A2.
V.I.P
Kjo pyetje më pëlqen, ndaj po të përgjigjem me atë që di, e kam me të lexuar jo me të dëgjuar
.Kurani përmban guidelines (parimet bazë) nëpërmjet të cilave mund të zgjidhen të gjitha problemet që ekzistojnë sot dhe mund të ekzistojnë në të ardhmen. Në fakt, ky është pretendimi i Kuranit, e nëse vërtetohet që nuk jep zgjidhje për një situatë të caktuar kurdo nga sot dhe deri në Ditën e Fundit atëherë vërtetohet që nuk është Fjalë e Zotit. Prandaj, kush e lexon Kuranin i lexon edhe sfidat që u jepen njerëzve nga ajo kohë por që vazhdojnë edhe sot, mes tyre janë:
-Nëse ky Kuran është fjalë e një njeriu atëherë bëjeni një tjetër, ose një kaptinë sikur kaptinat e Kuranit, madje qoftë edhe një citat sikur ato të Kuranit. Për këto 1400+ vite akoma askush s'ka arritur të sjellë diçka të ngjashme me Kuranin.
-Kurani i sfidon njerëzit duke u thënë ju s'mund të krijoni asnjë krijesë të gjallë, madje as diçka sa një mizë. Deri më sot akoma askush s'ka krijuar një krijesë, e as një mizë apo ndonjë insekt tjetër.
-Kurani i sfidon njerëzit duke u thënë jo që nuk do të jeni të aftë ndonjëherë për të krijuar një mizë, por edhe nëse miza e hanë ndonjë ushqim tuajin ju s'mund ta ktheni mbrapa asnjëherë.
Këto janë disa nga sfidat e Kuranit për njerëzit, nëse ata arrijnë t'i mposhtin e vërtetojnë që Kurani s'është Fjalë e Zotit. Një mënyrë tjetër është duke gjetur kontradikta në Kuran, gjë që s'ka ndodh akoma deri në këtë sekondë që po flasim.
Atëherë t'i kthehemi pyetjes: Pse s'ka nevojë për një profet tjetër pas Profetit Muhamed? Sepse çdo gjë që u duhet njerëzve deri në Ditën e Fundit për nga aspekti fetar është e zgjidhshme me 'mjetet' të cilat na i ka përcjell Profeti Muhamed. Këto përfaqësohen në dy kanale: I pari padyshim është Kurani ku parimet i ka më të gjeneralizuara prandaj edhe zgjidhjet janë më gjenerale, i dyti është Suneti, i cili përfshin fjalët, veprimet, konfirmimet e Profetit Muhamed, së bashku me cilësitë e tij fizike, si dhe edukatën e tij në përgjithësi. Ky kanal i dytë është i pandshëm nga i pari, meqenëse i përkthen parimet e përgjithshme në zgjidhje konkrete, e pastaj u mundësohet studiuesve të fesë të aplikojnë analogjinë për situata të ngjashme në kohë të ndryshme.
Për shkak se Mesazhi që solli Profeti i fundit, Muhamedi, paqja dhe bekimet e Allahut qofshin mbi të, i ka këto dy tipare, është gjithëpërfshirës në dimension të kohës dhe të vendit, nuk është e nevojshme të vijë një profet tjetër pas tij. Mesazhet e profetëve të tjerë ishin të kufizuar edhe në kohë, por edhe në vend, prandaj edhe Zoti nuk e garantoi origjinalitetin e tyre përtej kohës dhe vendit ku ato ishin të vlefshëm. Meqenëse Kurani dhe Suneti nuk i kanë këto kufizime në kohë e hapësirë, Zoti i Lartësuar garantoi origjinalitetin e tyre deri në ditët e fundit të kësaj bote. Kjo është një provë tjetër që Kurani është Fjalë e Zotit, meqenëse është 100% i pandryshuar nga koha kur iu shpall Profetit Muhamed.
Ke pyetje të mira @NoMaD por duhet përgjigje të gjata për të qenë i saktë. Të kërkoj ndjesë që nuk isha i aftë ta përmbledh këtë përgjigje në më pak fjalë, ashtu siç janë fjalët e Profetit xhevami el-kelim - pak fjalë me shumë domethënie.
Edhe ty nese e bene punen smirrem me citime te lezeteshme cfaredo konatotacioni qofshin ato. 
