Hartini
Antarë i Respektuar
Deputeti i LSI-së tha se PS duhet të pastrohet nga grupet mafioze që mbështesin politikën e lidershipit aktual
Prifti: Meta detyroi Ramën të njihte djalin e tij në moshën 13 vjeçare
Prifti zbardhi gjithashtu detaje të reja për marrëdhëniet skandaloze të Ramës me familjarët e tij duke nënvizuar se ishte Meta ai që e detyroi të njihte djalin e tij, Gregorin, në moshën 13 vjeçare. "Pasi shpallëm Ramën si kandidat për kryetar të Bashkisë së Tiranës na doli një problem. Kishim mësuar se kundërshtarët politikë do të përdornin informacione për marrëdhëniet familjare të Ramës me ish-bashkëshorten dhe të birin që në atë kohë ishte në moshën 13 vjeçare. Meta e thirri Ramën në zyrë për ta pyetur se si i kishte marrëdhëniet familjare, ku edhe mësoi se këto marrëdhënie nuk ekzistonin fare madje as me të birin që ai nuk e kishte njohur. Atëherë Meta i tha se të paktën duhet të njohësh dhe të vendosësh marrëdhënëie me djalin që në atë kohë ishte 13 vjeç, pasi në të kundërt imazhi i tij si kandidat për postin e kryetarit të bashkisë së kryeqytetit do të ishte i rrënuar. Ishte ky moment kur Rama njohu për herë të parë djalin e vet ndonëse ai ishte 13 vjeç", u shpreh më tej Prifti. Ai gjithashtu evidentoi intrigat që përdori Rama për nxitjen e përplasjes Nano-Meta me qëllim që të përfitonte nga këto mosmarrëveshje në Partinë Socialiste, ashtu sikurse edhe bëri.
Duke bërë një kronologji të njohjes së tij me kryetarin aktual të PS-së që në kohën kur ai ishte ministër i Metës, deputeti i LSI-së kujtoi se Rama në atë kohë shkruante fjalimet e Metës, në të cilat spikaste një gjuhë monstruoze kundër kryetarit të opozitës dhe kryetarit të partisë së tij. Ai tha se në shumë raste këto deklarata u refuzuan Meta, të cilët i konsideronte si jashtë çdo etike jo vetëm politike, por edhe njerëzore. Duke kujtuar një episod të këtyre ngjarjeve, Prifti tha se Rama po përgatiste një deklaratë për bashkëshorten e ish-kryeministrit, Monika Kryemadhi, të cilën siç tha ai ishte hartuar me një gjuhë që ishte skandaloze për t`u lexuar nga një zonjë e parë. Prifti gjithashtu kujton momentet kur Rama rrinte gjithë ditën në paradhomën e Metës duke iu lutur atij që ta kandidonte për kreun e Bashkisë së Tiranës.
Deputeti i Partisë Lëvizja Socialiste, Dritan Prifti, deklaroi dje gjatë emisionit "Opinion" se Edi Rama është dirigjenti i shkatërrimit të së majtës. Ai tha se, Rama duhet të japë dorëheqjen e pakthyeshme nga posti i kryetarit të PS-së, jo vetëm për faktin se statuti i kësaj partie e detyron ta bëjë një gjë të tillë, por edhe për të respektuar atë standard që vendosi ish-kryetari socialist Fatos Nano në vitin 2005. Prifti tha se, në rast se Rama nuk do të largohet nga kreu i PS-së, atëherë nuk do të ketë asnjë lloj bashkëpunimi PS-LSI, as pas katër vitesh dhe as pas 12 vitesh, duke nënvizuar se Edi Rama, të cilin ai e cilësoi si mostër, nuk krijon më besim tek LSI. Për këtë, Prifti përmendi rastin e shkeljes së marrëveshjes nga ana e Ramës, një ditë pasi ai fitoi postin e kryetarit të Bashkisë së Tiranës me ndihmën e LSI-së. Prifti akuzoi kryetarin e PS-së për agresion korruptiv për blerjen e drejtuesve të strukturave të LSI-së me qëllim dobësimin e kësaj partie në zgjedhjet e 28 qershorit. "Edi Rama dhe Gramoz Ruçi kanë hedhur më shumë se 5 milion euro për blerjen e votave dhe drejtuesve të LSI-së. Ata i dhanë mbi 1 milion euro kryetarit të Bashkisë së Lushnjës, i cili u largua nga LSI për t'iu bashkuar PS-së", u shpreh Prifti. Deputeti i LSI theksoi më tej se, PS duhet të qëndrojë edhe katër vite të tjera në opozitë, me qëllim që të pastrohet nga elementët e korruptuar dhe mafiozë që mbështesin lidershipin e saj aktual. "PS duhet të qëndrojë edhe