Titulli: Miqësia mes femres dhe mashkullit
Shoqëria mes një burri dhe gruaje….. Sa e vërtetë mund të jetë?
Pyetjes nëse ekziston një shoqëri e vërtetë mes një burri dhe gruaje jo gjithmonë dimë t’i përgjigjemi. Rastet e përditshme kanë treguar se mund të ndodhë, ndërsa psikologët janë më skeptikë. A ndihen gjithmonë të gatshëm femrat dhe meshkujt për të qenë miq? Pse një djalë i mirë mbetet shokë edhe pas një raporti? Dhe pse tërheqja seksuale e bën të pamundur një raport të vërtetë shoqëror?
Nga Elona Vrenezi
Marrëdhënia që ekziston mes meshkujve dhe femrave duket se është sa e thjeshtë aq dhe e ndërlikuar. Në rrethana të caktuara ajo merr forma të ndryshme. Ka momente kur një femër ka vërtet nevojë për shoqërinë e tjetrit, apo është dëshira e saj për të ndarë momente nostalgjie me të? E njëjta gjë mund të ndodhë me djalin tipik të sjellshëm, i cili duket se do të mbesë përjetësisht i dashuruar me ish të dashurën e tij. Pasi çdo gjë ka marrë fund a mund të ketë ndonjëherë një shoqëri të mirëfilltë mes tyre? Janë raste të cilat koha i ka vërtetuar se jo. Dhe në fakt më skeptikë ndaj rastit, ata që nuk besojnë se ekziston një shoqëri e vërtetë mes dy gjinive, janë psikologët që e vërtetojnë. Në një raport intim ka gjasa që një marrëdhënie e tillë edhe mund të ekzistojë, atëherë kur partnerët e njohin shumë mirë njëri tjetrin. E në një njohje të rastësishme është e pamundur të ketë vërtet shoqëri, sepse joshja seksuale bën të veten. Kjo ndodh, sidomos kur bëhet fjalë për meshkujt.
Djali i mirë
Sa herë që keni dëgjuar shprehjen ‘ai është një djalë i mirë’, në mendjen tuaj krijohet një lloj klisheje që duket se i ka rezistuar kohërave. ثshtë ai djali që studion për orë të tëra për të pasur rezultate sa më të mira, përpiqet të vishet në mënyrë sa më të rregullt, ndonjëherë edhe duke i hekurosur vetë rrobat e tij, viziton gjyshërit në fundjavë dhe nëse shokët kanë nevojë për ndihmën e tij duket se e ka të vështirë të thotë jo. ثshtë djali tipik që një shoqërie i duhet, pasi ka vërtet vlera. Miqtë e kërkojnë kur kanë vërtet nevojë për zgjidhje problemesh, por nuk ia ndiejnë shumë mungesën gjatë festave në fundjavë. Por si vjen ai në vëmendjen femërore? Një djalë ‘i mirë’ nuk është një stimulues po kaq i mirë i reaksioneve kimike mes dy gjinive. Eksperiencat e kanë treguar që një vajzë nuk do të dashurohej gjithmonë me një të tillë. Në një histori dashurie ai është karakteri që lëndohet më tepër, dhe vajza është ajo që ikën duke menduar për veten e saj. Por ka gjithmonë gjasa që shoqëria të ruhet mes të dyve, dhe kur gjërat kanë përfunduar. Sepse djali i mirë është ai që e ka më të vështirë të harrojë.
Nga të dashur në shok
Femrat, në përgjithësi, synojnë të zhvillojnë nevojën për shoqëri më tepër se meshkujt. Pikë së pari, ato janë shumë më tepër të varura prej shoqërisë se sa djemtë, dhe së dyti, janë më tepër emocionale dhe të ndjeshme duke dashur të shprehen diku. Ndodh për këtë arsye, që shpesh janë nën efektin e kujtimeve të largëta të një lidhje që edhe pse e thyer ka gjasa të rikrijohet. Një shembull klasik i shoqërisë mes femrave dhe meshkujve është ai që krijohet mbi kujtimin që vjen pas përfundimit të një raporti të bukur. Edhe pse të ndarë ata mbeten miq. ثshtë diçka që ndodh shumë rrallë, por ndodhë. Në këtë lloj situate, një impuls i papritur mund të çojë në një panoramë miqësie. Ndodhë atëherë kur njëri prej ish partnerëve do të ketë nevojë për diçka, dhe tjetri do të jetë i gatshëm të ndihmojë në kujtim të momenteve të bukura që i lidhën bashkë. Për më tepër kjo lloj asistence, shumicën e rasteve, merr jetë jo në formë materiale më shumë se sa në atë morale (mbështetjeje, mirëkuptimi dhe përfshirjeje …). Gjëja më e rëndësishme por dhe e vështirë në këtë moment, është kujdesi që duhet treguar për të mos iu kthyer të kaluarës. Mos u impresiononi nga ajo që iu ka ndodhur në të shkuarën. Ruani kujtimin e bukur por mos prishni balancat!
