Prokuroria ka mbyllur hetimet dhe ka çuar për gjykim çështjen në ngarkim të të ashtuquajturit ‘grupi i babagjyshave’. Grupi kriminal prej 11 personash është përgjegjës për mbi 13 episode kriminale në Shqipëri, Kosovë dhe Maqedoni
Ata akuzohen për vjedhje me armë, plagosje dhe mbajtje të armëve pa leje. Të arrestuarit si pjesë e grupit të babagjyshave janë: Ilir Kupa, që besohet të ketë qenë drejtuesi i bandës, Fatmir Pjetri, Agustin Sula, Dritan Kola, Saimir Kala, Hajdar Sefa, Mark Shpendi, Juljan Qerrushi, Edmond Selala, Angjelin Ndreka.
Pasditen e 24 dhjetorit të vitit 2013, 4 persona të veshur si Babagjyshët e Vitit të Ri hynë në një prej argjendarive në qendrën tregtare TEG. Me vete kishin armë automatike, kallashnikovë. Pa bujë, nën kërcënimin e tyre, detyruan punonjësit të heshtin dhe arritën të mbushin në më pak se 2 minuta 3 çanta me para, ar dhe gurë të çmuar.
g.shqip