katër vite të tjera në opozitë në mënyrë që të pastrohet. Ajo është kthyer në një qendër biznesi, ku secili shikon se si mund të realizojë qëllimet e veta personale. Në këto kushte ajo nuk është e gatshme për pushtet. Drejtuesit e saj janë pjesë e një politike të korruptuar dhe PS i duhen patjetër edhe katër vite të tjera në opozitë që të pastrohet nga ky korrupsion dhe nga këto grupe mafioze që mbështesin këtë lloj politike", u shpreh më tej Prifti. Duke iu përgjigjur pyetjes për kontestimin e rezultatit të zgjedhjeve nga ana e kreut të PS-së, Prifti tha se, Rama tashmë po kërkon ta përdorë këtë si një alibi për të mbajtur nën kthetrat e tij Partinë Socialiste. Ai tha se me qëndrime të tilla që nuk kanë asnjë bazë, Rama po rrezikon ti shkaktojë vendit një kosto të madhe në procesin e integrimit, proces të cilin siç u shpreh ai, Rama është i gatshëm ta sakrifikojë për interesat e veta personale. "Edi Rama është i gatshëm të sakrifikojë procesin e integrimit të vendit për interesat e veta personale", u shpreh Prifti, duke nënvizuar se PS nuk ka asnjë provë për të kundërshtuar rezultatin e zgjedhjeve, pasi janë vetë komisionerët socialistë që nuk kanë bërë asnjë vërejtje në ato qendra ku pretendohen shkelje. Lidhur me vjedhjen e votave të LSI-së në Qarkun e Fierit, ku ai kandidonte për deputet, Prifti tha se ishin komisionerët e PD-së ata që mbrojtën votat e LSI-së, vota që po vidheshin apo nuk numëroheshin nga komisionerët socialistë. Prifti shprehu bindjen se, koalicioni PD-LSI do t'i japë vendit rezultate të jashtëzakonshme qoftë në reformat e brendshme, qoftë në procesin e integrimit.
Prifti: Meta detyroi Ramën të njihte djalin e tij në moshën 13 vjeçare
Prifti zbardhi gjithashtu detaje të reja për marrëdhëniet skandaloze të Ramës me familjarët e tij duke nënvizuar se ishte Meta ai që e detyroi të njihte djalin e tij, Gregorin, në moshën 13 vjeçare. "Pasi shpallëm Ramën si kandidat për kryetar të Bashkisë së Tiranës na doli një problem. Kishim mësuar se kundërshtarët politikë do të përdornin informacione për marrëdhëniet familjare të Ramës me ish-bashkëshorten dhe të birin që në atë kohë ishte në moshën 13 vjeçare. Meta e thirri Ramën në zyrë për ta pyetur se si i kishte marrëdhëniet familjare, ku edhe mësoi se këto marrëdhënie nuk ekzistonin fare madje as me të birin që ai nuk e kishte njohur. Atëherë Meta i tha se të paktën duhet të njohësh dhe të vendosësh marrëdhënëie me djalin që në atë kohë ishte 13 vjeç, pasi në të kundërt imazhi i tij si kandidat për postin e kryetarit të bashkisë së kryeqytetit do të ishte i rrënuar. Ishte ky moment kur Rama njohu për herë të parë djalin e vet ndonëse ai ishte 13 vjeç", u shpreh më tej Prifti. Ai gjithashtu evidentoi intrigat që përdori Rama për nxitjen e përplasjes Nano-Meta me qëllim që të përfitonte nga këto mosmarrëveshje në Partinë Socialiste, ashtu sikurse edhe bëri.
Duke bërë një kronologji të njohjes së tij me kryetarin aktual të PS-së që në kohën kur ai ishte ministër i Metës, deputeti i LSI-së kujtoi se Rama në atë kohë shkruante fjalimet e Metës, në të cilat spikaste një gjuhë monstruoze kundër kryetarit të opozitës dhe kryetarit të partisë së tij. Ai tha se në shumë raste këto deklarata u refuzuan Meta, të cilët i konsideronte si jashtë çdo etike jo vetëm politike, por edhe njerëzore. Duke kujtuar një episod të këtyre ngjarjeve, Prifti tha se Rama po përgatiste një deklaratë për bashkëshorten e ish-kryeministrit, Monika Kryemadhi, të cilën siç tha ai ishte hartuar me një gjuhë që ishte skandaloze për t`u lexuar nga një zonjë e parë. Prifti gjithashtu kujton momentet kur Rama rrinte gjithë ditën në paradhomën e Metës duke iu lutur atij që ta kandidonte për kreun e Bashkisë së Tiranës.
