjekë një politikë të qartë kundër shpopullimit të vendit duke hapur punë për të rinjtë, duke inkurajuar kthimin si investitorë të emigrantëve në Shqipëri si dhe duke nxitur lindjet. LIBRA do të paguajë deri në 1000 euro çdo familje për lindjen e një bebeje duke besuar se të shtosh kombin sot është detyrim që shoqëria duhet ta shpërblejë!
blitz