Një mike për t’u mbështetur
Pavarësisht faktit se romantizmi dhe sentimentalizmi janë ndjenja që karakterizojnë më tepër natyrën femërore, ka ende meshkuj te të cilët ekzistojnë këto tipare. Kështu ajo që duan ata në fund të fundit është një shoqe, me të cilat nuk duhet të tregohen domosdoshmërisht të fortë, të guximshëm, me vullnet, e të vendosur. Një burrë, normalisht, nuk mund të ketë nevojë për një shok për të qarë hallet e tij. Nga ana tjetër një grua mund të dëgjojë dhe e ka më të lehtë të japë një këshillë. Femrat, nga natyra, janë më të dhëna për të qenë shoqe të mira, të kuptueshme kur një mashkull ka vërtet nevojë. Ajo nuk di të ‘shfrytëzojë’ në kontekste të tjera. Në shumicën e rasteve të paktën.
Shoqëritë jetëshkurtra
Mundësia e katërt e shoqërisë mes një djali dhe një vajze është ajo e zakonshmja, që është e lidhur më shumë me përditshmërinë tonë. Hidhni një sy rreth e rrotull në vendin e punës, ka kaq shumë të gjinisë së kundërt. Sigurisht që marrëdhënia që krijohet është e një komunikimi të nevojshëm për punë. Kur dy persona të gjinisë së kundërt punojnë për të njëjtin projekt, u duhet të shpenzojnë shumë kohë së bashku: të shkojnë bashkë në mbledhje, punojnë me orë të tëra, telefonojnë njëri tjetrin në fundjavë … Gradualisht, komunikimi i tyre është përtej qëllimit formal të punës që u duhet të bëjnë. Fillojnë të flasin më tepër për veten, familjet, muzikën e preferuar dhe batutat që lindin natyrshëm. Gjithsesi duhet thënë se shoqëria e tyre nuk shndërrohet në diçka më të madhe se aq. Të dy janë të interesuar në punë dhe mungesa e kohës bën që ndjenjat e tyre të mbeten mirëfilltazi të një shoqërie të vërtetë. Kjo lloj shoqërie nuk është jetëgjate, shkatërrohet po aq shpejtë sa krijohet. Sapo puna e përbashkët të ketë mbaruar fjala ‘shok’ nuk do të ekzistojë më.
Cila është esenca e një shoqërie?
A mund të quhet çdo gjë që është thënë më sipër një shoqëri e vërtetë mes dy gjinive? Sipas psikologëve jo. Sepse koncepti i një shoqërie është shumë i gjerë se aq.
Mendimi që ekziston për shoqërinë e vërtetë mes një burri dhe gruaje duket se nuk do të ekzistojë asnjëherë. Vetëm në një çift lumturisht të dashuruar, ku partnerët ndajnë çdo gjë me njëri tjetrin: shqetësimet dhe frikërat, planet dhe fitoret, gëzimet apo sekretet e vogla. Këta njerëz që janë gjithmonë pranë njëri tjetrit, a i tregojnë shenjat e shoqërisë së vërtetë?
Pra në lidhje me shoqërinë e vërtetë mes një burri dhe gruaje, duke përjashtuar lidhjet romantike, psikologët të cilët janë marrë me këtë çështje kanë vënë re kompleksitetin në ruajtjen e një marrëdhënieje të qëndrueshme. Dhe arsyeja kryesore në ekzistencën e një kompleksiteti të pashmangshëm shkaktohet njëlloj nga të dyja palët. Edhe pse e interpretojnë ndryshe.
Joshja seksuale, fundi i një shoqërie
Burrat e shohin krejt të natyrshme të kenë marrëdhënie qoftë shoqërore apo jo me gra të cilat nuk kanë tërheqje emocionale. Ata nuk janë kundër idesë së një raporti shoqëror të ndërthurur me atë seksual. Gratë në të kundërt ndihen ndryshe. Tensioni seksual në një shoqëri shpesh i shtyp ato. Kështu nuk ndihen vetvetja. Dhe nëse ka diçka seksuale që ndodh mes tyre, kur ato do të donin të kishin vetëm shoqëri, i bën të ndihen të shqetësuara.
Të jesh një grua dhe të ndeshesh me burra të ndryshëm i bën ato të pyesin nëse e kanë vërtetë nevojën e shoqërisë së tyre. اështja bëhet akoma më e vështirë kur është fjalë për burrat e martuar. Janë ata të cilët ndonjëherë më shumë se të tjerët duan të flirtojnë brenda një raporti të vërtetë miqësor. Këtu shoqëria mes femrave dhe meshkujve duket se komplikohet më tepër. Megjithatë faji nuk mund të jetë vetëm i tyre, për shkak të tërheqjes seksuale që ndiejnë ndaj femrave. Janë shpesh edhe këto të fundit që provokojnë situata të ngjashme. E nëse në një marrëdhënie shoqërore implikohet joshja seksuale atëherë një raporti i mirëfilltë shoqëror duket se e ka të vështirë të ekzistojë. Nëse kjo ka ndodhur, me keqardhje, duhet pranuar edhe fundi i shoqërisë. ثshtë një dilemë, por dhe e vërtetë, që ka ekzistuar gjithmonë nga miti deri në aktualitetin e sotëm.
shqip.al