Fundet tulipan

Fundet tulipan​

A mund ta veshë kushdo një fund-tulipan? ثshtë një formë e tillë fundi që lejon të vishet nga kushdo, por fundet në formë tulipani duken më këndshëm kur vishen nga femrat elegante ose me trup mesatar. Kjo do të ishte mënyra ideale për ekspozimin e këtij fundi të veçantë. Moshat që e preferojnë këtë model janë më tepër moshat deri në 30 vjeç. Megjithatë, fundi tulipan është shumë favorizues për femrat e shëndetshme, të cilat kanë vithe të gjera ose disa kilogramë të tepërt në bark apo stomak. Me pak, femrat e shëndetshme do të mundnin të mbulonin defektet dhe të ndiheshin më komode me veten e tyre.

Me çfarë mund të kombinohen? Kombinojeni një fund-tulipan me një këmishë të gjatë, të cilën mund ta fusni në fund, ose një bluzë të shkurtër në formë busti. Në këtë mënyrë, forma e veçantë e fundit do të vihej më mirë në pah dhe do të mbulonte defektet e ndryshme. Një tjetër kombinim i preferueshëm për këtë stinë do të ishte edhe fundi-tulipan, me një bluzë të shkurtër e të punuar me dorë, si dhe çizme të gjata pranverore, me të njëjtën ngjyrë me bluzën.

Sandalet. Për të zgjatur pamjen e këmbëve dhe për të përmirësuar pamjen, duhet të visheni me sandale të larta. Nëse fundi juaj është i thjeshtë dhe pa ndonjë model të veçantë, kënaquni me këpucë të sheshta me modelin e këpucëve të baletit. Nëse fundi juaj është më i veçantë se kaq, kujdesuni më tepër që edhe sandale të jenë në lartësinë e fundit. Sandalet e larta bëjnë diferencën, mes një veshjeje të zakonshme dhe një veshjeje më elegante, por mund të arrini të përfitoni pamjen e dëshiruar. Fundet-tulipan mund të vishen pothuajse në të gjitha stinët. Në pranverë dhe verë kujdesuni për këmbët tuaja. Gjatë mbrëmjeve të freskëta vishni geta me ngjyrë të tejdukshme ose të përhimët, në varësi të ngjyrës së fundit. Për një pamje më tërheqëse, përdorni kombinimin njëngjyrësh, por mund të vishni geta dhe çizme verore, që janë në një ngjyrë me fundin- tulipan.