Shqiptarët rrihen se kush do ikë jashtë

Titulli: Shqiptarët rrihen se kush do ikë jashtë

ja edhe ni shkrim i fundit per ket qeshtje..Fluksi rekord i azilkërkuesve që ia mësyjnë Gjermanisë, të cilët këtë e bëjnë kryesisht përmes Landit të Bavarisë, ka shtyrë këtë njësi federale gjermane të shqyrtojë mundësinë e ashpërsimit të ligjit të azilit.
Pasi që vitin e kaluar tri shtete të Ballkanit (Serbia, Bosnja dhe Maqedonia) ishin shpallur si “vende të sigurta” të prejardhjes, ministri i brendshëm bavarez Joachim Hermann po synon që në këtë grup vendesh të fusë edhe tri shtet të tjera. Fjala është për Shqipërinë, Kosovën dhe Malin e Zi.

Një kategorizim i tillë mundëson që kërkesat e shtetasve nga vendet e përmendura të përpunohen shumë më shpejtë dhe që, praktikisht, ata shtetas të mos kenë shanse për të fituar azilin. Madje, edhe nëse ata e dëshmojnë se janë të ndjekur.

Në listën e “shteteve të sigurta” Gjermania i fut shtetet e BE-së, tri shtetet e përmendura të Ballkanit si dhe Ganën dhe Senegalin.

Ndërsa Hermann, kërkesën e tij për zgjerimin e kësaj liste edhe me Shqipërinë, Kosovën e Malin e Zi e ka bazuar me faktin se fluksi i azilkërkuesve nga këto vende është shumë i lartë. Nga ana tjetër, përqindja e njohjes së azilit njerëzve të ardhur nga këto vende është afër zeros pasi që në fokus të kërkesave të tyre për azil janë shkaqet ekonomike. Në shtetet e përmendura nuk ushtrohet përndjekje që do të mund të merrej si bazë për njohje të azilit, transmeton albinfo.

Mediet gjermane kanë raportuar javëve të fundit se rreth 60 për qind të kërkesave për azil që janë bërë gjatë dy muajve të fundit të vitit 2014 kanë ardhur nga shtetasit e vendeve të Ballkanit, më së shumti nga Serbia dhe nga Kosova.

Hermann ka kërkuar po ashtu edhe dëbim më të shpejtë të azilkërkuesve të refuzuar të vendeve të sigurta.

“Këta azilkërkues po i zënë vendet për strehim që ne na nevojiten për njerëzit që janë të përndjekur politikë të vërtetë”, ka thënë ministri.B expres.

Titulli: Shqiptarët rrihen se kush do ikë jashtë

Edhe une do te ikesha po te isha i sigurt qe sdo te kthehesha . Po kam vendos te dal ne protesta qe ta rrezojme Qeverin !

Pe: Titulli: Pe: Shqiptarët rrihen se kush do ikë jashtë

Arfenilla said:

E vertet ,vetem se ne ate koh kan ik nga armiki i jashtem....e tani nga kush ?Kjo eshte me e keqja ,se bejn thirrje mos ikin nga vendi ,, e femijet e tyre jetojn si me qen te miljonerave.Por nje pjes te fajti e kemi dhe ne vete popoulli!se 6 muaj ishte vendi pa qeveri dhe cfar beme ne ne ate rast ?vetme percillin genjeshtrat e tyre..tani kur prekem fundin ska me kthim mbrapa.

Click to expand...

Vetëm një përqindje e vogël ka ikur për shkaqe politike.
Armiku për shumicën ka qenë vetëm shkas, arësyeja
kryesore kanë qenë kushtet ekonomike.
Dalimi nga atëherë është se shkaktar i varferisë ishte Serbia,
ndërsa sot i kemi fajet vetë.

Ikja me të madhe ja filluar qysh prej vitit 1990/91 e deri tek lufta në Kosovë.
Më shumë janë kthyer persona që kanë ikur drejtëpërdrejtë nga lufta,
se sa nga ata që kanë ikur më herët, si dhe aytyre të periudhës së
pasluftës.

