Konkursi i letërsisë ~korrik~2025

[Demka]

vendi i parë: Fjalë drite nga babagjyshi kliko këtu - Demka
Vendi i dytë: Diku... Aty kliko këtu - @le voyageur
Vendi i tretë: Gëzuar ditëlindjen dashuri kliko këtu - @Freya

VOTO 2 NGA 3 KRIJIME
Gëzuar ditëlindjen dashuri kliko këtu
Fjalë drite nga babagjyshi kliko këtu
Diku... Aty kliko këtu

 

[Demka]

Gëzuar ditëlindjen dashuri

Harroj çdo ditë të vitit,
harroj dhe dhimbjen kur më dhemb,
po kur vjen kjo datë e shenjtë
zemra ime s’rri dot n' vend.

Gëzuar ditëlindjen, dashuri,
shpirti im sot të kujton.
S’e kam fatin të jem aty,
por kjo zemër të uron.

Gëzuar ditëlindjen, dashuri,
me çdo lot që më rrëshqet,
ta dërgoj si melodi
përqafimin sa një det.

Të dua ,të dua ende ty
Po kurrë sdo jemi të dy

Me dhuratën e padukshme,
që s’e sheh, po ta ndjen shpirti,
është ky malli i pashtershëm
që do më djeg çdo kalim viti.

Gëzuar ditëlindjen, dashuri,
shpirti im po të përqafon.
Një urim që shkon në heshtje,
Dashuri që nuk shteron.

Gëzuar ditëlindjen, dashuri,
ndaje këtë natë me hënën sot
ajo ngadalë do të të pëshpërisë
sa t'kam dashur në këtë botë!

kthehu te PËRMBAJTJA

 

[Demka]

​

Fjalë drite nga babagjyshi ​

Isha ende fëmijë, kur babagjyshi im – ndjesë pastë – më thërriste në fund të oborrit, nën hijen e arrës së madhe, dhe më fliste me zë të ulët, por me fjalë që më tingëllonin si ligje të pathyeshme të jetës. Nuk isha biri i tij, por ai gjithmonë më quante "d’ali i gjyshit" – dhe unë e ndjeja se nuk kishte asgjë më të fortë se ajo ndjenjë që më jepte.

Më kujtohen fjalët e tij, si gurë të rrumbullakosur që kohët i kanë lëmuar nga pesha e përvojës:

Biri im, mos u ban zagar i askujt.
Mos leh për askënd, as mos kërko që dikush të lehë për ty.
Mos u ban thupër në dorë të tjerit – d.m.th. mos u bë mjet për të goditur dikë për interes të dikujt tjetër.

Në atë kohë më dukeshin si fjalë të çuditshme, paksa të ashpra, por plot tinguj që mbeteshin gjatë në mendje. Nuk i kuptoja krejt – isha ende i vogël për t’i zbërthyer. Por tani, sa herë që përballem me pabesi, me njerëz që bëhen vegla për t’u përdorur, me zëra që ngrenë peshë të huaj për interesa të huaja – fjalët e tij më kthehen si një dritë e qetë në brendinë time.

Babagjyshi nuk kishte libra, por fjalët e tij vlejnë më shumë se një raft me filozofi. Ai më mësoi, pa zhurmë e pa sforcim, një rregull të thjeshtë por të thellë:

Mos u poshtëro për askënd. Ruaje dinjitetin tënd. Mos u bë mjet në duart e të tjerëve.

Sot, kur e kujtoj, kuptoj se më kishte lënë një udhërrëfyes për jetë:
Ruaje veten – jo nga frika, por nga përdorimi; jo nga rreziku, por nga shndërrimi në vegël të dikujt tjetër.

Në një botë që i jep zë më shumë interesit sesa së vërtetës, ai më mësoi të qëndroj i heshtur, por i drejtë. Jo për t’u dukur, por për të mos humbur veten.

kthehu te PËRMBAJTJA

 

[Demka]

Diku … Aty ..

Enden mendimet e mia …
Diku!
si zemra e përplasur pas shkëmbit, … Aty!
Aty, ... ka jetë përsëri ...
Se diçka rënkon akoma për ty,
Diku!...

kthehu te PËRMBAJTJA

 

[Demka]

e rezervuar

 

[Demka]

Votoni se edhe pak ditë kanë mbetur!

 

[Demka]

VOTIMI DUKET KËSISOJI

 

[Demka]

Ju faleminderit për votimin...
Ja si duket sot votimi:



Kërkesë tjetër:
mirë votimi, por do të ishte mirë që dikush edhe të vlerësonte punimet!

 

[Demka]

Hë mo, keni pe¨r të thënë ndonjë fjalë për krijimet?
@Freya , @Soulmind ... dhe ju të tjerët

 

[Demka]

gjendja e votave, sot

 

[Demka]

Ju anëtarët e ri @le voyageur dhe @Era1 , vizitoni konkursin tonë të letërsisë! shijoni krijimet e anëtarëve tonë.

Votoni! Jepni vlerësimin tuaj për krijimet!

 

[Kthjellimi]

Votova dhe barazova.

 

[Demka]

Votova dhe barazova.

i lexove krijimet, apo votove për të barazuar!
Hajt pra na e mbush mendjen pse votove të fundit?

 

[Kthjellimi]

i lexove krijimet, apo votove për të barazuar!
Hajt pra na e mbush mendjen pse votove të fundit?

Jo, nuk votova per te barazuar dhe i lexova, se nuk ishin te gjata.
Rrefenja e babagjyshit ishte shkruar mire, por une sot nuk isha ne gjendje per rrefime te tilla. Keto kohe, une vete kam brenda kokes aq shume keshilla te mencura, sa nuk di ku te coj te miat, jo te lexoj dhe nga te tjeret. Keshillat e mencura i kam me kuintale, por nuk m'i blen njeri.

E fundit nuk kishte mençuri, kishte vetem pak dobesi, diku... aty. Ishte nje pjese shume e shkurter, ndryshe, qe i thyente rregullat e letersise dhe prandaj e votova.

Ja keshtu, votova per dobesine dhe per mallin

 

[Demka]

VOTINI ORE, VOTONI!
që të prishet BALOTAZHI!

@A2.
@Alizz
@Anna*
@Freya
@Desa
@Endrra
@Happyheart
@Ivy
@kitrra 123
@le voyageur
@MonaLisa
@Monique
@Narta
@NeVertiti
@Nicktjeter
@Soulmind
@Stesi Daca
@The Joker
@Viktoria
@Zana
@Zak
@ZHIGO

 

[Desa]

VOTINI ORE, VOTONI!
që të prishet BALOTAZHI!

@A2.
@Alizz
@Anna*
@Freya
@Desa
@Endrra
@Happyheart
@kitrra 123
@le voyageur
@MonaLisa
@Monique
@Narta
@NeVertiti
@Nicktjeter
@Soulmind
@Stesi Daca
@The Joker
@Viktoria
@Zana
@Zak
@ZHIGO

E kam dhënë votën

 

[Demka]

Nisni krijimet tuaja pë rmuajin Gusht!

 

[Sol]

@Gi de Masha po pse i ke bërë privat votuesit?