Jenna Talackova është një vajzë e bukur bionde që dëshironte të hynte në botën e ShowBiz dhe modës.
Ajo ka marrë pjesë edhe në Miss Universi që u zhvillua në Kanada. Por aty mësohet se u skualifikua, ndërsa juria konstatoi se ajo ishte në fakt një trans-seksuale.
Dhe sipas saj, në një garë të tillë duhet që të marrin pjesë vetëm gra me bukuri femërore biologjike, pra siç ua ka falur natyra.
Ndërkaq, Talackova ishte një nga favoritet për ta fituar kurorën e Miss Kanadasë.
Por juria, në një deklaratë, shpjegoi vendimin përjashtues të konkurrentes në fjalë, duke e bazuar atë në natyrën trans-gjinore të saj.
Jenna Talackova filloi me trajtimin e hormoneve që të bëhej një grua, në moshën 14-vjeçare dhe karrierën e saj në këtë fushë, e përfundoi në vitin 2010 me operacionin final për ndryshim seksi.
Pra, tani ajo do të jetë një grua në çdo aspekt, në përputhje me ligjin kanadez.
Ndërkaq, drejtori i konkurrencës, Denis Davila, tha se nuk ka ndonjë dyshim se Jenna mund të ndihet grua, por mbron ndershmërinë e konkurrencës si të tilla. “Ka rregulla shumë të qarta, dhe duhen të respektohen", deklaroi ai.
Por, kërkesat thelbësore për të marrë pjesë në një garë të tillë janë 4: të jetë shtetase kanadeze, e moshës midis 18 dhe 27 vjeç, e pamartuar dhe jo shtatzënë. Asnjë nen i Rregullores nuk e përmend ndryshimin e gjinisë ose trans-seksualizmin.
B;/NOA