Sidoqoftë, nëse nuk punohet, mundemi të rrëzojmë qeveritë
për çdo ditë, dhe situata prap të mbetet e njëjtë.

Në fund të ceku se edhe unë vetë e kam përdorur
për ikjen si shkas luftën që vetëm kishte filluarë
në Slloveni e Kroaci, por shkaku kryesor ishte ekzistenca.

Titulli: Shqiptarët rrihen se kush do ikë jashtë

ja edhe ni shkrim shum interesant

Kancelarja gjermane, Angela Merkel ka bërë të ditur se Gjermania do të ndihmojë refugjatët e shumtë që kanë shkuar në këtë shtet për të kërkuar shpëtim. Ajo në fjalimin e saj të fundit për vitin 2014, ka theksuar se pasojë e shumë luftërave dhe konflikteve në mbarë botën, në Gjermani tashkë kanë shkuar shumë refugjatë, duke kërkuar kështu një jetë më të mirë.

“Aktualisht në Gjermani ka më shumë refugjatë se kurrë më parë, pas Luftës së Dytë Botërore. Shumë prej tyre kanë shpëtuar nga vdekja e sigurt. ثshtë e vetkuptueshme që ne ndihmojmë dhe do të ndihmojmë njerëzit që kërkojnë shpëtim. Për Gjermaninë është një kompliment që fëmijët e njerëzve të përndjekur mund të rriten këtu pa frikë nga ekzistenca. Pavarësisht nga njerëzit që kërkojnë mbrojtje, migrimi është një fitim për të gjithë ne”, ka thënë ajo,

Merkel ka vlerësuar se viti 2014 e ka vënë Evropën para sfidave të papara deri tani, sa i përket përpjekjeve për zgjidhjen e konflikteve me mjete paqësore. Ajo po ashtu ka folur edhe për njësitë e terrorit të shtetit islamik ISIS, duke thënë se ky grup ka përndjekur gjatë vitit të kaluar në mënyrën më shtazarake, të gjithë njerëzit të cilët e kanë kundërshtuar atë, apo nuk i janë nënshtruar pushtetit të tij.
B Ditore..

