![terri-djegur.jpg terri-djegur.jpg](https://fv.al/data/attachments/9/9663-871d7e900e0dbfa14e638d70e395edbe.jpg)
Terri Calvesbert ishte vetëm 22-muajshe kur trupi i saj u dogj pothuajse krejtësisht nga një zjarr që lindi nga pakujdesia e nënës, e cila la një cigare të ndezur në dhomën e vogëlushes, në Ipswich të Anglisë.
Hunda, veshët, flokët dhe duart pësuan djegie të rënda dhe kur zjarrëfikësit e gjetën vajzën tashmë 15-vjeçare në krevatin e saj, fillimisht e morën për një kukull plastike të zezë.
Terri është një nga të paktët persona në botë që i ka mbijetuar një djegieje të tillë. Në një intervistë për ‘The Sun’, Julie Minter, nëna 35-vjeçare thotë: “Ndihem shumë keq për atë që ka ndodhur. Kam një ndjenjë faji që çdo sekondë të jetës sime më gërryen nga brenda. Vajza ime ka vuajtur shumë për fajin tim.”
![nena.jpg](/proxy.php?image=http%3A%2F%2Ftop-channel.tv%2Ffoto%2Fuploads%2FImage%2Fnena.jpg&hash=c341178221b37d21d712d864784b1468)
Ajo rrëfen se ky aksident e ka ndarë për 10 vjet nga vajza dhe ka menduar disa herë vetëvrasjen. Gjithashtu nuk ka marrëdhënie të mira me prindërit e saj, të cilët e takojnë rregullisht Terrin.
Nëna kujton atë ditë: “Unë kurrë nuk pija cigare në dhomën e vajzës, por atë ditë e bëra. Dola dhe pas disa minutash dëgjova vajzën duke qarë. Kur hyra për ta parë sërish, dhoma ishte e mbushur me flakë dhe tym të zi. Mora në telefon zjarrfikësit… Njerëzit më thonë që duhet të kisha hyrë vetë në dhomë e ta shpëtoja, por unë u tremba shumë.”
Terri qëndroi për 6 muaj në spital dhe u kthye të jetonte me babanë e saj, ndërsa e ëma i humbi kontaktet për plot tetë vjet me të sepse shërbimet sociale nuk ia lejonin takimet edhe për shkak se pak muaj më parë ishte divorcuar nga bashkëshorti.
Terri është shprehur: “Mendoj se mamaja ime nuk duhet të kishte pirë cigare në shtëpi, por nuk është faji i saj.”
Terri ka dy vjet që nuk e takon të ëmën, por shpeshherë shkëmbejnë mesazhe.
“Dua të ribashkohem me vajzën time, nuk mund të jetoj më kështu”, përfundon Julie Minter.
B;topchanel
Last edited by a moderator: