Зngjεll
___________
Kandidatja për deputetë në qarkun e Fierit, Ermelinda Meksi, ka deklaruar dje se në Fier po përsëritet një skenar si ai i vitit 1996. Në qarkun e Fierit zonat më problematike janë KZAZ-ja Nr. 20 dhe KZAZ-ja Nr. 18 për të cilat KQZ–ja nuk ka dhënë asnjë shpjegim zyrtar dje. Kandidatja socialiste Ermelinda Meksi, e cila ka qenë e pranishme në Zonën Nr. 20, denoncoi bllokimin e procesit të numërimit në kutinë e fundit. “Tensioni arriti kulmin sepse në mënyrë arbitrare përfaqësuesit e PD-së ndërprenë numërimin e votave në kutinë 31-38, sepse ishim në avantazh me rreth 150 vota. Në mënyrë arrogante komisionerët kërkuan të mos numëronin kutinë dhe policia i largoi jashtë të gjithë. Shikoj përsëritje të një skenari të shëmtuar të të njëjtëve arkitektë që projektuan ’96-n”, - u shpreh Meksi. Kandidatja socialiste për këtë qark ka shtuar se misioni i PS-së është që të mbrojë votën e njerëzve që ia kanë besuar. “Po ndodh një bllokim i procesit nga PD-ja, që kërkon të mbajë zvarrë dhe të bëjë presione. Kryetari i KQZ-së nuk dilte në orët e para të mëngjesit, ai ishte zhdukur”, - shtoi Meksi.
2 Korrik 2009/G.Albania/
2 Korrik 2009/G.Albania/