Ismail Kadare: "Mosmarreveshja,,

Titulli: Ismail Kadare: "Mosmarreveshja,,

Kadare: Kosova-Turqi? E kam shkruar prej kohësh te “Mosmarrëveshja”TIRANE-

“Qenia e Shqipërisë u detyrohej dy mburojave: shtetit osman dhe shtetit komunist. Kështu do të vazhdonte përpunimi në trajtë doktrinare i një prej turpeve të mendimit shqiptar, ideja se kombin shqiptar do ta kishte shuar prej kohësh vala sllave, në qoftë se nuk do ta mbronin osmanët. Se sa i rrejshëm ka qenë kërcënimi i parë, ai i Europës, e tregoi në mënyrën më të bujshme fundi i mijëvjeçarit, kur Europa do të bënte luftë për t’i mbrojtur shqiptarët. Sesa përrallë ka qenë ky i dyti, koha është duke e treguar përherë e më fort. I ashtuquajturi rrezik sllav për shuarje të kombit shqiptar, s’ka qenë veç një shpikje osmanistësh e neoosmanistësh, shqiptarë e turq bashkë, e cila, nga njëra anë përligjte sundimin osman, e nga tjetra ledhatonte krekosjen sllave për kinse fuqinë tërheqëse të sllavizmit…”.

Këto janë pasazhe nga libri “Mosmarrëveshja” e shkrimtarit të njohur Ismail Kadare, i botuar rreth 3 vite më parë, por që pas deklarimeve të tre kryeministrave në Prishtinë duken shumë aktuale, por edhe rihapin debat. Kreu i qeverisë turke, Taip Erdogan, i qeverisë shqiptare Edi Rama dhe i asaj kosovare, Hashim Thaçi, mbajtën fjalime afeksionuese për marrëdhëniet shqiptaro-turke gjatë inaugurimit të terminalit të ri të Aeroportit të Prishtinës, më 22 tetor. Ndër të tjera, Rama e Thaçi thanë se turqit dhe shqiptarët janë popuj vëllezër, dhe e quajtën “vëlla” Erdoganin, ndërsa ky i fundit tha: Kosova është Turqi dhe Turqia është Kosovë. Deklarime që kanë shkaktuar mjaft reagime, qofshin pozitive apo negative. Por, për Kadarenë duket se nuk janë të panjohura këto lloj “flirtimesh” mes shqiptarëve dhe turqve. I kontaktuar nga gazeta “Panorama”, në vend të një komenti apo replike, ai sugjeroi pikërisht librin “Mosmarrëveshja”. “Nuk i kam lexuar të plota deklaratat e tyre, por me aq sa jam njohur nuk mund të bëj ndonjë reagim apo koment të çastit. Sepse për marrëdhëniet e shqiptarëve dhe turqve unë kam shkruar prej kohësh te libri “Mosmarrëveshja”, ndaj nuk kam çfarë të shtoj tani gjë tjetër. اfarë kam thënë në libër, mbeten aktuale…”, tha Kadare, duke na autorizuar njëkohësisht që të botojmë një pjesë ku flet pikërisht për marrëdhëniet e shqiptarëve dhe turqve…

EPILOG ME ZOTIN
…Që Shqipëria kishte pushuar së qeni e shtrenjtë për shqiptarët, ishte e lehtë për t’u besuar, por vështirë të vërtetohej. Që fortësia e saj pengonte dashurinë për të, as kjo s’mund të pranohej. I kapur si në ngërç, mendimi shqiptar për kombin vetvetiu prirej drejt formulës së re: më i fortë se kurrë, më i brishtë se kurrë. Ishte një kushtrim i ri, i sinqertë ose jo, për një rrezik të përfytyruar? Kronika shqiptare rrallëherë jepte shembull të tillë. Kishte pasur aq shumë rreziqe të vërteta, sa nuk mbetej vend për të rremet. Ndërkaq, himni i vjetër i shtetit, ai që na ka shoqëruar në këtë përsiatje, kishte gjasë të na çonte te një kuptim i ri i gjërave. Në fund të fundit, pllaka memoriale koniciane, motërzimi në mermer i himnit, nuk ishte veçse njëri nga kumtet himnoide, atij të fshehtit. Dhe si e tillë do të merrej. Që himni ishte po ai qysh prej krijimit dhe që pllaka memoriale këmbëngulte në të sajën, kjo dëshmonte për një patologji të kthyer tashmë në shenjë identitare. Shenja ishte tepër e pikëllueshme, nga ato që rrallëherë iu binin në pjesë popujve: ideja se ky komb ishte i padashur, për të mos thënë i papranueshëm prej të tjerëve. Ankesa, përveç që kishte diçka të padenjë, siç ndodhte shpesh me viktimizimin, do të kthehej më pas, gjatë rendit komunist, në një fortashtrojë (platformë) që do të përligjte një nga krimet kryesore të kohës: armiqësimin e Shqipërisë me botën, kryesisht me Perëndimin. Miti i një sulmi të mundshëm të këtij do të përligjte rendin diktatorial shqiptar, mizorinë, bunkerët dhe shterpësinë e tij. Krahas me të, si shëmbëllim i kësaj ankese, do të gjëllonte një tjetër, po aq groteske: fantazma e përthithjes sllave. Si rrjedhojë e kësaj, do të vazhdonte përpunimi në trajtë doktrinare i një prej turpeve të mendimit shqiptar, ideja se kombin shqiptar do ta kishte shuar prej kohësh vala sllave, në qoftë se nuk do ta mbronin osmanët. Me fjalë të tjera, qenia e Shqipërisë u detyrohej dy mburojave: shtetit osman dhe shtetit komunist. Se sa i rrejshëm ka qenë kërcënimi i parë, ai i Europës, e tregoi në mënyrën më të bujshme fundi i mijëvjeçarit, kur Europa do të bënte luftë për t’i mbrojtur shqiptarët. Se sa përrallë ka qenë ky i dyti, koha është duke e treguar përherë e më fort. I ashtuquajturi rrezik sllav për shuarje të kombit shqiptar, s’ka qenë veç një shpikje osmanistësh e neoosmanistësh, shqiptarë e turq bashkë, e cila, nga njëra anë përligjte sundimin osman, e nga tjetra ledhatonte krekosjen sllave për kinse fuqinë tërheqëse të sllavizmit. Në të vërtetë, sllavët ballkanas në Perandorinë Osmane, duke qenë vetë në gjendjen poshtëruese të rajasë, nuk kishin mundësi joshjeje, aq më pak asimilimi mbi të tjerët. As zhvillimi ekonomik e shoqëror e as identiteti i tyre i shtypur nuk jepnin dorë për diçka të tillë, sidomos përballë identitetit sprapsës e kryeneç shqiptar.
Shqipëria nuk ka qenë dhe as do të ishte e padashur prej familjes së kombeve. Madje mund të thuhej se, ashtu siç kishte zëra që ankoheshin për mosvëmendje ndaj Shqipërisë, po aq, në mos më shumë, kishte zëra të tjerë që ngulnin këmbë për vëmendje të tepërt, për të mos thënë, llastim të saj.
* * *
…Me kalimin e shekujve, jo veç të huajt, por shqiptarët vetë, gati-gati po besonin se Shqipëria nuk rrethohej më nga vise europiane, siç ishte në të vërtetë, por ishte zhvendosur drejt daljes së kontinentit të vet, në kufi me Azinë. Si e tillë, si hapësirë ndërprerëse a urë kalimi aziatiko-europiane, përftohej ajo që e kishte Azinë rreth një mijë kilometra larg. Ky status gjysmak, ky as-as (as Europë, as Azi), nuk do t’i ndahej Shqipërisë edhe pas shembjes së Perandorisë Osmane. Nuk ishte metaforë, por gërmadha e projektit makabër për shuarjen e një kombi. Shestimi kishte mbetur përgjysmë. Në zanafillë të tij ishte një hakmarrje e egër, nga ato për të cilat perandoritë ishin veçanërisht të afta. Nga gjithë popujt e gadishullit, shqiptarët, si dëmtuesit më të mëdhenj të vrullit osman te portat e Europës, do të merrnin edhe ndëshkimin më shembullor. Nga popujt e Ballkanit Perëndimor, ky ngjante si i krijuar enkas për shpagim të tillë. Ndryshe nga grekët dhe sllavët, që kishin mbrojtjen e tërthortë, të parët, të trashëgimisë bizantine, të dytët, të farefisnisë sllave, shqiptarët s’kishin askënd. Midis shpërfilljes dhe heshtjes, pa iu dhimbsur kujt dhe pa dëshmi, ata pësuan një prej zezonave më të mëdha që ka njohur bota: dergjën osmane.

Midis sajesave të botës, ato që mund të pillnin një dergjë ishin ndër më të paparashikueshmet. Në rastin turko-shqiptar, ndodhi diçka që historia nuk e ka sqaruar ende plotësisht. Një lodhje nga ato që cilësohen në të gjithat gjuhët e botës si “lodhje vdekjeje”, por që në këtë rast merrte kuptimin e kryehershëm të saj? Një lodhje sunduesish e të sunduarish bashkë? Një stërvdekje a një mbimort?

Prej shurdhimesh të tilla mund të pritej gjithçka. Nga shurdhimi osmano-shqiptar u sajua diçka e frikshme në befasinë e saj: prirja për t’u marrë vesh. Në vështrim të parë, thirrja e osmanëve “bëhuni turq” do të merrej si një kulm i shpagës e i poshtërimit. Me fjalë të tjera: ju na penguat te portat e Europës? Ne e morëm hakun: ju mundëm. Ua morëm dheun, shpirtin, gratë, foshnjat, gjithçka. Dhe prapë mos kujtoni se e shlyet fajin! Tani ju do të harroni kush ishit. Do të ulni kryet, jo më si shqiptarë, por si ish-shqiptarë, dhe ashtu, në gjunjë, do të kërkoni ndjesë. Në të vërtetë, nuk ka qenë kurrë kështu. Thirrja për t’u kthyer në turq s’ka qenë asnjëherë e drejtpërdrejtë, por tepër e tërthortë. Dhe asnjëherë me një kumbim hakmarrës, përkundrazi si një venom. Tingëllimi i vërtetë i saj do të ishte: u bë ç’u bë, le ta harrojmë. Në qoftë se doni të shijoni të mirat e perandorisë, bëhuni si ne. Thirrja e fundit ishte gjithashtu tepër e përkorë. Për të shmangur fjalën plagosëse “turk”, ishte gjetur myslimanizmi, një nga tri besimet kryesore të botës. Ishte çelësi i artë, kushti i vetëm për të hapur portën e mundësive të mëdha: karrierës, pasurisë, lavdisë. Ishte joshja që i bënte perandoria fitimtare popullit të mundur, hapësira e pafundme hapësirës së ngushtë, së fundmi favori befasues, që ngjante dyfish i tillë, ngaqë vinte në vend të ndëshkimit.

Tundimi ishte tronditës. Lëkundja gjithashtu. Nuk ishte veç një hap, një zgjedhje, një lamtumirë. Madje dhe kjo e fundit s’ngjante aq dramatike siç mund të ishte dukur. Nën të njëjtin pullaz katolik mund të jetonte vëllai mysliman. Shkurt, prej të njëjtit qumësht nëne mund të rriteshin vëllezër të ndryshëm. Edhe më shkurt: brenda racës shqiptare, po gjëllonin vatrat familjare dybesimëshe. Ndërkohë, mosbesimi i të dy palëve ndaj njëra-tjetrës duhej të ketë qenë i pafund. Ishte e natyrshme që secila palë të dyshonte se tjetra ia kishte me dredhi: shqiptarët do të hiqeshin sikur ishin ndarë me kryqin, pa u ndarë, kurse osmanët s’do të mbanin asnjë premtim, si çdo sundues. Vitet kalonin, por rënia e maskave, aq shumë e pritur, nuk ndodhi asnjëherë. Po ndodhte e kundërta. Shqiptarët, të ndarë më dysh, me kryq e pa kryq, do të vazhdonin jetën e tyre. Ata të kryqit, do të mbartnin, siç thuhej, kryqin, e të tjerët do të gëzonin postet e premtuara. Shqipëria i ngjante një teatri, ku në të njëjtën skenë luhej herë drama e robërisë e herë ajo e lirisë, pa u qartësuar asnjëherë se cila ishte e vërteta dhe cila e rremja.

