21/12/2009 19:50
Fati i ka bere qe te rriten jetime, por varferia i ka detyruar te prostituojne per buken e gojes. Pese vajza jetime nga Shkodra detyrohen te dalin ne rruge, sa here uria mbyt cdo norme morali pasi nuk kane asgje cfare te hane.
Nje nga vajzat, e cila vetequhet Dana, gjen kurajon te tregoje ne kamera kete pjese te hidhur te jetes se saj.
“Vendin ku te fleme e kemi. Por dalim jashte kur ngelemi pa buke. Dalim neper rruge per te fituar buken. Nuk na merr njeri ne pune. Ne i kemi duart dhe kembet, por s’na pranon njeri ne pune”, thote Dana.
Asaj, por edhe shoqeve te saj, askush nuk u ofron pune. E ne keto kushte, puna e vetme eshte ajo ne rruge, ku jo pak here i mashtrojne dhe i rrahin.
“Qe e vogel kam filluar te punoj ne rruge, qe kur kam dale nga shtepia e femijes. Ka edhe vajza qe jane jetime dhe dalin, pasi detyrohen. Kur nuk na ka mbajtur nena, ne presim edhe shkelmin”, shprehet Dana.
Dana eshte 18 vjec, ka pamjen e nje djali, si edhe mikeshat e saj. Nuk mund t’i mbaje floket e gjate apo te vishet si vajze, pasi edhe keshtu thote ajo e kemi jeten shume te veshtire.
“Dua te punoj ne nje fabrike, te shes ndonje gje se keshtu nuk vazhdohet me”, thote ajo.
Pasi mbushi 14 vjec, drejtori i shtepise se femijes vendosi ta dergoje ne konviktin e Tiranes. Dana tregon se i kerkoi shoferit ta sillte ne Shkoder.
Nuk mund te qendronte aty, pasi ne Shkoder kishte motren e saj te vogel qe jetonte ne shtepine e femijes.
Por, ndersa kthehej per ne Shkoder, edhe jeta e saj pati nje kthese tragjike. Shoferi e perdhunon dhe e braktis ne Lezhe, ku per nje vit e gjysme u be pre e abuzimeve dhe e rrahjeve pa fund. Kur rikthehet ne Shkoder, ajo ishte ndryshe.
“Une kam jetuar ne rruge. Me kane rrahur e me kane zhdepur. Une i kam denoncuar edhe ne polici, por i kane mbajtur nja dy tre dite dhe me pas i kane nxjerre prape. Here na paguajne e here s’na paguajne, cfare nuk ndodh”, shprehet ajo me tej.
18 vjecarja e njeh te emen, por ate nuk mund ta pranoje. Ajo eshte nje nga jetimet e Shkodres, per te cilen nuk ka pune, nuk ka buke dhe ku te gjithe e paragjykojne.
Ajo pranoi ta jape kete interviste se nuk ka me asnje frike dhe se kerkon te denoncoje shtetin, ate institucionet qe duhet ta mbronin.