Titulli: Shqiptarët rrihen se kush do ikë jashtë

E la shtëpinë me tre kate dhe nënën e vetmuar u nis për Gjermani

Plaka që ka përjetuar dy luftëra, thotë se po përjeton një të “tretë”. “Djali, vetë i gjashti, dhe nipi (djali i djalit tjetër) më kanë shkuar”, thotë Azeminja.
Lotët ia ndalin fjalët, kur kujton pesë mbesat, më e madhja 25 vjet dhe më e vogla 11 vjet, që më nuk po u dëgjohet zëri në oborr, në fshatin Sfeçël. Ajo thotë se pas mbarimit të luftës nuk ka menduar se do ta shohë të mbyllur shtëpinë e ndonjërit prej djemve.
“Tash shtëpia e djalit është mbyll. Ai shkoi. Vajzat i kanë mësuar mirë, por nuk pati mundësi t’i shkollonte më lart. Këta udhëheqësit tanë nuk po mendojnë për ne. E Serbia po pati mundësi krejt i largon prej Kosovës, nëpër rrugë të saj po kalojnë lirshëm”.
Azeminja thotë se Rexhepi ka shitur lopën dhe veturën, si dhe ka marrë hua edhe tek motra për të mbuluar shpenzimet e udhëtimit. Rexhepi është nisur të mërkurën. Ai me vete ka marrë dhe djalin e vëllait, Astritin, transmeton Zeri.info.
Rexhepi 55 vjet dhe Astriti 25 vjet, që të dy ishin të papunë. “Astriti nuk pati mundësi të studiojë në universitet, edhe ai kishte babën e papunë”, tregon kunata e Rexhepit, Mejremja. Ajo thotë se deri tash i mbante shpresat se do të bëhet mirë.
“Por, u bënë 15 vjet pas luftës, as punë për ne, e as për të rinjtë, as të holla për të shkolluar fëmijët, prandaj shpresa se do të bëhet mirë më nuk po i mban njerëzit në Kosovë”, thotë Mejremja, duke rrëfyer jetën e saj, përmes saj të një familje kosovare tetanëtarëshe (vjehrrin, burrin dhe pesë fëmijët), me një rrogë të mësimdhënësit në Kosovë, transmeton Zeri.info.
Ajo thotë se fillimisht shitën tokë për të rregulluar shtëpinë e djegur pas luftës, pasi ndihma nuk iu dhanë. “Burri im është mësues. Me këtë rrogë të burrit qe 15 vjet, ne kurrë prej kreditit nuk kemi mundur të dalim. Me të holla në dorë të bësh diçka nuk ke mundësi. Për kredit ta ndalin gjysmën e rrogës, çka blen dhe pak do ushqim, fëmija në shkollë duhet veshur e mbathur, nuk po mund t’ua plotësojmë të gjitha kushtet”, thotë ajo duke përshkuar dhe momentet kur kunati i saj Rexhepi doli jashtë vendit.
plaka1
“Betohem në Zot, kur e përcollëm kunatin (Rexhepin) fëmija u nxehen, lakmonin, thoshin ka dalë për mirë, po dalim dhe ne. Përpara ka qenë një vullnet me qëndru në shtëpi, tash s’ka vullnet, askush tash. Me iu thënë a po dilni, krejt dalin”, thotë Mejremja. Ajo thotë se Qeveria është fajtore. “Nuk kanë bërë asgjë për shtet, asnjë vend pune nuk u hap. Kunati ka shtëpinë e mirë, por me çka të ushqehen, me çka t’i shkollonte vajzat”.
shpia
Ajo thotë se ka vajzën e madhe në fakultet, por druhet se tjerat nuk do të mundë t’i dërgojë. “Sot një njeri me punu në familje, dhe me i dërgu të gjithë fëmijët në shkollë nuk mundet. Vajza shpesh disa ligjërata i lë pa i dëgjuar se nuk ka mundësi të shkojë çdo ditë”./Zeri.

Titulli: Shqiptarët rrihen se kush do ikë jashtë

Boah sa gjynaf shpresoj te zgjidhet sa me mire

Titulli: Shqiptarët rrihen se kush do ikë jashtë










Edhe sot të rinj e të reja kanë vazhduar largimin e tyre për në shtetet e perëndimit
Po vazhdon fluksi i kosovarëve të cilët po largohen nga vendi i tyre për çdo ditë dhe kjo nga stacioni i autobusëve në Prishtinë.

Këto foto janë bërë gjatë natës së sotme, ku qindra kosovarë çdo natë po ja mësyen drejt perëndimit edhe përkundër thirrjeve të Qeverisë që ata mos të largohen.




Edhe sot të rinj e të reja kanë vazhduar largimin e tyre për në shtetet e perëndimit
Po vazhdon fluksi i kosovarëve të cilët po largohen nga vendi i tyre për çdo ditë dhe kjo nga stacioni i autobusëve në Prishtinë.

Këto foto janë bërë gjatë natës së sotme, ku qindra kosovarë çdo natë po ja mësyen drejt perëndimit edhe përkundër thirrjeve të Qeverisë që ata mos të largohen.B expres

Titulli: Shqiptarët rrihen se kush do ikë jashtë

Wallah edhe naj dite, se se shpejti edhe une

Titulli: Shqiptarët rrihen se kush do ikë jashtë

Azilantët pajisen me viza të përkohshme në Gjermani (Dokument)



Në kampin e azilkërkuesve në Hamburg, janë mbi njëmijë shqiptarë. Ata janë të të gjitha moshave. Ka të rinj e të moshuar, burra e gra dhe familjarë me fëmijë.
Të gjithë ata që janë paraqitur azil në atë kamp, i kanë të gjitha shpenzimet e hequra. Bukë tri herë në ditë, fjetjen e madje edhe nga 140 euro për person, ndihma materiale çdo muaj.

Për familjarët ndihmat shkojnë edhe deri në 300 euro në muaj, transmeton Zëri.info.

