Malsi
Anëtar i Nderuar
![largea_ilir-meta-aksident1426540819.jpg largea_ilir-meta-aksident1426540819.jpg](https://fv.al/data/attachments/15/15285-d0bdc883cb8ff4ab41f70cd309392469.jpg)
Takimi mes dy aleatëve në qeveri ishte parashikuar të zhvillohej këtë mëngjes, në zyrën e kreut të Kuvendit. Garda mori masat. Rrethoi perimetrin, kreu kontrollet e nevojshme në ambjentet e kryesisë së Kuvendit dhe përgatiti terrenin për mbërritjen e Edi Ramës.
Edhe Ilir Meta u paraqit në kryesinë e kuvendit, herët në mëngjes. Mësohet se ai ishte në pritje të kryeministrit, deri pak minuta para orës 9;00. Atëherë u njoftua për anullimin e takimit.
Edi Rama mungoi. Nuk dihet për çfarë arsyeje. Por kjo ndërprerje e komunikimit vjen në një moment kyç, kur dy aleatët në qeveri prej disa javësh nuk po gjejnë gjuhën e përbashkët për reformën në drejtësi. Negociatat po përfundojnë me tre palët, të ndarë.
Si të mos mjaftonte kjo, në media publikohen mesazhet që Ilir Meta i niste Kastriot Ismailajt.
S’ka takim me Edi Ramën, Meta takon deputetët e LSI dhe mbledh kryesinë
![largea_meta-ilir1443547830.jpg largea_meta-ilir1443547830.jpg](https://fv.al/data/attachments/15/15286-8cd634b5f94aab23b57fd3b4c45b72fd.jpg)
Pasi Edi Rama e la vetëm në zyrë, Ilir Meta nuk qëndroi duarkryq. Thirri menjëherë në takim Ylli Manjanin. Mbaroi takimin me të dhe thirri Luan Ramën, Petrit Vasilin dhe Edmond Haxhinaston. Komunikoi me zyrën e shtypit që të njoftohen mediat. Në orën 13:00 do të mblidhet kryesia e LSI. Një takim i paparashikuar, ku pritet të ketë edhe një mesazh për publikun. Në mëngjes ishte parashikuar takimi me kryeminstrin Edi Rama, por takimi u anullua në momentin e fundit. Kryeministria nuk ka njoftuar asnjë aktivitet zyrtar që mund të kushtëzonte praninë e kreut të qeverisë në takimin me Metën.
lapsi.al