Love
βeℓℓe â๓e
-
- Anëtarësuar më
- May 31, 2010
-
- Mesazhe
- 8,633
-
- Reagimet e mara
- 731
-
- Vendndodhja
- A jamais à toi.. A jamais à moi.. A jamais à nous.
Kryetari i Komisionit Qendror Zgjedhor, Arben Ristani në një thirrje të posaçme u ka bërë apel që gjithë komisionerëve në qendrat votimit që lejojnë të votojnë të gjitha qytetarët që janë në radhë edhe pas përfundimit të afatit. Ora zyrtare për mbylljen e procesit të votimit është 19:00, ndërkohë Kodi Zgjedhor parashikon që qendra e votimit nuk mbyllet nëse ka ende qytetarë në radhë që kërkojnë të votojnë. "Ka shumë qendra në të cilat qytetarët po presin për të votuar u bëj thirrje komisionerëve të të lejojnë të gjithë qytetarët që të votojnë. Nëse do ketë kundërvajtje ata do të përballen me forcën e ligjit", tha Ristani.
* * *
Sipas Komisionit Qendror të Zgjedhjeve, 35.04% është pjesëmarrje e votuesve në rang vendit deri në orën 16:00. Pjesëmarrja më e madhe shënohet në Elbasan ku shifra arrin në 40.80%. Ndërsa në qarqet e tjera kemi Beratin 29.5 %, në qarkun e Dibrës 23.73%, në qarkun e Durrësit %, 38.59 ndërsa në qarkun e Fierit 23 %. Sa i takon pjesëmarrjes në Tiranë ajo është në nivelin 31.5%.
* * *
Komisioni Qendror i Zgjedhjeve bën të ditur se vetëm në 8 qendra votimit nuk është hapur procesi i votimit. 6 prej tyre i përkasin komunës Shllak. Kryetari i KQZ-së, Arben Ristani deklaroi se nëse 8 qendrat e votimit ku nuk është hapur votimit do të ndikojnë në rezultatin e njësisë vendore do të kemi përsëritje të votimit për të gjithë qendrat e votimit për njësinë përkatëse.
Lidhur me nivelin e pjesëmarrjes në votimit deri në orën 14:00 është rreth 22%. Pjesëmarrja më e lartë deri më tani është shënuar në qarkun e Kukësit, mbi 28% ndërsa më e ulëta është në qarkun e Fierit rreth 13.79%. Kreu i KQZ-së, Ristani është shprehur se "ka trend që pjesëmarrja në procesin e zgjedhjeve të 8 majit të jetë në rritje".
Lidhur me problemet e shfaqura nga boja, Ristani tha se "boja është prodhuar nga një shoqëri gjermane dhe është e testuar në laborator dhe përgjigja ka qenë pozitive", pra që ajo është rezistuese.
Problemi me bojën matrikulluese
Në mbledhjen e KQZ-së, Dëshire Subashi anëtare e PS-së në këtë komision është shprehur se problemi me bojën matrikulluese qëndron tek fakti i momentit të ngrirjes. Subashi tha se ajo vetë pas votimit kishte arritur të fshinte bojën me anë të një letre të lagur ndërsa bashkëshorti i saj që kishte provuar një gjë të tillë disa minuta pasi kishte votuar nuk i ishte hequr boja.
Burimi: Shekulli