fcbesia
Anëtar i Respektuar
Në qarkun e Gjirokastrës do të hapen këtë vit mësimor 16 shkolla publike për minoritetin grek. Kjo është mundësuar falë një marrëveshjeje dypalëshe, të mbajtur të fshehtë deri më tani, mes Ministrisë shqiptare të Arsimit dhe asaj greke. Seksioni shqip i BBC, që ka bërë të ditur lajmin, njofton gjithashtu se këtë vit dy ministritë, për funksionimin e plotë të këtyre shkollave publike, kanë realizuar botimin në gjuhën greke me një kosto tepër të lartë të 16 teksteve shkollore, ndërsa edhe 6 tituj të tjerë janë duke u përkthyer për t’u botuar më pas në shtetin grek. Këto tekste do të subvencionohen për nxënësit e minoritetit nga shteti shqiptar në masën 99 për qind, për shkak se kostoja e vetëm një teksti shkollor arrin deri në 250 mijë lekë të vjetra. Në kuadrin e këtij bashkëpunimi dypalësh, ekspertët e arsimit në jug të Shqipërisë po përpiqen të përshtatin edhe arsimin në gjuhën greke sipas sistemit nëntëvjeçar të arsimit në Shqipëri dhe të zgjidhin edhe probleme të tjera të lidhura me kualifikimin e vazhdueshëm të stafit pedagogjik të rreth 16 shkollave në gjuhën greke.
Kontestimi
Marrëveshja dypalëshe mes Ministrisë shqiptare të Arsimit dhe asaj greke ka hasur në kundërshtime të forta nga ana e Drejtorisë Rajonale Arsimore të qarkut të Gjirokastrës. Sipas drejtorit Vasil Muka, ky problem duhet të marrë një zgjidhje graduale dhe jo të menjëhershme, sikundër pritet të ndodhë. Në një prononcim për BBC, ai vë në dukje se shumica e 16 shkollave që do të hapen për minoritetin grek do të jenë në nivele një mësues për një apo dy nxënës, çka sipas tij është e pakonceptueshme. “Ne po mbajmë shkolla që ndoshta nuk mbahen as në Greqi apo në vende të tjera në Ballkan apo në Europë. Kështu, në Sopik kemi një nxënës dhe ne kemi caktuar një mësues. Mbajmë shkolla të tjera, siç është Sofratika, Frashtani, Jorgucati, ne të cilat kemi numra minimalë fëmijësh, por ne po i mbajmë dhe nuk po i përqendrojmë”, - thekson ai. Muka thotë për BBC-në, se përqendrimi i nxënësve për shkak të numrit të vogël të tyre vetëm në disa shkolla edhe për minoritetin grek, duhet t’i përqaset situatës që paraqitet edhe në zona të tjera të vendit me popullsi shqiptare, ku shkollat me një apo dy nxënës mbyllen.
Tekstet
Për shkak të numrit të vogël të teksteve të nevojshme, botimi i tyre kërkonte një kosto mjaft të lartë. Vasil Muka, drejtori i Drejtorisë Arsimore Rajonale të Gjirokastrës, thotë se shteti shqiptar do të subvencionojë koston e tyre në masën 99 %, për shkak se kostoja reale e këtyre teksteve arrin deri në 250 mijë lekë të vjetra. “Janë 16 tekste të shkollave të minoritetit grek që janë duke u shtypur në Greqi dhe shpresojmë se së afërmi do të vijnë në duart e nxënësve. Ndërkohë, është duke u punuar edhe për gjashtë tituj të tjerë që po përkthehen e bëhen gati për botim. Ndërsa tekstet në gjuhën shqipe tashmë janë gati edhe për fëmijët e minoritetit grek. Doja të theksoja se subvencionimi do të bëhet për fëmijët e minoritetit, ashtu si edhe për fëmijët shqiptarë. Nëse për fëmijët shqiptarë paguhet 50% subvencion, për fëmijët e minoritetit ai shkon në 99%, sepse një tekst në zonën e minoritetit del me një kosto shumë të lartë, 25 mijë lekë apo 250 mijë lekë të vjetra”, - sqaron ai
Kontestimi
Marrëveshja dypalëshe mes Ministrisë shqiptare të Arsimit dhe asaj greke ka hasur në kundërshtime të forta nga ana e Drejtorisë Rajonale Arsimore të qarkut të Gjirokastrës. Sipas drejtorit Vasil Muka, ky problem duhet të marrë një zgjidhje graduale dhe jo të menjëhershme, sikundër pritet të ndodhë. Në një prononcim për BBC, ai vë në dukje se shumica e 16 shkollave që do të hapen për minoritetin grek do të jenë në nivele një mësues për një apo dy nxënës, çka sipas tij është e pakonceptueshme. “Ne po mbajmë shkolla që ndoshta nuk mbahen as në Greqi apo në vende të tjera në Ballkan apo në Europë. Kështu, në Sopik kemi një nxënës dhe ne kemi caktuar një mësues. Mbajmë shkolla të tjera, siç është Sofratika, Frashtani, Jorgucati, ne të cilat kemi numra minimalë fëmijësh, por ne po i mbajmë dhe nuk po i përqendrojmë”, - thekson ai. Muka thotë për BBC-në, se përqendrimi i nxënësve për shkak të numrit të vogël të tyre vetëm në disa shkolla edhe për minoritetin grek, duhet t’i përqaset situatës që paraqitet edhe në zona të tjera të vendit me popullsi shqiptare, ku shkollat me një apo dy nxënës mbyllen.
Tekstet
Për shkak të numrit të vogël të teksteve të nevojshme, botimi i tyre kërkonte një kosto mjaft të lartë. Vasil Muka, drejtori i Drejtorisë Arsimore Rajonale të Gjirokastrës, thotë se shteti shqiptar do të subvencionojë koston e tyre në masën 99 %, për shkak se kostoja reale e këtyre teksteve arrin deri në 250 mijë lekë të vjetra. “Janë 16 tekste të shkollave të minoritetit grek që janë duke u shtypur në Greqi dhe shpresojmë se së afërmi do të vijnë në duart e nxënësve. Ndërkohë, është duke u punuar edhe për gjashtë tituj të tjerë që po përkthehen e bëhen gati për botim. Ndërsa tekstet në gjuhën shqipe tashmë janë gati edhe për fëmijët e minoritetit grek. Doja të theksoja se subvencionimi do të bëhet për fëmijët e minoritetit, ashtu si edhe për fëmijët shqiptarë. Nëse për fëmijët shqiptarë paguhet 50% subvencion, për fëmijët e minoritetit ai shkon në 99%, sepse një tekst në zonën e minoritetit del me një kosto shumë të lartë, 25 mijë lekë apo 250 mijë lekë të vjetra”, - sqaron ai
GazetaShqiptare