Madje, autoritetet gjermane pasi që i kanë regjistruar të gjithë ata që kanë kërkuar azil aty, në bazë të pyetësorit (në të cilin duhet shënuar emrin, mbiemrin, vendin nga vijnë, moshën, arsyen e ardhjes…etj.) u kanë lëshuar edhe nga një “vizë të përkohshme” me të cilën ata po lëvizin nëpër qytet. E për të interesuarit janë hapur edhe kurse të gjuhës gjermane.

“Pasi na kanë pyetur për të gjitha informatat personale, na kanë lëshuar nga një “vizë të përkohshme” po i quajmë ne. Nuk e di pse, për çfarë qëllimi. اka do të ndodhë me ne nuk e dimë. Këta as nuk po na thonë se do ta në mbajnë këtu e as se do të na kthejnë. Ndërsa në televizor po dëgjojmë gjithçka. Nuk po kuptojmë asgjë”, ka shtuar ai për “Zërin”. /Zëri./

Titulli: Shqiptarët rrihen se kush do ikë jashtë

Aver said:

Azilantët pajisen me viza të përkohshme në Gjermani (Dokument)

Në kampin e azilkërkuesve në Hamburg, janë mbi njëmijë shqiptarë. Ata janë të të gjitha moshave. Ka të rinj e të moshuar, burra e gra dhe familjarë me fëmijë.
Të gjithë ata që janë paraqitur azil në atë kamp, i kanë të gjitha shpenzimet e hequra. Bukë tri herë në ditë, fjetjen e madje edhe nga 140 euro për person, ndihma materiale çdo muaj.

Për familjarët ndihmat shkojnë edhe deri në 300 euro në muaj, transmeton Zëri.info.

Madje, autoritetet gjermane pasi që i kanë regjistruar të gjithë ata që kanë kërkuar azil aty, në bazë të pyetësorit (në të cilin duhet shënuar emrin, mbiemrin, vendin nga vijnë, moshën, arsyen e ardhjes…etj.) u kanë lëshuar edhe nga një “vizë të përkohshme” me të cilën ata po lëvizin nëpër qytet. E për të interesuarit janë hapur edhe kurse të gjuhës gjermane.

“Pasi na kanë pyetur për të gjitha informatat personale, na kanë lëshuar nga një “vizë të përkohshme” po i quajmë ne. Nuk e di pse, për çfarë qëllimi. اka do të ndodhë me ne nuk e dimë. Këta as nuk po na thonë se do ta në mbajnë këtu e as se do të na kthejnë. Ndërsa në televizor po dëgjojmë gjithçka. Nuk po kuptojmë asgjë”, ka shtuar ai për “Zërin”. /Zëri./

Click to expand...

Ajo viz eshte sikur leternojftimi. hiq asgje me shum,pastaj ato para nuk mjaftojn ase per ushqime, e lere mo ata se edhe konsumojn duhanin.. edhe para 16 viteve ishin keto kushte ne hajme...(vendi ku rrin azilantet) cdo dhome nga 6 e me shum vete . nuk ke te drejt pune pas 1 muajve te vjen negativ dhe currik se thon gjermanet per ne ks ..



ja edhe lajmi i fundit

Niset për të kërkuar azil, vdes në kufi 61 vjeçari kosovar

Një 61 vjecar ka ndërruar jetë gjatë natës së mbrëmshme në pikën kufitare në Merdarë.
I ndjeri ishte duke kaluar kufirin me turmën e personave që po e lëshojnë Kosovën.

Komandanti i policisë rajonale në Podujevë, Isak Ejupi e ka konfirumuar lajmin për Indeksonline se 61 vjeqari ka ndërruar jetë në autobusin I cili po I barte udhëtarët për në Serbi.

“Si rrjedhojë e hetimeve të para mësojmë se I ndjeri ka ndërruar jetë nnga shakqe natyrale”, ka thënë Ejupi për Indeksonline.

