PiNkY
Anëtar i Nderuar
Sot është Dita Botërore Kundër sëmundjes së Kancerit. Numri i të sëmurëve me kancer sa vjen e rritet në Kosovë dhe në mbarë botën. Gjatë gjashtëmujorit të parë të vitit 2013, janë prekur nga akanceri 735 persona. Instituti Kombëtar i Shëndetit Publik, tregon se mosha më e shpeshtë tek femrat mbetet ajo 55 vjeçare, dhe 68 te meshkujt.
Ministia e Shëndetësisë deklaron se vitin e kaluar 23% e buxhetit të të gjitha barnave, ka shkuar sëmundjes së kancerit. Megjithatë të sëmurët ankohen për kushte në spitalet e Kosovës por edhe për mungesë ilaçesh.
Në vitin 2012, numri i kancerit në mbarë botën u rrit përafërsisht me 14 milionë raste të reja, një shifër që pritet të rritet në 22 milionë çdo vit brenda 2 dekadave të ardhshme.
Diagnostikimi i hershëm dhe trajtimi i duhur mund të shpëtojnë jetën e pacientëve.
Në përballjen me kancerin, nisja e trajtimit të duhur sa më shpejt të jetë e mundur është çelësi i suksesit. Diagnostikimi në fazat e para është ëi domosdoshëm për një trajtim efikas të sëmundjes.
8,2 milionë njerëz vdesin nga kanceri çdo vit në botë dhe 1,2 milionë prej tyre janë në Azinë Jug-lindore, ku të paktën 1,7 milionë raste të reja me kancer janë diagnostikuar çdo vit.
/albeu.com/
