Hostel
Anëtar i Nderuar
PS ka kundërshtuar financimin e fakulteteve mbi bazë të numrit të të regjistruarve
"Vendimi i Ministrisë së Arsimit për të financuar fakultetet mbi bazën e numrit të të regjistruarve çon në rrënimin financiar dhe mbylljen e qendrave universitare". Ka qenë kjo deklarata e bërë dje, nga kryetarja e Komisionit të Edukimit në PS, Ledi Shamku. Në emër të PS-së, ajo ka akuzuar qeverinë se me politikat e saj po mbyll universitetet tradicionale. "Kështu po veprohet edhe me fakultetet e qyteteve tona tradicionale, për të cilat Ministria e Arsimit sapo shpalli se do t‘i financojë mbi bazë matematike, pra sipas numrit të të regjistruarve. Në fakt, ajo zyrtarizoi një praktikë që ka mbi tre vjet që e ushtron, e që po ka si efekt rrënimin financiar dhe mbylljen e qendrave universitare më të rëndësishme të vendit siç po ndodh me universitetet e Gjirokastrës, Elbasanit apo të Shkodrës", tha Shamku. Sipas saj, "vendi sot drejtohet nga çeta Adhamudhësh që shërimin e kanë kuptuar si eliminim të të sëmurit". PS thekson se këto masa do të kenë dhe pasoja fatale. "Pasojat e këtij vendimi do të jenë mbipopullimi i skajmë i Tiranës dhe braktisja e qyteteve tona kryesore nga rinia. Të parat që largohen janë elitat, e më pas afërmendsh qytetet" , tha Shamku duke shtuar se përkundër masave të tanishme PS kur të vijë në qeveri do të aplikojë një politikë më të përgjegjshme për t‘i dhënë vendit "figura dalëzotëse".