"Imazhi i vendit i cenuar nga zgjedhjet pa standarde"

Levizja Socialiste per Integrim ka shprehur dje shqetesimin per situaten aktuale te procesit zgjedhor dhe cenimin e imazhit nga keto zgjedhje. Nepermjet nje deklarate per shtyp Sekretari i Pergjithshem i LSI, Petrit Vasili, theksoi se situata politike eshte renduar se tepermi ditet e fundit dhe qytetaret shqiptare brenda dhe jashte vendit jane sot shume te preokupuar per cka po ndodh ne Shqiperi. "Imazhi i vendit eshte cenuar rende nga keto zgjedhje pa standarde dhe cdo hap i metejshem i papergjegjshem lidhur me tensionimin e situates do te conte ne nje prishje te imazhit me pasoje afatgjata dhe shume te demshme per vendin dhe procesin e integrimit te vendit ku pergjegjesia do te rendonte mbi keto dy forca politike", deklaroi Vasili. Ai u beri thirrje ketyre forcave politike per te hequr dore nga perpjekjet per te ndryshuar rezultatin e zgjedhjeve me cdo lloj forme presioni dhe mjetesh antiligjore. "Ju kerkojme te mos krijojne me tej tensione artificiale qe cojne ne konfrontime te panevojshme midis qytetareve si dhe te largojne personat me detyra shteterore ne pushtetin qendror dhe ate lokal, nga qendrat e administrimit te zgjedhjeve", apeloi zyrtari i LSI-se. Duke vijuar me tej, Vasili u beri thirrje Berishes dhe Rames te kontribuojne per c`tensionimin e menjehershem te situates dhe per te mos cenuar me tej standardet tashme shume te komprometuara te ketyre zgjedhjeve. "Kerkojme qarte dhe prere qe te respektohet kodi zgjedhor i miratuar nga vete keto dy forca politike si dhe te gjitha procedurat e ligjshme te ankimimit si dhe institucionet e ngarkuara me ligj", perfundoi fjalen e tij, Sekretari i Pergjithshem i LSI, Petrit Vasili. Kodi i ri Zgjedhor eshte kritikuar shpeshhere nga kjo parti, e cila ka kerkuar qe ndryshimet e ndodhur te miratoheshin me referendum dhe jo nga kuvendi.