Burrel1924
Anëtar i Respektuar
Rilindja Demokratike 08-07-/2009.
Shqipëria pritet të përfitojë nga lëvizja e lirë 3-mujorin e parë të vitit 2010
Fratinni: Liberalizimi e vizave me BE-në, brenda një kohe të shkurtër
Ministri i Jashtëm i Italisë, Franko Fratini, deklaroi dje se, Bashkimi Europian do të liberalizojë së pari, vizat për Serbinë, Maqedoninë dhe Malin e Zi, dhe sigurisht pa harruar edhe Shqipërinë dhe Bosnje Hercegovinën. Këto deklarata shefi i diplomacisë italiane, i bëri gjatë takimit me homologun e tij rumun, Kristian Diakonesku. Gjatë një konference të përbashkët për shtyp, Fratini tha se, Italia dhe Rumania ndajnë të njëjtat ide lidhur me Ballkanin Perëndimor, duke theksuar kështu, mbështetjen për integrimin e këtyre vendeve në Bashkimin Europian. I pyetur lidhur me njohjen e pavarësisë së Kosovës, ministri i Jashtëm rumun tha se, çështja do të diskutohet në një takim me Italinë dhe Serbinë, që do të mbahet në vjeshtë të këtij viti. Gjatë pasdites së djeshme, shefi i diplomacisë italiane, u takua edhe me kryeministrin rumun, Emil Bok si dhe me biznesmenë italianë që punojnë në Bukuresht. Megjithëse procesi i liberalizimit të vizave ka pasur një mbështetje të gjerë politikisht, Shqipëria pritet të përfitojë nga lëvizja e lirë 3-mujorin e parë të vitit 2010. Lufta ndaj krimit dhe dokumentet e rregullta të identifikimit janë dy kushtet thelbësore të BE-së. Komisioni Europian po vëzhgon kushtet që Shqipëria duhet të plotësojë për të arritur një marrëveshje për liberalizimin e vizave dhe ka konstatuar se, qeveria shqiptare ka plotësuar shumicën e kritereve. Qeveria shqiptare ka vënë në zbatim 100% të gjitha rekomandimet e Bashkimit Europian për liberalizimin e vizave. Shqipërisë i kërkohen ndërhyrje të shumta në legjislacion, ngritjen e një sërë strukturash, trajnimin e tyre dhe mbështetje të konsiderueshme financiare. Përsa i përket çështjes së administrimit të kufijve, Shqipëria duhet të përshtasë dhe të zbatojë legjislacionin që rregullon lëvizjen e personave në kufijtë e jashtëm, masat buxhetore dhe administrative që të sigurojë infrastrukturë efikase, pajisje dhe teknologji si dhe programe trajnimi me Policinë Kufitare, doganierët dhe zyrtarë të tjerë të përfshirë. Shqipërisë i kërkohet ngritja dhe zbatimi i mekanizmave për kontrollin e flukseve migratore, mbajtjen e të dhënave si për emigracionin e ligjshëm ashtu dhe atë ilegal apo ngritjen e strukturave për analizimin e tyre. Po ashtu, kërkohet përmirësimi edhe në hetimin e rasteve të trafiqeve të organizuara. Rendi Publik dhe Siguria janë një tjetër fushë ku Shqipëria i ka arritur standardet. Kërkesat e detajuara të zyrtarëve të Bashkimit Europian do të kërkojnë një angazhim serioz të strukturave të shtetit shqiptar. Theksi kudo vihet në nevojën për zbatimin e ligjeve apo konventave ndërkombëtare. Shqipëria do të duhet të ngrejë një sërë strukturash të reja dhe të japë për to mbështetjen e nevojshme financiare.
Shqipëria pritet të përfitojë nga lëvizja e lirë 3-mujorin e parë të vitit 2010
Fratinni: Liberalizimi e vizave me BE-në, brenda një kohe të shkurtër
Ministri i Jashtëm i Italisë, Franko Fratini, deklaroi dje se, Bashkimi Europian do të liberalizojë së pari, vizat për Serbinë, Maqedoninë dhe Malin e Zi, dhe sigurisht pa harruar edhe Shqipërinë dhe Bosnje Hercegovinën. Këto deklarata shefi i diplomacisë italiane, i bëri gjatë takimit me homologun e tij rumun, Kristian Diakonesku. Gjatë një konference të përbashkët për shtyp, Fratini tha se, Italia dhe Rumania ndajnë të njëjtat ide lidhur me Ballkanin Perëndimor, duke theksuar kështu, mbështetjen për integrimin e këtyre vendeve në Bashkimin Europian. I pyetur lidhur me njohjen e pavarësisë së Kosovës, ministri i Jashtëm rumun tha se, çështja do të diskutohet në një takim me Italinë dhe Serbinë, që do të mbahet në vjeshtë të këtij viti. Gjatë pasdites së djeshme, shefi i diplomacisë italiane, u takua edhe me kryeministrin rumun, Emil Bok si dhe me biznesmenë italianë që punojnë në Bukuresht. Megjithëse procesi i liberalizimit të vizave ka pasur një mbështetje të gjerë politikisht, Shqipëria pritet të përfitojë nga lëvizja e lirë 3-mujorin e parë të vitit 2010. Lufta ndaj krimit dhe dokumentet e rregullta të identifikimit janë dy kushtet thelbësore të BE-së. Komisioni Europian po vëzhgon kushtet që Shqipëria duhet të plotësojë për të arritur një marrëveshje për liberalizimin e vizave dhe ka konstatuar se, qeveria shqiptare ka plotësuar shumicën e kritereve. Qeveria shqiptare ka vënë në zbatim 100% të gjitha rekomandimet e Bashkimit Europian për liberalizimin e vizave. Shqipërisë i kërkohen ndërhyrje të shumta në legjislacion, ngritjen e një sërë strukturash, trajnimin e tyre dhe mbështetje të konsiderueshme financiare. Përsa i përket çështjes së administrimit të kufijve, Shqipëria duhet të përshtasë dhe të zbatojë legjislacionin që rregullon lëvizjen e personave në kufijtë e jashtëm, masat buxhetore dhe administrative që të sigurojë infrastrukturë efikase, pajisje dhe teknologji si dhe programe trajnimi me Policinë Kufitare, doganierët dhe zyrtarë të tjerë të përfshirë. Shqipërisë i kërkohet ngritja dhe zbatimi i mekanizmave për kontrollin e flukseve migratore, mbajtjen e të dhënave si për emigracionin e ligjshëm ashtu dhe atë ilegal apo ngritjen e strukturave për analizimin e tyre. Po ashtu, kërkohet përmirësimi edhe në hetimin e rasteve të trafiqeve të organizuara. Rendi Publik dhe Siguria janë një tjetër fushë ku Shqipëria i ka arritur standardet. Kërkesat e detajuara të zyrtarëve të Bashkimit Europian do të kërkojnë një angazhim serioz të strukturave të shtetit shqiptar. Theksi kudo vihet në nevojën për zbatimin e ligjeve apo konventave ndërkombëtare. Shqipëria do të duhet të ngrejë një sërë strukturash të reja dhe të japë për to mbështetjen e nevojshme financiare.
