Koha e keqe ne Shqiperi!

Shiu i rrëmbyeshëm bllokon Tiranën, ndërpritet edhe energjia!

Tirana është përfshirë nga një stuhi mjaft e fuqishme gjatë brëmjes së sotme ku reshjet e dendura të shiut dhe erërat e forta kanë krijuar mjaft probleme.

Si pasojë e reshjeve dhe nivelit të lartë të ujit në rrugë, shumë makina janë fikur dhe kanë ngelur në rrugë, gjë ka renduar edhe më shumë trafikun.

Më problematike paraqitet zona e Don Boskos, Porcelanit, Rr. e Kavajës, Zona e Yzberishtit, etj.

Ndërkohë, pjesa më e madhe e Tiranës është pa energji elektrike.

Shihni videon amatore të bërë disa çaste më parë në Rrugën e Kavajës, në zonën e ish-parkut të autobusave.

albeu.com

To view this content we will need your consent to set third party cookies.
For more detailed information, see our cookies page.

Accept third party cookies

Titulli: Koha e keqe ne Shqiperi!

Përmbytjet shkaktojnë 3 viktima.


Një bilanc tragjik ka pasur në Laç, kjo referuar situtës së përmbytjeve, ku kanë humbur jetën babë e bijë. Babë e bijë humbën jetën në qendër të Laçit, kur rrjedha e shirave nxorri nga rruga makinën me të cilën ata udhëtonin, duke e përmbysur atë në një kanal.

Raportohet se 62-vjeçari Gjon Kola, drejtor shkolle në qytetin e Laçit, u nxor i pajetë mbrëmë nga automjeti, ndërsa trupi i pajetë i vajzës 23 vjeçare Dorina Kola u gjet rreth orës 02:00 të mëngjesit të sotëm, rreth 2 km nga vendi ku makina me të cilën udhëtonin u përfshi nga rrjedha e ujit.

Në rrethin e Kurbinit ështe shembur ura në fshatin Skuraj dhe si pasojë dy shtetas kanë rënë në rrjedhën e ujit. Liman Balloku, 22 vjeç, ishte duke udhëtuar me motor së bashku me Guri Ndrecën në momentin kur u shemb ura.

Të dy kanë rënë në ujë, por Liman Balloku ende nuk është gjendur, ndërsa Ndreca ka arritur të shpëtojë. Policia po punon për gjetjen e trupit të Ballokut përgjatë rrjedhës së ujërave.

albeu

Titulli: Koha e keqe ne Shqiperi!

Keep safe! Ishalla po e le me kaq ky shiu.