klandestini
1. Vlora
PARIS- Bashkia e Vlorës vlerësohet me çmimin “Ylli Ndërkombëtar i Lidërshipit në Cilësi”. Në 23 mars në kryeqytetin francez, u zhvillua edicioni i trembëdhjetë i cmimeve “Ylli i Cilësisë”, një ngjarje me rëndësi në promovimin e vlerave dhe kulturës së cilësisë së drejtimit për biznesin në mbarë botën. Bashkia e Vlorës u përzgjodh si rezultat i performancës që ajo ka prezantuar në njohjen e angazhimin drejt cilësisë dhe drejtimit në marëdhëniet me publikun. Cmimi është tërhequr nga kreu i Bashkisë së Vlorës, Shpëtim Gjika, i cili gjatë fjalës së tij ka ftuar biznesmenët e pranishëm të investojnë në Vlorë dhe për të shijuar bukuritë dhe resurset turistike të qytetit . Bashkia e Vlorët u zgjodh nëpërmjet një sistemi votash , sondazhesh dhe rekomandimesh.
Ky cmim prestigjioz vjen vetëm pak muaj pas klasifikimit nga anketa e Bankës Botërore, në pozicionet më të larta të renditjes , si qyteti ku mund të bësh më mirë biznes, vlerësuar për nga niveli i ulët i shkallës së burokracisë dhe politikave të favorshme fiskale në ndihmë të zhvillimit të biznesit. (e.n/news24/balkanweb)
