Deputetja socialiste Luiza Xhuvani, e shoqëruar nga Kryeministri Edi Rama publikisht njoftoi se kishte paraqitur dorëheqjen nga detyra e saj si deputete e Sarandës, pas ngjarjes së rëndë të mëngjesit të së martës, ku mbeten të vrarë 4 persona dhe djali i saj Kostandin Xhuvani është një prej autorëve kryesore të dyshuar për këtë masakër.
"Jam tepër e pikëlluar për ngjarjen që ka ndodhur dhe ndjej keqardhje të thellë për familjet e viktimave. Mos i ndodhtë asnjë prindi kjo që më ka ndodhur mua sot! Unë jam nëna e Kostandinit dhe ai do të jetë biri im gjithnjë. Megjithatë ligji duhet të zbatohet njësoj për të gjithë. Sot kam paraqitur dorëheqjen time si deputete e Sarandës", u shpreh Xhuvani.
Ndërkohë Kryeministri Edi Rama, që në fillim të fjalës së tij theksoi se ngjarja e mëngjesit të së martës ishte një ngjarje kriminale dhe se drejtësia duhet të vijojë punën e saj për ndëshkimin e përgjegjësve.
"Besoj se arrij të kuptoj se cfare mund të ndjejnë prindërit, të afërmit, miqtë sot kur kanë humbur njerëzit e tyre të shtrenjtë.Ngjarja që ndodhi sot ishte një ngjarje kriminale. Unë di të them që koha e dyfytyrësisë së politikës ka përfunduar më 23 qershor; koha kur justifikoheshin familjarët, kur 26 vetë u dogjën në Gërdec ka përfunduar më 23 qershor", tha Rama.
Kryeministri, duke theksuar se nuk do të tërhiqet së kërkuari drejtësi per kete çeshtje, vlerësoi edhe qëndrimin e deputetes Xhuvani.
"Politika shqiptare duhet të mësojë nga vendimi i Xhuvanit, vendim i i cili duhet t'i vlejë edhe gjykatësve. Zyrat janë tonat, por pushteti është i popullit. Fëmijët janë tanët, por ligji është njësoj për të gjithë fëmijët. Nuk duhet të ngatërrohemi me termat, në fakt. Kostandini është një burrë 26 vjeç, që është tragjedia e gjallë dhe e pamerituar e dy prindërve të mrekullueshëm që nuk kanë asgjë të përbashkët me jetën e ulët dhe me politikën e krimit. Gruaja dhe nëna, të cilës sot i ra fatkeqësia të jetojë në çdo qelizë të vetvetes shprehjen 'ا'të bën fëmija, s'ta bën as Perëndia!", si asnjë burrë tjetër më parë, tregoi se nga cfarë niveli i lartë vjen. Nuk do të kisha dashur kurrë që të ndodhtë kjo gjëmë për miqtë e mi Luiza dhe Gjergj Xhuvani, por sot të gjithë ne që besojmë te etika e politikës, së bashku mund ta bëjmë më të mirë jetën tonë", tha Kryeministri Rama.
E në fund të deklaratës së tij, Rama u shpreh: "Luiza dëshmoi sot, se të merresh me politikë për qëllime të mira, nuk është njësoj si të luash teatër".
/ Top Channel
"Jam tepër e pikëlluar për ngjarjen që ka ndodhur dhe ndjej keqardhje të thellë për familjet e viktimave. Mos i ndodhtë asnjë prindi kjo që më ka ndodhur mua sot! Unë jam nëna e Kostandinit dhe ai do të jetë biri im gjithnjë. Megjithatë ligji duhet të zbatohet njësoj për të gjithë. Sot kam paraqitur dorëheqjen time si deputete e Sarandës", u shpreh Xhuvani.
Ndërkohë Kryeministri Edi Rama, që në fillim të fjalës së tij theksoi se ngjarja e mëngjesit të së martës ishte një ngjarje kriminale dhe se drejtësia duhet të vijojë punën e saj për ndëshkimin e përgjegjësve.
"Besoj se arrij të kuptoj se cfare mund të ndjejnë prindërit, të afërmit, miqtë sot kur kanë humbur njerëzit e tyre të shtrenjtë.Ngjarja që ndodhi sot ishte një ngjarje kriminale. Unë di të them që koha e dyfytyrësisë së politikës ka përfunduar më 23 qershor; koha kur justifikoheshin familjarët, kur 26 vetë u dogjën në Gërdec ka përfunduar më 23 qershor", tha Rama.
Kryeministri, duke theksuar se nuk do të tërhiqet së kërkuari drejtësi per kete çeshtje, vlerësoi edhe qëndrimin e deputetes Xhuvani.
"Politika shqiptare duhet të mësojë nga vendimi i Xhuvanit, vendim i i cili duhet t'i vlejë edhe gjykatësve. Zyrat janë tonat, por pushteti është i popullit. Fëmijët janë tanët, por ligji është njësoj për të gjithë fëmijët. Nuk duhet të ngatërrohemi me termat, në fakt. Kostandini është një burrë 26 vjeç, që është tragjedia e gjallë dhe e pamerituar e dy prindërve të mrekullueshëm që nuk kanë asgjë të përbashkët me jetën e ulët dhe me politikën e krimit. Gruaja dhe nëna, të cilës sot i ra fatkeqësia të jetojë në çdo qelizë të vetvetes shprehjen 'ا'të bën fëmija, s'ta bën as Perëndia!", si asnjë burrë tjetër më parë, tregoi se nga cfarë niveli i lartë vjen. Nuk do të kisha dashur kurrë që të ndodhtë kjo gjëmë për miqtë e mi Luiza dhe Gjergj Xhuvani, por sot të gjithë ne që besojmë te etika e politikës, së bashku mund ta bëjmë më të mirë jetën tonë", tha Kryeministri Rama.
E në fund të deklaratës së tij, Rama u shpreh: "Luiza dëshmoi sot, se të merresh me politikë për qëllime të mira, nuk është njësoj si të luash teatër".
/ Top Channel
