Sopranoja e njohur shqiptare Ermonela Jaho është përzgjedhur artistja e javës nga revista online amerikane “OperaWire”.
E hapur në vitin 2016, ky medium sjell lajme, analiza e kritika për operën në përgjithësi dhe mbulon ngjarje në gjithë botën. Përzgjedhja e artistit të javës është njëra prej rubrikave.
Arsyeja për përzgjedhjen e Jahos vjen si rezultat i perfomancave të saj mbresëlënëse të kohëve të fundit, shkruan sot “Koha Ditore”. “OperaWire” suksesin e saj e lidh me rolin kryesor në operën “Madama Butterfly” të Puccinit, duke e cilësuar si një prej operave më zemërthyese dhe element kryesor i repertorit operistik.
Pas pushtimit të teatrove të mëdha në New York, Londër, Bolonjë, Paris dhe Venecia, Jaho do të bëjë debutimin e saj në “Washington National Opera” në rolin e famshëm të kësaj opere që mbanë emrin Cio-Cio San…shqiptari.eu