Policia italiane ka shkatërruar një tjetër bandë shqiptare, e cila ishte e famshme për grabitjet dhe stilin që përdornin për të arritur qëllimin e tyre.
Ata janë 3 pjesëtarët e fundit të grupit “Arancia meccanica”, të cilët vepronin kryesisht gjatë natës, dhe fokusi i tyre ishin vilat e izoluara. Të arrestuarit janë Lefter Xheleka, Ardit Jakimi dhe Enver Jakimi.
Sipas mediave italiane, hajdutët përdornin metoda të ndryshme dhune ndaj pronarëve të banesave, kryesisht thyerje dhëmbësh. Gjithashtu, ata i kërcënonin edhe me jetë. Organizim gati perfekt i bandës, me metodat të cilat i ngjanin arteve marciale.
Kështu, hetimet e nisura nga tetori i vitit 2015 dhe aktualisht ende në zhvillim e sipër, kanë hedhur dritë mbi 3 grabitje shtëpish, në Dugenta (Benevento), Marsico Nuovo (Potenza) dhe në Sant’Egidio del Monte Albino (Salerno).
Policia e Casorias ka ekzekutuar urdhërarrestin e lëshuar nga gjykata e Napolit, kundër 3 shqiptarëve të akuzuar për grupe kriminale të cilët vidhnin dhe grabisnin shtëpitë.
Gjithashtu, ata akuzohen edhe për posedim të armëve të paligjshme, tentativë vrasje, plagosje të rënda trupore dhe gjetje e mallrave të vjedhura.
Urdhri për paraburgim vjen vetëm katër ditë pas një urdhri tjetër për një shtetas shqiptar, i akuzuar për grabitje të armatosur dhe vrasje.
Hetimet gjithashtu kanë mbledhur një provë rrethanore në lidhje me ekzistencën dhe funksionimin e një organizate kriminale, e përbërë nga shtetas shqiptarë me fokus plaçkitjen e banesave në Campania dhe rajonet fqinje.
shekulli
