Monique
With or Without u
![prokuroret-tahiri.jpg prokuroret-tahiri.jpg](https://fv.al/data/attachments/125/125399-bb49ac77c98d77a5cffd080962b19135.jpg)
Hetimet nisën për një orë dore
Prokuroria e Krimeve të Rënda i ka kthyer përgjigje kryeministrit të vendit, Edi Rama, pas deklaratave të tij në mbledhjen e grupit parlamentar të Partisë Sociliste.
Rama rrëzoi kërkesën e Prokurorisë për heqjen e mandatit të deputetit Saimir Tahiri, duke e quajtur të papranueshme dhe pa baza. E ndërsa Krimet e Rënda me anë të një deklarate i kanë kujtuar kreut të qeverisë rastin e arrestimit të kryeministrit kroat.
Ku hetimet kanë nisur vetëm për një orë dore dhe përfunduan me arrestimin dhe më tej, me dënimin e ish-kryeministrit të atij vendi.
Pjesë nga deklarata
Në vlerësimin tonë, ky qëndrim publik i Kryeministrit është sinjal i qartë që lufta kundër korrupsionit në nivele të larta, qëllimi i të cilës ishte edhe miratimi i Reformës në Drejtësi, do të kontrollohet nga politika. Prokuroria për Krime të Rënda ka pasur kënaqësinë, disa kohë më parë, të dëgjojë përvojën e homologëve të saj në Kroaci, hetimet e të cilëve, të nisura për një orë dore, përfunduan me arrestimin e, më tej, me dënimin e ish-kryeministrit të atij vendi. Gjithashtu, përvoja të ngjashme të suksesshme ka pasur edhe në vende, si Rumania e të tjerë. Prokuroria për Krime të Rënda është e bindur se i gjithë faktori politik shqiptar, i mbështetur edhe nga partnerët më të rëndësishëm ndërkombëtarë, hartuan Reformën në Drejtësi, duke pasur si guidë të suksesshme përvojën kroate e rumune, të cilat i ndihmuan për t’u integruar në Bashkimin Europian.