Malsi
Anëtar i Nderuar
![big_foto-qsut.jpg big_foto-qsut.jpg](https://fv.al/data/attachments/15/15577-390e8b80e08ca1659490fa0c698ddf8e.jpg)
Kreu i PD-së, Lulzim Basha ka akuzuar sërish sot kryeministrin Rama për konçensionin e check up-it. Përmes një deklarate për mediat Basha e quan megavjedhje këtë konçension.
“Edi Rama ka hapur një front mashtrimesh dhe propagande boshe për shëndetësinë, në përpjekje për të mbuluar vjedhjen 338 milionë Euro dhe degradimin e plotë të spitaleve dhe të këtij shërbimi jetik. Fytyra e vërtetë e shëndetësisë sonë është e kundërta e dokrrave të tij.338 milionë Euro tendera, por a ka shqiptar që merr sot shërbim më të mirë shëndetësor? A ka sot më shumë ilace apo ilace më të mira në spitale? A ka kushte më të mira për shtrimin dhe shërbimin ndaj pacientëve?”, thotë Basha.
Më pas ai sjell shembujt e disa pacientëve, të cilët përmes check up-it qeveritar kanë rezultuar me diagnoza të ndryshme, por që realisht nuk janë të sëmurë.
“Mjafton një analizë e megavjedhjes me check-up për të dëshmuar shëndetësinë e Edi Ramës. Ku lekët merren, por analizat nuk bëhen fare ose bëhen sa për të kaluar rradhën. Si kjo këtu, ku qytetarja ka dalë me vlerën e proteinës 25, çka do të thotë se gruaja është në gjendje të rëndë dhe në shtratin e dializës. Ndërkohë, për fat të mirë, zonja gëzon shëndet të shkëlqyer, dhe si Dëshmitare e Jehovait ecën gjithë ditën në këmbë. Apo ky rasti tjetër ku check-up e nxjerr me diabet por analizat e privatit thonë se pacienti është në gjendje të mirë shëndetësore”, thotë Basha.
Sipas kreut të opozitës të vetmit përfitues nga “reforma në shëndetësi“, janë Edi Rama, Ilir Beqa, Vilma, emigranti i Peruxhias me një punëtor, dhe një dorë tjetër oligarkësh dhe klientësh që po fusin në xhep paratë e shqiptarëve.
![foto4.jpg foto4.jpg](https://fv.al/data/attachments/15/15578-846bba77c5b71f5812b1da09008d429c.jpg)
![Foto1_0.jpg Foto1_0.jpg](https://fv.al/data/attachments/15/15579-9baf7310ea0b96275ef2d5be39a70d8d.jpg)
![Foto2_0.jpg Foto2_0.jpg](https://fv.al/data/attachments/15/15580-2464c2c54ffcdf35796b21dd3118261f.jpg)
![foto3.jpg foto3.jpg](https://fv.al/data/attachments/15/15581-3d054d82662e3bd8d754738ab538b792.jpg)
lapsi.al