Kryebashkiaku i Poliçanit dhunoi 3 vetë pas një debati në Facebook
Mjeku denoncoi dhunën në A1 Report
Zotkaj: S'e kam qëlluar, Hoxha gënjen!
[video=youtube;GLT9KHVQo-0]https://www.youtube.com/watch?v=GLT9KHVQo-0[/video]
BERAT - Kryetari i Bashkisë së Poliçanit, Adriatik Zotkaj do të hetohet në gjendje të lirë, pasi sipas policisë ai dyshohet se ka goditur me grushte mjekun e qendrës spitalore të zonës dhe dy persona të tjerë, për motive të dobëta gjatë ditës së djeshme.
Policia ka nisur procedim penal në gjendje të lire është për vëllain e kryebashkiakut, Artur Zotkajn si dhe 47-vjeçarin me inicialet F.K që bashkë me dy vëllezërit Zotkaj ka ushtruar dhunë ndaj personave të tjerë.
Burime pranë Policisë së Poliçanit thanë se shkak i konfliktit fizik ka qenë një debat në rrjetin social Facebook mes njërit prej të dhunuarve, 18-vjeçarit R.D dhe vajzës së kryebashkiakut Adriatik Zotkaj.
Kaq ka mjaftuar që debati nga rrjeti social të kalonte në rrugë, ku në afërsi të poliklininës së qytetit, kryebashkiaku Adriatik Zotkaj, vëllai i tij Artur Zotkaj dhe shtetasi me iniciale F.K kanë ushtruar dhunë fizike karshi 18-vjeçarit E.D, babait të tij R.D dhe mjekut Dritan Hoxhaj.
Veprat penale të cilat rëndojnë mbi krybashkiakun janë “Dëmtime të tjera me dashje” “Goditje për shkak të detyrës”, “Prishje e qetësisë Publike”.
Mjeku denoncoi ne A1 Report dhunen e ushtruar nga kryabashkiaku Zotkaj
Një ditë më parë ishte vetë mjeku Dritan Hoxha i cili denoncoi përmes televizionit A1 Report dhunën që sipas tij, kryetari prej 3 vitesh në Bashkinë e Poliçanit kishte ushtruar ndaj tij. Sipas Hoxhës ai u godit nga Zotkaj në ambientet e qendrës shëndetësore ndërsa ishte në orarin e punës, dhe e gjithë skena sipas tij ndodhi në sy të pacientëve. Mjeku akuzoi se është goditur për shkak të bindjeve të tij të ndryshme politike nga ato të kryebashkiakut.
I telefonuar nga A1 Report kryetari Zotkja i mohoi të gjitha akuzat duke e vlerësuar si sulm politik ndaj tij në prag të zgjedhjeve vendore.
Zotkaj tha dje për A1 Report se konflikti ndodhi mes tij dhe disa personave të tjerë të cilët sipas tij janë me precedentë penalë dhe e kanë penguar të ushtrojë detyrën, ndërsa për mjekun tha se nuk ishte i përfshirë fare në konflikt.