Financial Times: Exit-poll në zgjedhjet e përgjithshme të Shqipërisë të dielën i dhanë koalicionit të qendrës së majtë të Edi Ramës një kryesim të fortë mbi Partinë Demokratike në detyrë, e cila e ka qeverisur këtë vend të varfër ballkanik për tetë vitet e fundit.
Koalicioni i kryesuar nga Partia Socialiste e Z. Rama dhe Lëvizjes Socialiste për Integrim (LSI) e ish-kryeministrit Ilir Meta, pritet të fitojë mes 51 dhe 55.5 për qind të votave, sipas rezultateve të njoftuara tre orë pas vendvotime të mbyllura.
Partia Demokratike e Kryeministrit Sali Berisha dhe partnerët e koalicionit të tij po merrnin rreth 39.5 dhe 43.5 për qind të votave. Exit poll u kryen nga IPR Marketing, një anketues italian, për “Ora News”, një stacion i pavarur privat televiziv shqiptar.
Pjesëmarrja ishte dukshëm më e lartë se sa në zgjedhjet e fundit në vitin 2009, kur vetëm rreth 50 për qind e shqiptarëve kanë votuar, sipas vëzhguesve.
Megjithatë, votimi u pengua nga një shkëmbim zjarri në qytetin verior të Laçit, në të cilën një mbështetës i LSI u vra dhe një kandidat i Partisë Demokratike u plagos rëndë. Incidenti ndodhi jashtë një vendvotim ku votimi ishte në proces, tha policia.
Nuk ka pasur njoftime të menjëhershme për arrestime. Z. Rama dhe Z. Berisha e dënuan dhunën, duke u bërë thirrje përkrahësve të tyre që të mos frikësohen për të dalë për të votuar. Rreth 900 vëzhgues vendorë dhe ndërkombëtarë, duke përfshirë edhe një mision të fortë me 380 vëzhgues nga OSBE në zyrën për institucionet demokratike dhe të drejtat e njeriut, ndoqën procesin e votimit.
Mbajtja e zgjedhjeve të konsideruara të drejta nga misioni i OSBE/ODIHR do të rriste shanset e Shqipërisë për t’u bashkuar me fqinjët e saj në Ballkanin Perëndimor – Maqedonia, Serbia dhe Mali i Zi – si një kandidat zyrtar për anëtarësim në BE. Të gjitha zgjedhjet e mëparshme kombëtare të mbajtura që kur vendi doli nga izolimi të stalinist në vitin 1991 janë njollosur nga dhuna dhe mashtrimi kutisë së votimit.
/Panorama
Attachments
Last edited by a moderator: