Cyber_Spartacus
Homo Homini Lupus
Një sherr për të dashurën i ka kushtuar rëndë një 18-vjeçari, nxënës në shkollën e mesme të Gjuhëve të Huaja në Shkodër, i cili është goditur me thikë pak metra larg shkollës. Ngjarja në fjalë ka ndodhur rreth orës 13:30, kohë kur nxënësit e shkollës së mesme kanë dalë nga shkolla dhe vetëm 30 metra larg saj mes 18-vjeçarit Ermal Hebaj, nxënës në vitin e katërt dhe një personi tjetër, moshatar me të, ka nisur një debat. Nga dëshmitarë okularë mësohet se debati mes dy adoleshentëve ka nisur në fillim me sharje dhe fyerje e më pas ka degjeneruar në përleshje. Në këtë moment 18-vjeçari Hebaj është goditur me një thikë në krah. Adoleshenti tjetër është larguar menjëherë nga vendi i ngjarjes, pasi i ka ngulur thikën kundërshtarit. Personat që ndodheshin në vendin ku ndodhi ngjarja kanë dërguar menjëherë në spitalin rajonal të Shkodër të dëmtuarin. Sipas mjekëve, gjendja shëndetësore e 18-vjeçarit është jashtë rrezikut për jetën, pasi goditja që ka marrë, për fat të mirë, nuk prekur pjesë delikate të trupit. Ndërkohë, policia, e cila ka arritur shpejt në vendin e ngjarjes, pas marrje së informacioneve të para, ka bërë të mundur që të identifikojë dhe më pas të arrestojë autorin, i cili është 18-vjeçari Blerim Mustafa. Po sipas policisë bëhet e ditur se ngjarja ka pasur motive të dobëta, pasi dy adoleshentët kishin nisur sherrin pasi pëlqenin të njëjtën vajzë.
Gazeta Shqip
Gazeta Shqip