Analistët: Projektues i sulmit ndaj Xharrës, SHIK-u
Pak ditë pasi që është prezantuar publikisht para mediave si anëtarja më e re e Partisë Demokratikë të Kosovës, Arbana Xharra është sulmuar nga persona të pa njohur pas mesnatës të së shtunës.
Policia e Kosovës, përmes një komunikate për media, ka bërë të ditur se sipas informacioneve fillestare, dyshohet se Xharra është sulmuar fizikisht nga persona të panjohur deri më tani.
Policia ka thënë se me zyrtarët e saj kompetent, është duke kryer hetime intensive me qëllim të zbardhjes së rastit dhe sjelljes së personave të dyshuar para organeve të drejtësisë.
Xharra është e njohur për opininin publik si një nga ish-gazetaret, e cila ka kritikuar anëtarët e partisë së cilës iu bashku tash së voni. Por, është kritikuar për bashkimin e saj në këtë parti, madje analistët vlerësojnë se sulmi ndaj saj mund të jetë bërë për poena politikë.
Haziri: Projektues i sulmit ndaj Xharrës, SHIK-u
Analisti Nexhat Haziri e ka quajtur një akt qyqar sulmin ndaj Xharrës, derisa ka thënë se ky sulm është bërë për t`i akuzuar rivalët politik.
Image
Nexhat Haziri
FOTO GALERI
Sipas tij, përgjegjës për sulmin ndaj saj, është organizata kriminale SHIK.
“Sulmi ndaj Arbana Xharrës, përveç se është i dënushëm dhe i papranueshëm, është edhe një akt qyqar i atyre që e kanë orkestruar këtë sulm për t’i akuzuar rivalët politikë. Dhe ky akt i shëmtuar ka vetëm një projektues dhe ekzektues, e kjo është organizata kriminale vrasatare SHIK”, ka thënë Haziri.
Po ashtu, ai ka theksuar nuk është hera e parë që PDK-ja përdor metoda të tilla për të fituar poena politik.
“Nuk është hera e parë që PDK-ja përdor metoda të tilla, që përmes "kurbanizimit" të anëtarëve të vetë, tenton për të fituar poena politikë, duke i akuzuar rivalët politikë, si edhe në këtë rast kur mediat e afërta apo që janë nën kontroll të SHIK-ut ngritën dyshime të pa bazuara ndaj LVV-së. Natyrisht që në këtë valle i ka futur edhe disa nga të ashtuquajtur personalitete nga shoqëria civile dhe media të cilat i ka nën kontroll për të krijuar sa më shumë amulli rreth këtij rasti”, është shprehur Haziri.
Ai gjithashtu ka theksuar se është e dhimbshme se si po tentohet të devijohet ky akt i turpshëm nga disa persona që thirrën në emër të shoqërisë civile, duke i akuzuar njerëzit kritik ndaj aderimit të Xharrës në këtë parti si nxitës të kësaj dhune.
“Kjo është një kurvëri e skajshme e kësaj pjese të shoqërisë civile, njërëz që tërë ditën i shërbejnë "hyxhmetit" dhe në mbrëmje qajnë hallet e "miletit". Pra, ky është një akt i turpshëm dhe i orkestruar nga vetë tani bashkëpartiakët e znj. Xharra, PDK-ja. Subjektet e tjera politike dhe qytëtarët nuk duhet të bijnë pre e këtyre akteve skajshmërisht të rrëzikshme që mund ta tensionojnë fushatën zgjedhore dhe ta polarizojnë në skajshmëri skenën politike të Kosovës. Një situatë e tensionuar i shkon përshtati vetëm PDK-së”, ka thënë Haziri.
Krasniqi: Këta (PDK-ja) edhe 'të marrin' edhe të rrahin
Ndërsa, sipas analistit tjetër Faik Krasniqi, dhuna duhet të dënohet pavarësisht se nga kush dhe ndaj kujt është orkestruar.
“Mungesa e një shteti ligjor dhe kapja e shtetit nga mafiopolitika, lë hapësirë për teori konspiracioni. Dhuna është dhunë dhe duhet të dënohet pavarësisht se kundër kujt dhe prej kujt është orkestruar ajo”, ka thënë Krasniqi.
Image
Faik Krasniqi
FOTO GALERI
Ai ka theksuar se nuk duhet të përjashtohet mundësia që sulmi ndaj Xharrës, të jetë një skenar i përgatitur për të marrë poena politike.
“Sidomos ndaj një femre, SHIK-u ka metoda të ndryshme për të përgatitur skenare dhe nuk përjashtohet si mundësi që rrahja e Arbana Xharrës mund të jetë një skenar i përgatitur nga SHIK-u, për të marr poena politik në prag të zgjedhjeve. Këta edhe 'të marrin' edhe të rrahin, për të krijuar drama prej teje. Ndërsa, ata që e pranuan në PDK e pranuan për t'ia marrë meritat pasi t'i ndodh rrahja , e jo për ta mbrojtur”, ka thënë ai.
Në fund, Krasniqi ka shtuar se plani i PDK-së është përmbushur pasi që kjo parti nuk zgjedh metoda për t`i fituar zgjedhjet.
“Plani i PDK-së u përmbush, sepse ajo nuk zgjedh metoda vetëm e vetëm që t’i fitojë zgjedhjet. Fatkqësisht, shteti i kapur nga kriminelët ë politikës s'ka për të zbardhur as këtë rast ndonjëhërë”, ka përfunduar Krasniqi.