Deputeti i Partisë Lëvizja Socialiste, Dritan Prifti, deklaroi dje gjatë emisionit "Opinion" se Edi Rama është dirigjenti i shkatërrimit të së majtës. Ai tha se, Rama duhet të japë dorëheqjen e pakthyeshme nga posti i kryetarit të PS-së, jo vetëm për faktin se statuti i kësaj partie e detyron ta bëjë një gjë të tillë, por edhe për të respektuar atë standard që vendosi ish-kryetari socialist Fatos Nano në vitin 2005. Prifti tha se, në rast se Rama nuk do të largohet nga kreu i PS-së, atëherë nuk do të ketë asnjë lloj bashkëpunimi PS-LSI, as pas katër vitesh dhe as pas 12 vitesh, duke nënvizuar se Edi Rama, të cilin ai e cilësoi si mostër, nuk krijon më besim tek LSI. Për këtë, Prifti përmendi rastin e shkeljes së marrëveshjes nga ana e Ramës, një ditë pasi ai fitoi postin e kryetarit të Bashkisë së Tiranës me ndihmën e LSI-së. Prifti akuzoi kryetarin e PS-së për agresion korruptiv për blerjen e drejtuesve të strukturave të LSI-së me qëllim dobësimin e kësaj partie në zgjedhjet e 28 qershorit. "Edi Rama dhe Gramoz Ruçi kanë hedhur më shumë se 5 milion euro për blerjen e votave dhe drejtuesve të LSI-së. Ata i dhanë mbi 1 milion euro kryetarit të Bashkisë së Lushnjës, i cili u largua nga LSI për t'iu bashkuar PS-së", u shpreh Prifti. Deputeti i LSI theksoi më tej se, PS duhet të qëndrojë edhe katër vite të tjera në opozitë, me qëllim që të pastrohet nga elementët e korruptuar dhe mafiozë që mbështesin lidershipin e saj aktual. "PS duhet të qëndrojë edhe katër vite të tjera në opozitë në mënyrë që të pastrohet. Ajo është kthyer në një qendër biznesi, ku secili shikon se si mund të realizojë qëllimet e veta personale. Në këto kushte ajo nuk është e gatshme për pushtet. Drejtuesit e saj janë pjesë e një politike të korruptuar dhe PS i duhen patjetër edhe katër vite të tjera në opozitë që të pastrohet nga ky korrupsion dhe nga këto grupe mafioze që mbështesin këtë lloj politike", u shpreh më tej Prifti. Duke iu përgjigjur pyetjes për kontestimin e rezultatit të zgjedhjeve nga ana e kreut të PS-së, Prifti tha se, Rama tashmë po kërkon ta përdorë këtë si një alibi për të mbajtur nën kthetrat e tij Partinë Socialiste. Ai tha se me qëndrime të tilla që nuk kanë asnjë bazë, Rama po rrezikon ti shkaktojë vendit një kosto të madhe në procesin e integrimit, proces të cilin siç u shpreh ai, Rama është i gatshëm ta sakrifikojë për interesat e veta personale. "Edi Rama është i gatshëm të sakrifikojë procesin e integrimit të vendit për interesat e veta personale", u shpreh Prifti, duke nënvizuar se PS nuk ka asnjë provë për të kundërshtuar rezultatin e zgjedhjeve, pasi janë vetë komisionerët socialistë që nuk kanë bërë asnjë vërejtje në ato qendra ku pretendohen shkelje. Lidhur me vjedhjen e votave të LSI-së në Qarkun e Fierit, ku ai kandidonte për deputet, Prifti tha se ishin komisionerët e PD-së ata që mbrojtën votat e LSI-së, vota që po vidheshin apo nuk numëroheshin nga komisionerët socialistë. Prifti shprehu bindjen se, koalicioni PD-LSI do t'i japë vendit rezultate të jashtëzakonshme qoftë në reformat e brendshme, qoftë në procesin e integrimit.