KlikInf.

Titulli: KlikInf.

Gjykata Kushtetuese e Kosovës, në ish-zonën e pestë të TMK-së

- Ministria e Shërbimeve Publike dhe Trupat Mbrojtëse të Kosovës kanë bërë dorëzimin e objektit të Zonës së Pestë të TMK-së, në kuadër të realizimit të Memorandumit të Mirëkuptimit për kalimin e objekteve të TMK-së në menaxhim të Qeverisë së Kosovës.

Në këtë objekt, të cilin sot e ka pranuar MSHP-ja, do të vendoset fillimisht një zyrë administrative e Gjykatës Kushtetuese, e cila do t'i paraprijë funksionimit të plotë të kësaj Gjykate. Ajo do të rinovohet dhe do t'i përshtatet natyrës së kësaj Gjykate.

Ministri i MSHP-së, prof. dr. Arsim Bajrami, tha me këtë rast se Grupi Punues për themelimin e Gjykatës Kushtetuese i ka dorëzuar kryeparlamentarit Jakup Krasniqi, orarin e qartë të veprimeve të duhura, në mënyrë që Parlamenti të veprojë shumë shpejt në përzgjedhjen e gjykatësve të Gjykatës Kushtetuese.

“Fillimisht, në këtë objekt do të hapet një zyre administrative, e cila do të pranojë shkresat e para që do t'i drejtohen kësaj Gjykate. Kjo do të mundësojë që kur të bëhet përzgjedhja e gjykatësve, puna të fillojë me kapacitet të plotë”, ka thënë ministri Bajrami, i cili ka udhëhequr me sukses punën e Grupit Punues për themelimin e kësaj Gjykate.

a.b/NOA

Titulli: KlikInf.

Thaçi: Viti 2009, vit i konsolidimit të suksesit për Kosovën

- Kryeministri Hashim Thaçi ka falënderuar Qeverinë e Panamasë për njohjen e pavarësisë së Kosovës dhe ka vlerësuar lartë punën dhe angazhimin e Ministrisë së Punëve të Jashtme në lobimin për njohjet të reja të pavarësisë së Kosovës.

Qeveria ka aprovuar vendimi për plotësimin e pozitave vakante në Komisionin për Emërime të Larta Publike. Komisioni për Emërime të Larta Publike, deri në rregullimin me legjislacion adekuat, do të përbëhet nga Kryeministri, i cili do të jetë kryesues, Ministri i Shërbimeve Publike, dy ministra nga komunitetet jo shqiptare në Qeverinë e Kosovës.

Ministri për të cilin kandidati për emërim do të shërbej si anëtar ad hoc dhe 6 (gjashtë) banorë eminent të Kosovës që vijnë nga shoqëria civile kosovar. Në mbledhje është theksuar se propozimet do të bëhen shumë shpejt dhe do të miratohen nga presidenti i Kosovës.

ثshtë aprovuar Udhëzimi Administrativ mbi Kushtet për Zgjedhjen e Lokacionit dhe Ndërtimin e Deponisë së Mbeturinave cili përcakton kushteve dhe kriteret për zgjedhjen e lokacionit dhe ndërtimin e deponisë, me qëllim të parandalimit dhe zvogëlimit të ndotjes së ujit, ajrit dhe tokës.

Gjithashtu, Qeveria ka Aprovuar Udhëzimin Administrativ për Nivelet Maksimale të Lejuara të Shkarkimit dhe Shpërndarjes të Ndotësve në Tokë i cili përcakton nivelet maksimale të lejuara të shkarkimit dhe shpërndarjes të ndotësve në tokë, të cilat mund të shkaktojnë ndotje nga përdorimi jo i drejtë i plehrave minerale dhe mjeteve për mbrojtje të bimëve nga ana e personave fizik apo juridik, si dhe me lëshim të materieve mbeturinë nga burimet e ndryshme.

Projektligji për Raportimet Financiare të Organizatave të Biznesit që rregullon raportimin financiar të të gjitha organizatave biznesore në Kosovë, përfshirë këtu edhe entitetet me interesa publike dhe ndërmarrjet e vogla dhe të mesme, dhe, Projektligji për Punësimin e Shtetasve të Huaj në Republikën e Kosovës me të cilin rregullohet mënyra, kushtet dhe procedurat e punësimit dhe themelimin e marrëdhënieve të punës për shtetasit e huaj dhe personat pa shtetësi, në Republikën e Kosovës, janë miratuar në mbledhjen e sotme dhe janë proceduar për miratim në Kuvendin e Kosovës.

a.b/NOA