▌VNSHD▐
BSNT
Gjermania konfirmon atë që po shkruhet këto ditë në media.
Numri i shqiptarëve që po mësyjnë Gjermaninë për të kërkuar azil është në rritje të ndjeshme.
Madje po ndodh që numri i kosovarëve që kërkojnë azil po ulet dhe po rritet numri i shqiptarëve të Shqipërisë.
Ministrja Sociale për landin e Bavarisë, Emilia Mueller, tha: “Numri i azilkërkuesve nga vendet e Ballkanit Perëndimor po na shqetëson. Numri i njerëzve që vijnë nga Kosova është duke u ulur, por po rritet fuqishëm numri i azilkërkuesve nga Shqipëria. Në tre muajt e parë të këtij viti, një në shtatë azilkërkues në Gjermani është nga Shqipëria. Në total nga vendet e Ballkanit Perëndimor janë 50 përqind e azilkërkuesve,” tha zyrtarja gjermane.
Mediat kanë raportuar së fundmi për një fluks të madh azilkërkuesish nga qarku i Kukësit.
Ministria e Brendshme e Gjermanisë ka publikuar një raport në lidhje me numrin e azilkërkuesve në këtë shtet për 3 muajt e parë të vitit 2015.
Në këtë raport Shqipëria renditet në vendin e tretë nga 10 vendet e listuara, ndërsa kryeson Kosova.
Numri i azilkërkuesve shqiptarë ka ardhur duke u rritur që nga muaji janar deri në muajin mars dhe është 6-fishuar duke e krahasuar me të njëjtën periudhe të një viti më parë.
Në janari numri i azilkërkuesve shqiptarë ka qenë 1648, në muajin shkurt 1794 dhe në muajin mars 3020.
mapo
