Kush ishin Dushmanët?

Dushmanët ishin familje sunduese feudale, zotërimet e së cilës shtriheshin në Pultin e Vogël (Krahina e Shllakut).

Si pinjollë të saj përmenden në fillim të shek.XV vëllezërit Damian, Goran dhe Nenad.

Nën presionin osman, ata u bënë në fund të shek.XIV e në fillim të shek.XV vasalë të osmanëve; më pas, me dobësimin e këtij presioni Dushmanët njohën mbrojtjen e Venedikut.

Një pinjoll i saj, Lekë Dushmani, mori pjesë në vitin 1444 në Kuvendin e Lezhës dhe qëndroi për disa kohë si anëtar i Lidhjes shqiptare që u themelua atje; ai u largua prej saj kur Lidhja hyri në luftë kundër Venedikut.

Emri i Dushmanëve mbeti si toponim në regjistrat osmanë deri në ditët tona në malësi.



d.a. / dita