Kreu i Kuvendit Ilir Meta së bashku me ministrin e bujqësisë Edmond Panariti vizituan sot një pulari në fshatin Ferras të Komunës Levan, për të dëmshpërblyer pronarët e saj duke i dhuruar 2500 zogj.
Kjo ishte hera e parë që kreu i Kuvendit ndoqi nga afër shqetësimet e banorëve të zonave të përmbytura. Gjatë vizitës, një banor i Ferrasit i shprehu një shqetësim kreut të Kuvendit, i cili u zotua se do ta zgjidhë shefi i Emergjencave, në të kundërt Meta i kërkoi banorit ta marrë në telefon.
Biseda e plotë:
Ilir Meta: Merrja emrin dhe zgjidhja problemin
Shefi i emergjencave në Fier, Arben اuko: Po ia kemi zgjidhur, i kemi shpërndarë çadra…
Ilir Meta: Po lere çfarë keni shpërndarë, ka një problem konkret o zotëri…nuk ka dyshekë, të iki t’ia marr unë dy dyshek tani?
Ilir Meta: Po nuk t'i solli zotëria, merr numrin tim të telefonit, më merr mua në telefon, do t’i sjell unë.
Ilir Meta i drejtohet Arben اukos: Ti e more vesh, harro kollaren edhe zgjidhe këtë problem.
Meta siguroi dëmshpërblimin për të gjithë fermerët dhe rimëkëmbjen e ekonomisë ndërsa vlerësoi dhe marrëveshjen e qeverisë me bankat e nivelit të dytë për të lehtësuar situatën e kredisë për fermerët e dëmtuar nga përmbytjet.
"Bujqësia është shtëpi pa çati, është momenti për të ndërtuar një politikë vizionare të sigurimeve të investimeve dhe prodhimeve bujqësore. Përshëndes Ministrinë e Bujqësisë për punën që po bën dhe për marrëveshjet që kanë arritur me bankat", tha kreu i Kuvendit.
Ministri i Bujqësisë Panariti theksoi edhe njëherë se do jetë pranë fermerëve të dëmtuar për rimëkëmbjen e sektorit të bujqësisë dhe blegtorisë:
"Pularia është rivendosur, zogjtë janë brenda baterive. Janë 5000 zogj të cilët për një periudhe 35 ditësh do të hyjnë në cikël prodhimi. Ky është vetëm fillimi, do vazhdojmë me plotësimin e të gjitha humbjeve që ka pasur kjo zonë. E gjithë Shqipëria është solidarizuar me banorët e zonave të përmbytura, nga veriu në jug, ndërkohë që ndihma kanë ardhur dhe nga matanë kufijve ku jetojnë shqiptarë dhe jo vetëm".
/Shekulli
Kjo ishte hera e parë që kreu i Kuvendit ndoqi nga afër shqetësimet e banorëve të zonave të përmbytura. Gjatë vizitës, një banor i Ferrasit i shprehu një shqetësim kreut të Kuvendit, i cili u zotua se do ta zgjidhë shefi i Emergjencave, në të kundërt Meta i kërkoi banorit ta marrë në telefon.
Biseda e plotë:
Ilir Meta: Merrja emrin dhe zgjidhja problemin
Shefi i emergjencave në Fier, Arben اuko: Po ia kemi zgjidhur, i kemi shpërndarë çadra…
Ilir Meta: Po lere çfarë keni shpërndarë, ka një problem konkret o zotëri…nuk ka dyshekë, të iki t’ia marr unë dy dyshek tani?
Ilir Meta: Po nuk t'i solli zotëria, merr numrin tim të telefonit, më merr mua në telefon, do t’i sjell unë.
Ilir Meta i drejtohet Arben اukos: Ti e more vesh, harro kollaren edhe zgjidhe këtë problem.
Meta siguroi dëmshpërblimin për të gjithë fermerët dhe rimëkëmbjen e ekonomisë ndërsa vlerësoi dhe marrëveshjen e qeverisë me bankat e nivelit të dytë për të lehtësuar situatën e kredisë për fermerët e dëmtuar nga përmbytjet.
"Bujqësia është shtëpi pa çati, është momenti për të ndërtuar një politikë vizionare të sigurimeve të investimeve dhe prodhimeve bujqësore. Përshëndes Ministrinë e Bujqësisë për punën që po bën dhe për marrëveshjet që kanë arritur me bankat", tha kreu i Kuvendit.
Ministri i Bujqësisë Panariti theksoi edhe njëherë se do jetë pranë fermerëve të dëmtuar për rimëkëmbjen e sektorit të bujqësisë dhe blegtorisë:
"Pularia është rivendosur, zogjtë janë brenda baterive. Janë 5000 zogj të cilët për një periudhe 35 ditësh do të hyjnë në cikël prodhimi. Ky është vetëm fillimi, do vazhdojmë me plotësimin e të gjitha humbjeve që ka pasur kjo zonë. E gjithë Shqipëria është solidarizuar me banorët e zonave të përmbytura, nga veriu në jug, ndërkohë që ndihma kanë ardhur dhe nga matanë kufijve ku jetojnë shqiptarë dhe jo vetëm".
/Shekulli