Në këtë luftë maskash, kombi shqiptar humbte çdo stinë e çdo vit. Shfaqeshin çdo stinë shqiptarë me famë dhe pasuri, por, ashtu si në përrallat me kapërcim të ylberit, fill pas kapërcimit, pra matanë ylberit, ata s’ishin më shqiptarë. Rrallëherë në histori kishte qëlluar që fama dhe lavdia vetjake e personazheve, në vend që t’i vinte në ndihmë kombit që i përkisnin, ktheheshin kundër tij. Do të mjaftonte vetëm shembulli i postit të kryeministrit perandorak, që iu dha shqiptarëve, prej të njëjtit shtet që ndalonte me dekret shkrimin e gjuhës shqipe, për të kuptuar se në ç’nyjë tragjike kishte hyrë fati shqiptar…

Tiranë-Paris,
Verë dhe dimër 2010-2012

Titulli: Ismail Kadare: "Mosmarreveshja,,

Boshnjaket qe kur u konvertuan ne mysliman, ndryshuan edhe kombesine duke u bere turq te mirefillte me pasaporta ta turke. Pra turq.
Sot boshnjaket thone se nuk jemi as turq dhe as sllav, por ilir. Ndersa "shqiptaret" e quajne veten turq duke duke qene ilire e vertete.

Titulli: Ismail Kadare: "Mosmarreveshja,,

Diktatura është jashtë njeriut dhe brenda tij. E para rrëzohet siç u shemb muri i Berlinit. Diktatura e brendshme jeton ende te disa politikanë, të cilët kanë komplekse ndaj të huajve. Paaftësinë e mbulojnë me servilizëm. Thonë “PO” kur duhet të thonë “JO”. Në politikë këta janë virusi më i rrezikshëm për fatet e një kombi. Ata me dëshirë dhe për përfitime personale, bëhen shërbëtorë besnikë të diplomatëve të huaj, shesin shpirtin dhe kompetencat tek të huajt, duke e kthyer partneritetin midis vendeve në vasalitet! Te këta politikanë vendas, qëndron sekreti i suksesit personal por edhe i dështimi i kombit te vet.

(Giulio Andreoti senator i perjetshmen istalian; me rastin e trazirave te 97°)

ps. historia vetem perseritet tek shqiptaret, sahan-lepirsat politikan te pa afte.

Titulli: Ismail Kadare: "Mosmarreveshja,,

Shkaku i prapambeturisë të shqiptareve është komunizmi dhe jo Perandoria Osmane.

- Fatos Lubonja, Analist

Pe: Ismail Kadare: "Mosmarreveshja,,

Mos te krahasojme Lunbonjen me Ismail Kadare, do ishte si te krahasosh naten me diten, Lubonja eshte akoma i bindur qe tokat shqiptare nuk u pushtuan nga Perandoria Osmane, por, u sunduan, ne fakt Lubonja nuk ka faj se nuk e di mire italishten dhe i ben lemsh termat.

Ismail Kadare eshte i larte ne te gjitha kuptimet (si njerzor qe eshte edhe ai ka defekte) ka nuhajte poltike, por nuhajten me te madhe e ka ne historine e kombit shqiptar.

E kam thene disa here te tjera qe librat e Ismail Kadare i gjen ne cdo librari apo bibloteke ne vendet perendimore nen kolanat e letersise franceze, mua kjo gje ma ka bere gjithnje krenar.

