Rrjeti social “Facebook” u vlerësua me çmimin “Mënyra më e mirë për të humbur kohën”, në natën e ndarjes së çmimeve “Appy” që u mbajt të hënën në mbrëmje në Londër.
Ky trofe është marrë nga vetë themeluesi I këtij rrjeti, Mark Zuckerberg që u shpreh shumë i kënaqur për këtë vlerësim. Ndërkohë çmimin “kursyesi i kohës” e fitoi “Google Maps”, shërbimi që të tregon vendodhjen tënde por të tregon edhe hartën e rrugës.
Sa i përket çmimeve të tjera, portali “Sky Sports News” u vlerësua agjensia më e mirë e lajmeve sportive, “Adobe Photoshop” si programi i fotografisë më të mirë, “Skype” mori çmimin “Mënyra më e mirë për të kursyer paratë”, “Amazon” fitoi çmimin “Mënyra më e mirë e jetesës”, ndërsa “Angry Birds” u vlerësua me çmimin “Loja më e mirë”.
اmimet “Appy” janë vlerësimet që shpërndahen në bazë të opsioneve më të mira që ofrojnë programet kompiuterike. Ato janë dhënë pas votimit të 30 mijë përdoruesve në të gjithë botën