Farici: Do mbaj premtimet për Burrelin

Kryetarja e sapozgjedhur e Bashkisë së Burrelit, Adelina Farici, e ftuar në studion e Top Channel, foli për rrjedhën e karrierës politike të saj.
Zonja Farici tregoi rrugën e saj që nga aderimi në vitin 2004 në strukturat e Partisë Socialiste.

Farici tha se fitorja e saj ishte rrjedhë logjike, duke patur parasysh karrierën e saj politike si kryetare e degës së Partisë Socialiste në Burrel.

“Erdha në një rrjedhë logjike në pozicionin ku jam aktualisht. Nga 2004 aderoj në PS, kam drejtuar fushata të tjera, kam nxjerrë deputetë dhe kjo ishte radha që qytetarët e Burrelit të më besojnë mua, më besuan dhe më votuan. Ka ardhur një moment kur nuk mund të themi më ky është bastioni i Partisë Socialiste dhe ky është bastioni i Partisë Demokratike. Elektorati militant ka nisur të ngushtohet, është rritur elektorati që vendos sipas programeve”, tha Farici.

Kryetarja e sapozgjedhur e Bashkisë së Burrelit tha se në ditën e parë të punës do t’i rikthejë qytetarëve bashkinë.

“Bashkia do t’u kthehet qytetarëve, administrata do të shërbejë nëpër zyrat e bashkisë dhe jo nëpër kafenetë”, deklaroi Farici.

:27T.CH:27

Farici: Do mbaj premtimet për Burrelin

Kryetarja e re e bashkisë së Burrelit, Adelina Farici, ka premtuar realizimin e projekteve të prezantuara gjatë fushatës për qytetin e saj.
Në një deklaratë për shtyp nga selia e PS në Tiranë, Farici është shprehur se në rrugën e saj do të bashkëpunojë ngushtë me qytetarët.

“U premtova qytetarëve se nuk do t’u prekej vota dhe e mbajta premtimin. Qytetarët e Burrelit janë qytetarë evropianë dhe besojnë tek vlerat e njerëzve. Jap edhe një mesazh tjetër, që njerëzit premtojnë pak por atë që bëhet dhe unë kam detyrimin që të realizoj të gjitha ato që premtoj dhe do ta bëjë këtë me bashkëpunimin e bashkëqytetarëve”, ka deklaruar Farici.
:27T.CH:27