Drejtuesit e taksive 8+1 zhvillojnë një protestë kombëtare, mbështeten edhe nga PD-ja
Dhjetëra shoferë furgonësh kanë dalë në mënyrë të koordinuar në një protestë kombëtare, e cila u shtri në të gjithë vendin, duke bllokuar akse të ndryshme nacionale për të kundërshtuar vendimin e qeverisë që rruga e kthimit të jetë pa pasagjerë. Drejtuesit e taksive 8+1 kanë bllokuar qarkullimin e automjeteve, duke shkaktuar kaos, ndërkohë që ata janë mbështetur edhe nga disa deputetë të opozitës. Kjo ka qenë protesta më e madhe e zhvilluar gjatë kohëve të fundit nga drejtuesit e furgonëve, të cilët paralajmërojnë se do të vijojnë tubimet e tyre deri në zgjidhjen e situatës.
Një nga akset kryesore, ku është bllokuar qarkullimi nga drejtuesit e furgonëve, ka qenë rruga Tiranë-Elbasan. Shoferët kanë bllokuar njërin kah të lëvizjes në superstradën Durrës-Tiranë në afërsi të Shkozetit. Drejtuesit e autoveturave që ofrojnë transportin ndërqytetës kërkojnë shfuqizimin e vendimit që i ndalon ata të marrin pasagjerë në kthim, duke paralizuar plotësisht aktivitetin dhe shkuar drejt falimentit teksa përballen dhe me konkurrencën e pandershme. Ata shprehen se do të përshkallëzojnë protestën e tyre në ditët në vazhdim, në bashkëpunim dhe me organizmat sindikalë, ndërsa konsiderojnë dhe nisjen e grevës së urisë. Protestuesit kanë respektuar orarin 10:00-11:00, për të cilin kishin marrë leje në polici. Një pjesë e tyre janë ulur në asfalt. Petrit Nallbani dhe Pëllumb Xhani deklarojnë se situata nëpër të cilën po kalojnë familjet e tyre po bëhet gjithnjë e më e rënduar, për shkak të problemeve të theksuara ekonomike që janë shfaqur që pas daljes së vendimit. Zgjidhjen e shohin te vazhdimësia e protestave dhe futja në grevë urie nëse nuk do të merren masa për shfuqizimin e vendimit. Të irrituar nga situata e krijuar dhe pasojat social-ekonomike të saj, shumë prej drejtuesve, tatimpagues të rregullt, deklarojnë se janë gati të mbyllin licencat dhe t’i kthehen informalitetit. “Do të mbyllim aktivitetin. Dorëzojmë licencat. Nuk po na lënë rrugëzgjidhje tjetër”, thotë Nazmi Lila.
Edhe në Vlorë është bllokuar një krah i rrugës në hyrje të qytetit. Me pankarta në duar, shoferët bllokuan aksin nacional. Protestës së tyre i janë bashkuar edhe qytetarë që nuk kanë pasur mundësi me çfarë të udhëtojnë.
Po ashtu është bllokuar një krah i autostradës Kukës-Tiranë. Njëri aks i Rrugës së Kombit u paralizua për dy orë. Në pritje të përgjigjes pozitive, protestuesit kërcënuan bllokimin e plotë të autostradës deri në grevë urie. Gjithashtu për rreth një orë është bllokuar rruga nacionale në Qafë-Plloçë. Mësohet se atje, radha e furgonëve shkon në disa kilometra dhe situata ka qenë e rëndë deri në orët e mbrëmjes, pavarësisht se ishte mbyllur protesta.
Ndërkohë, në protestën e Fushë-Krujës janë mbledhur taksitë 8+1 nga Tirana, Laçi dhe Kruja. Drejtuesit e këtyre mjeteve kanë qëndruar për rreth një orë në rrugë dhe kanë vijuar me kërcënimet se do të vijojnë protestat e tyre, deri në grevë urie. Po ashtu është bllokuar edhe aksi nacional Shkodër-Tiranë. Drejtuesit e furgonëve kishin zgjedhur urën e Bahçallëkut për të realizuar protestën e tyre, ku kanë kërkuar që Kryeministri të dëgjojë zërin e tyre, duke deklaruar se për këtë arsye kishin votuar qeverinë e re.
Në Elbasan, drejtuesit e furgonëve janë mbledhur në qendër të qytetit për të vijuar protestën e tyre. Protesta të drejtuesve të taksive janë zhvilluar edhe në Burrel, Berat, Kuçovë dhe Fier. Sipas drejtuesit të Bashkimit të Sindikatave të Pavarura, Gëzim Kalaja, kjo do të jetë një protestë miting në të gjithë Shqipërinë, sepse nga kjo situatë e krijuar janë prekur 20000 drejtues të autoveturave në të gjithë vendin. Ndërkohë, nëse deri ditën e premte nuk ka një reagim nga qeveria dhe Ministria e Transporteve, drejtuesit e furgonëve do të zhvillojnë një protestë të përgjithshme përpara Kryeministrisë. Deputeti i PD-së në Elbasan, Luçiano Boçi, ka deklaruar se mbështet protestën e taksive 8+1, pasi, siç tha ai, është një protestë e drejtë. “Mbështesim protestën e taksive 8+1, është protestë e drejtë. Policia të mos kërcënojë protestuesit”, ka deklaruar Boçi. Mbështetje të deputetëve të Partisë Demokratike, protestuesit kanë pasur edhe në Shkodër. Ndërkohë, i vetmi incident që ndodhi dje mes protestuesve dhe policisë u shënua në Lushnjë, kur mbi 60 furgonë tentuan të bllokojnë njërin krah të autostradës, por nuk u lejuan, pasi nuk kishin marrë leje më parë për një veprim të tillë. Shoferët kanë dalë në protestë disa herë dhe kërkojnë që të ndryshohet vendimi i bazuar në ligj për qarkullimin e taksive 8+1. g.shqip
Dhjetëra shoferë furgonësh kanë dalë në mënyrë të koordinuar në një protestë kombëtare, e cila u shtri në të gjithë vendin, duke bllokuar akse të ndryshme nacionale për të kundërshtuar vendimin e qeverisë që rruga e kthimit të jetë pa pasagjerë. Drejtuesit e taksive 8+1 kanë bllokuar qarkullimin e automjeteve, duke shkaktuar kaos, ndërkohë që ata janë mbështetur edhe nga disa deputetë të opozitës. Kjo ka qenë protesta më e madhe e zhvilluar gjatë kohëve të fundit nga drejtuesit e furgonëve, të cilët paralajmërojnë se do të vijojnë tubimet e tyre deri në zgjidhjen e situatës.
Një nga akset kryesore, ku është bllokuar qarkullimi nga drejtuesit e furgonëve, ka qenë rruga Tiranë-Elbasan. Shoferët kanë bllokuar njërin kah të lëvizjes në superstradën Durrës-Tiranë në afërsi të Shkozetit. Drejtuesit e autoveturave që ofrojnë transportin ndërqytetës kërkojnë shfuqizimin e vendimit që i ndalon ata të marrin pasagjerë në kthim, duke paralizuar plotësisht aktivitetin dhe shkuar drejt falimentit teksa përballen dhe me konkurrencën e pandershme. Ata shprehen se do të përshkallëzojnë protestën e tyre në ditët në vazhdim, në bashkëpunim dhe me organizmat sindikalë, ndërsa konsiderojnë dhe nisjen e grevës së urisë. Protestuesit kanë respektuar orarin 10:00-11:00, për të cilin kishin marrë leje në polici. Një pjesë e tyre janë ulur në asfalt. Petrit Nallbani dhe Pëllumb Xhani deklarojnë se situata nëpër të cilën po kalojnë familjet e tyre po bëhet gjithnjë e më e rënduar, për shkak të problemeve të theksuara ekonomike që janë shfaqur që pas daljes së vendimit. Zgjidhjen e shohin te vazhdimësia e protestave dhe futja në grevë urie nëse nuk do të merren masa për shfuqizimin e vendimit. Të irrituar nga situata e krijuar dhe pasojat social-ekonomike të saj, shumë prej drejtuesve, tatimpagues të rregullt, deklarojnë se janë gati të mbyllin licencat dhe t’i kthehen informalitetit. “Do të mbyllim aktivitetin. Dorëzojmë licencat. Nuk po na lënë rrugëzgjidhje tjetër”, thotë Nazmi Lila.