Ndërkaq me urdhër të prokurorit trupi I pajetë I viktimës është dërguar për në obduksion në morgun e Prishtinës. B expres

Titulli: Shqiptarët rrihen se kush do ikë jashtë

Arfenilla, nuk e di per vendet e tjera por si duket Gjermania do t'i mbaje keta azilanta. Mosha mesatare ne Gjermani eshte rreth 47 vjece, ndersa ne Kosove rreth 26 vjece. Atje ka nevoje per klase punetore, perderisa ne Kosove papunesia te rinia eshte mbi 60%. Mijera te rinje e perfundojne shkollen e mesme cdo vit dhe mijera te tjere diplomohen ne shkolle te larte. As te paret e as te dytet nuk kane kurrfar gjase per punesim sepse as ata te gjeneratave para tyre nuk jane punesuar. Pra, po e ze gjenerata gjeneraten. Ne anen tjeter, ne Kosove jo vetem qe nuk hapen aq vende te punes per te pritur keto gjenerata por po mbyllen edhe ato vende pune qe kane qene.

Kam edhe shume per thene lidhur me keto ikje masive, dhe te gjitha drejtimet me dergojne ne nje pike: Keto levizje mund te jene te kordinuara mes vendeve te Quintit (sidomos Gjermanise), Serbise, Hungarise dhe Kosoves.

Neve na jane bere te ditura disa nga merreveshjet qe jane arritur ne Bruksel, por jam i bindur qe ka edhe shume marreveshje qe mbahen sekret nga publiku.

Mendimi im.

Titulli: Shqiptarët rrihen se kush do ikë jashtë

Gjermania është një nga destinacionet më të kërkuara nga emigrantët. Por, kohët e fundit, ajo që shihet si toka e premtuar për shumë njerëz ka shtrënguar procedurat për pranimin e azilkërkuesve.

Ditën e martë bota përkujtoi 70-vjetorin e çlirimit të kampit nazist të përqendrimit, Auschwitz. Po në të njëjtën ditë, qyteti gjerman i Augsburgut vendosi që të kthejë një tjetër ish-kamp përqendrimi të Hitlerit, Dakaun, në një ndërtesë për të strehuar refugjatët.

Këta persona, emrat e të cilëve janë të shënuara nëpër lista, rrëfejnë se jetesa në këto kampe është shumë e vështirë, thuajse e pamundur. Disa zyrtarë gjermanë e kanë dënuar këtë politikë, duke thënë se autoritetet përkatëse po tregohen të pandjeshëm ndaj azilkërkuesve, për vetë historinë e dhimbshme që këto kampe qëndrimi përfaqësojnë.

Sipas të dhënave të fundit të përpunuara nga Organizata e Kombeve të Bashkuara, gjatë dy dekadave të fundit, Gjermania rezulton me numrin më të madh të azilkërkuesve në të gjithë botën.

Një në pesë persona që vijnë në Gjermani për të qëndruar janë nga Siria, Kosova, Serbia ose Afganistani. /albeu.com/

Titulli: Shqiptarët rrihen se kush do ikë jashtë

Fotografi të emigrantëve kosovarë rrugëve të Hungarisë, fëmijë e invalid


Stacioni i autobusëve në Prishtinë, për çdo natë, është i mbushur përplot me njerëz që largohen nga Kosova dhe nga ata që dalin t’i përcjellin.
Të gjithë ata që hypin në autobusë në këtë vend, kanë një pikë “pritëse” brenda territorit të Hungarisë.
KALLXO.com sjell fotografi nga komuna Szeged ku shihen një grup i kosovarëve nëpër rrugët në afërsi të këtij qyteti.

Titulli: Shqiptarët rrihen se kush do ikë jashtë

Po keta pse duan te ikin...une kam degjuar qe kosovaret Jane te pasur

Titulli: Shqiptarët rrihen se kush do ikë jashtë

sensuu said:

Po keta pse duan te ikin...une kam degjuar qe kosovaret Jane te pasur

Click to expand...

Po jo gjith jan te pasur.





