LeVoyageur
RDM 33 NSOE
-
- Anëtarësuar më
- Jul 12, 2011
-
- Mesazhe
- 24,652
-
- Reagimet e mara
- 20,738
-
- Vendndodhja
- Me kembe te ngulura mire....mbi re😁
Tek na tregon se ka futur në listën për deputetë Luljeta Bozon dhe Najada Çomon, Edi Rama më në fund pranon se është tërhequr nga kursi i çartur që po ndiqte deri më tani me kryeneçësi, që oferta e rilindjes për mandatin e tretë, ishte ai vetë. Asgjë më shumë, e asgjë më pak. As ide, as program, as bilanc, as njerëz. Por ai. 2 metra, me karakterin e tij. Kjo ishte alternativa.
Me gjasë, sondazhet i kanë treguar se kjo nuk mjafton. Ndaj ka nisur të afrojë emra që ai i gjykon se janë popullorë.
Pasi krijoi ansamblin e këngëve dhe valleve në PS me disa aktorë e vokalistë të njohur, tani po i shton listës emra të profesioneve.
Një lëvizje e dëshpëruar. E nxitur nga fakti se nuk i dalin llogaritë. Cdokush e di mirë se në qeverisje, ai as nuk do ta dëgjonte Najadën për koncensionet në shëndetësi, e as do kishte 1 minutë kohë për Luljetën kur të ndante miliardat me oligarkët.
Këto dy zonja të nderuara thjesht nuk do të ekzistonin. Janë sot aty sepse i duhen për të korigjuar imazhin e rrënuar nga keq-qeverisja 8 vjeçare. Pra për fasadë.
Po shqiptarët e kanë tashmë të qartë, e kanë parë këtë film. Në këto kushte, Edi Ramës, edhe Shën Pjetri po të pranonte të behej pjesë e listës, nuk do t’i kryente dot punë. Me gjithë forcën që ai ka te njerëzit, megjithëqë mban në duar çelësat e parajsës, shumë e vështirë do ishte të bënte ndokënd të besonte te Edi Rama. Ka konsumuar dy mandate me mashtrime elektorale. Nuk ka më kohë, nuk më vend, nuk ka më shans.
Mapo.al