Edhe në Vlorë është bllokuar një krah i rrugës në hyrje të qytetit. Me pankarta në duar, shoferët bllokuan aksin nacional. Protestës së tyre i janë bashkuar edhe qytetarë që nuk kanë pasur mundësi me çfarë të udhëtojnë.
Po ashtu është bllokuar një krah i autostradës Kukës-Tiranë. Njëri aks i Rrugës së Kombit u paralizua për dy orë. Në pritje të përgjigjes pozitive, protestuesit kërcënuan bllokimin e plotë të autostradës deri në grevë urie. Gjithashtu për rreth një orë është bllokuar rruga nacionale në Qafë-Plloçë. Mësohet se atje, radha e furgonëve shkon në disa kilometra dhe situata ka qenë e rëndë deri në orët e mbrëmjes, pavarësisht se ishte mbyllur protesta.
Ndërkohë, në protestën e Fushë-Krujës janë mbledhur taksitë 8+1 nga Tirana, Laçi dhe Kruja. Drejtuesit e këtyre mjeteve kanë qëndruar për rreth një orë në rrugë dhe kanë vijuar me kërcënimet se do të vijojnë protestat e tyre, deri në grevë urie. Po ashtu është bllokuar edhe aksi nacional Shkodër-Tiranë. Drejtuesit e furgonëve kishin zgjedhur urën e Bahçallëkut për të realizuar protestën e tyre, ku kanë kërkuar që Kryeministri të dëgjojë zërin e tyre, duke deklaruar se për këtë arsye kishin votuar qeverinë e re.
Në Elbasan, drejtuesit e furgonëve janë mbledhur në qendër të qytetit për të vijuar protestën e tyre. Protesta të drejtuesve të taksive janë zhvilluar edhe në Burrel, Berat, Kuçovë dhe Fier. Sipas drejtuesit të Bashkimit të Sindikatave të Pavarura, Gëzim Kalaja, kjo do të jetë një protestë miting në të gjithë Shqipërinë, sepse nga kjo situatë e krijuar janë prekur 20000 drejtues të autoveturave në të gjithë vendin. Ndërkohë, nëse deri ditën e premte nuk ka një reagim nga qeveria dhe Ministria e Transporteve, drejtuesit e furgonëve do të zhvillojnë një protestë të përgjithshme përpara Kryeministrisë. Deputeti i PD-së në Elbasan, Luçiano Boçi, ka deklaruar se mbështet protestën e taksive 8+1, pasi, siç tha ai, është një protestë e drejtë. “Mbështesim protestën e taksive 8+1, është protestë e drejtë. Policia të mos kërcënojë protestuesit”, ka deklaruar Boçi. Mbështetje të deputetëve të Partisë Demokratike, protestuesit kanë pasur edhe në Shkodër. Ndërkohë, i vetmi incident që ndodhi dje mes protestuesve dhe policisë u shënua në Lushnjë, kur mbi 60 furgonë tentuan të bllokojnë njërin krah të autostradës, por nuk u lejuan, pasi nuk kishin marrë leje më parë për një veprim të tillë. Shoferët kanë dalë në protestë disa herë dhe kërkojnë që të ndryshohet vendimi i bazuar në ligj për qarkullimin e taksive 8+1. g.shqip