Azilkërkuesit kosovarë në Austri: Nuk kemi të ardhme në Kosovë


96 të ikur nga Kosova, që arritën këto ditë në stacionin e trenit në Linz thanë se nuk kishin ardhmëri në Kosovë prandaj ikën nga vendi. Numri azilkërkuesve nga Kosova është në rritje e sipër. Azilkërkuesit ekonomik nga Kosova po kalojnë momente të vështira duke lëvizur nga njeri shtet në tjetrin, disa shtete duke i larguar, e ne disa duke ikur ata vetë.
Maksimumi pas tre muajve pritet që të gjithë këta njerëz, pas humbjeve materiale të kthehen në Kosovë. Përshtypja të krijohet tek këto familje të rraskapitura, të lodhura nga fytyrat e tyre, të cilat nuk kërkojnë një jetë më të mirë, por ata duan të mbijetojnë, të punojnë dhe krijojnë. Këtë mundësi nuk jua krijon vendi i lindjes assesi, pasi vendet e tyre të punës kanë përfunduar tek njerëzit e fuqishëm.

Shpresa një nënë e re 23 vjeçare me dy fëmijët e saj Redonen 3 vjeç dhe Redonin 1,5 vjeç, shpreson që të mos kthehet e gjallë në vendlindje. Jeta është bërë e padurueshme, politika kosovare nuk e ka idenë se sa vuan populli i tyre. Familje të tera janë në ikje e sipër, të krijohet përshtypja se askush nuk dëshiron të jetojë në atë vend, ku nuk funksionon përkujdesja shëndetësore, ku çmimet e ushqimit janë të larta si në Europë, ku shteti kërkon pagesën e energjisë, edhe pse nuk ke bukë për të ngrenë. Kemi arrit në një situatë, ku po jetojmë me vështirë se sa shtazët, thotë Shpresa për mjete të informimit.

Nga 117 kosovarë 96 u kapen në stacionin e trenit në Linz dhe u dërguan ne procedura të azilkërkuesve, sipas organeve austriake pritet qe te gjithë brenda tre muajve të kthehen në Kosovë, kurse 20 prej tyre arritën të arratisen. Nuk kalon asnjë ditë pa u kapur ndonjë ilegal nga Kosova.

Në të gjitha mjetet e informimit po përmendën mbi 5 miliardë € ndihma nga BE-ja që përfunduan në xhepat e politikes kosovare, pa dallim. Diskutimet për Kosovën behën me një imazh jashtëzakonisht negativ. Njerëzit e ardhur nga lufta në politikë dhe Profesorët matuf po e shkatërrojnë vendin e tyre. Shumica e ekspertëve e shohin në rrezik të shkatërrimit shtetin e ri, pasi politika nuk e ka kuptuar drejt qëllimin e shtetit dhe funksionimin e tij. Ata mendojnë se njerëzit e ardhur nga lufta duhet urgjentisht të largohen nga politika dhe profesorët automatikisht të kenë vetëm nga një burim financiar. Sa i përket investimeve austriake ka rezerva, ku shumica e investitorëve potencial dëshirojnë të presin kohë më të mira.B expres

Titulli: Shqiptarët rrihen se kush do ikë jashtë

E martë, 03 Shkurt 2015 22:59

Përkundër apeleve të shumta nga vendi e bota, edhe sot ka vazhduar largimi nga Kosova.
Edhe pse për ditën e sotme nuk ka një numër të saktë për numrin e atyre që u larguan, supozohet se rrugën jashtë Kosovës e kanë marrë qindra veta.

Në orët e vonshme të mbrëmje për në Beograd nga Prishtina është nisur një autobus dykatësh i cili zë më shumë se 100 veta, njofton Koha, derisa në përgjithësi u nisën 10 autobusë.

Sot me dukurinë e braktisjes së vendit nga popullata, pos vendorëve, janë marrë edhe ndërkombëtarët.

Sekretari i përgjithshëm i OKB'së Ban ki Mun ka shprehur shqetësimin e vet për largimin masiv të kosovarëve nga vendi.

Vetëm gjatë këtij muaji Kosovën e kanë braktisur mbi 6000 persona.