Himni i Principatës së Princ Vidit

Në hollin kryesor të pallatit të Kryeministrisë për herë të parë u luajt dhe u këndua Himni i Principatës së Princ Vidit. Deri më tash ai njihej dhe vlerësohej në rrethe të ngushta studiusish, ndërsa nga sot dhe tutje falë përkushtimit të punonjësve të Muzeut Kombëtar Historik është dhe i regjistruar dhe mund të dëgjohet nga të gjithë. Një falenderim i madh i shkon gjithshtu muzikologut dhe studiusit Vasil Tole që vuri në dispozicion të Muzeut Kombëtar, partiturën origjinale sëbashku me tekstin. Tingujt e këtij himni të kënduar 100 vjet më parë e radhitën Shqipërinë në bashkësinë e shteteve evropiane të pavarura, 100 vjet më mbrapa egzekutimi dhe këndimi i këtij himni janë një provë gjenerale për Shqipërinë për tu pranuar në Koncertin Evropian.




I.
Ardhi koha e bekuar
Për Shqipërinë të lëftojmë
Mbretin t’onë t’a nderojmë
Dhe të vdesim të gëzuar

Ref.
O burra s’ duhet kursyer
As gjaku as rrojtja jonë
Port’ e qiellit duhet thyer
T’i vemë fronë Mbretit t’onë.

II.
Edhe mëmat po na thonë
Përpiquni për Shqiperinë,
Për nder’ e saj, për lirinë
Vdisni dhe për Mbretin t’onë

Ref.
O burra s’ duhet kursyer
As gjaku as rrojtja jonë
Port’ e qiellit duhet thyer
T’i vemë fronë Mbretit t’onë

III.
Për liri për Mbretin t’onë
Tërë botën të çuditim
Dhe çdo dit duhet t’i ngjitim
Një vitore në kurorë.

Ref.
O burra s’ duhet kursyer
As gjaku as rrojtja jonë
Port’ e qiellit duhet thyer
T’i vemë fronë Mbretit t’onë