Kam qene vete une qe ne nje bibloteke (per studentet) te italise patem "promovuar" librin e Ismail Kadares, dmth, libri i javes dhe lexusesit vershuan si te etur.

Ismail Kadare eshte kollos i letersise boterore dhe nuk do pranoja qe ta krahasonit me Lubonjen apo edhe me ndonje tjeter shkrimtar.

Ismail Kadare = vetedije Kombetare.

Titulli: Ismail Kadare: "Mosmarreveshja,,

Diku diku, keta trushplaret, kur argumenti merr forme intelektuale dhe nuk arrijne dot te gjykojne me tej, ndodh se kane dale jashte sferes se ciles i ka adestruar hoxha. Ne kete pike; o flasin me copy-paste te nje fodulli si Lubaonja o cshmitt etj, o te sjellin nje video te pregaditur nga qafire te tjere te vene ne youtube.

Duke folur e propaganduar kunder vedit te tyre, te thone edhe qe jane atdhetare te flakte.(turq) pfff

Pe: Titulli: Ismail Kadare: "Mosmarreveshja,,

Lauri said:

Diku diku, keta trushplaret, kur argumenti merr forme intelektuale dhe nuk arrijne dot te gjykojne me tej, ndodh se kane dale jashte sferes se ciles i ka adestruar hoxha. Ne kete pike; o flasin me copy-paste te nje fodulli si Lubaonja o cshmitt etj, o te sjellin nje video te pregaditur nga qafire te tjere te vene ne youtube.

Duke folur e propaganduar kunder vedit te tyre, te thone edhe qe jane atdhetare te flakte.(turq) pfff

Click to expand...

Cdonjeri duhet te respektohet per ate qe sjell ketu ne fv dhe mbi te gjitha per ate qe ai perfaqeson ne vetvete, sigurisht eshte e papranueshme propaganda dhe demagogjia fetare sidomos ne ditet e sotme eshte aberracione total, intelektualiteti eshte armiku numer i nje i mesimeve teologjike, prandaj, qe ne fillim eshte nje beteje e humbur.

Titulli: Ismail Kadare: "Mosmarreveshja,,

Per keta tipa nuk do ta kene kurr respektin tim. Jemi ne limitin e absurditeteve ne shkalle kombetare, ku po vihet ne loje prejardhja e shqiptarit, historia e tij, luhet dhe perbuzet me mitet & figurat kombetare ne te cilet nje komb krijon bazat e tij.
Tani se fundi, mbrojne me fanatizem edhe thenjen e Erdoganit qe "Kosova eshte Turqi". Kjo thenje nuk ka asnje ndryshim me ate te Serbise: "Kosova eshte Serbi". Por per hire te fese, (islame qe na "shpetoj" kombin,-po e shohim) preferojne dhe pranojne ate te Erdohanit; qe jemi turq. Dhe ti me flet per respekt..!

Titulli: Ismail Kadare: "Mosmarreveshja,,

As nuk kemi nevoje madje per respektin e grekeve dhe serbeve shqipfoles te forumit, flej dath hajt shkelja tash lazh:

Titulli: Ismail Kadare: "Mosmarreveshja,,

Ne fakt, turqit nuk e gezojne respekt as nga greket dhe as ne serbet. Por as nga shqiptaret / hajt mbathi patkojt per Stamboll.

Titulli: Ismail Kadare: "Mosmarreveshja,,

U pa kur erdhi Erdogan, sa respektohet

Titulli: Ismail Kadare: "Mosmarreveshja,,

Po pra, kjo konfermon turqizimin e shqiptarve pseudopatriot. Perfshi ketu edhe politikanet servila, nuk eshte fenomen i ri ky. Ka ndodhur te pakten qe 500 vjet e kendej te cilet kane emer e mbiemer ne histori te njohur si tradhtare te kombit. Rezultatet duken sot se kush, dhe ku jemi. Fale jush dhe vellajt tuaj turkut