Buçkovski: Maqedonia u vonua me njohjen e Kosovës

Ivanovski: Maqedonia vonohet me njohjen e Kosovës​

Maqedonët kanë paragjykime të mëdha për shqiptarët e Maqedonisë për shqiptarët e Kosovës por edhe për të gjithë shqiptarët", tha në Prishtinë deputeti i LSDM Igor Ivanovski.

Shoqëria në Maqedoni nuk ka asnjë dilemë se duhet pasur marrëdhënie të mira me Kosovën dhe të gjithë atje janë të vetëdijshëm se Maqedonia duhet të adaptohet me realitetin e ri, jo pse në Maqedoni jetojnë 25 përqind shqiptar por për faktin se nuk ka alternativë tjetër.

Kështu është shprehur në Prishtinë deputetit i LSDM-së, Igor Ivanovski, gjatë një debati me temë "Pikërisht në mesditë: Kosova dhe perspektiva e saj", të organizuar nga organizatat joqeveritare KIPRED nga Prishtina dhe Forum nga Shkupi.
"Në Ballkan duhet të ndërpritet perceptimi se ndërtimi i marrëdhënieve me një palë nënkupton marrëdhënie të këqija me tjetrin. Mendoj se janë pjekur kushtet që të ketë marrëdhënie intensive me të dyja palët…Debati për pranimin eventual të Kosovës ka filluar ndërkohë duhet të zgjidhen të cështjet e hapura mes dy vendeve ...ثshtë me rëndësi që Kosova të përdorë emrin kushtetutes të Maqedonisë në cfarëdo niveli ... Ne kemi nevojë për njohjen e Kosovës, pavarësia e Kosovës nuk është realitet vetëm për Maqedoninë. Maqedonia është vonuar për njohje ajo është dashur ta bëjë këtë në valën e dytë të njohjeve...Maqedonia ballafaqohet me probleme të mëdha të brendshme. Maqedonët kanë paragjykime të mëdha për shqiptarët e Maqedonisë për shqiptarët e Kosovës por edhe për të gjithë shqiptarët", tha deputeti Igor Ivanovski.

Ndërkohë politikanët shqiptarë nga Prishtina dhe Shkupi kërkuan gjatë debatit që të mos ketë kushtëzime nga Shkupi për njohjen por që ajo të vij si rezultat I bashkëpunimit midis dy vendeve.
"Maqedonia nuk mund të mos e njoh pavarësinë. Nuk janë në gjendje të bëjnë kushtëzime. Shkupi nuk mund të mos e njoh Prishtinën. Sic e tha edhe ministri Hyseni , në raportet mes Prishtinës dhe Shkupit nuk klimë kushtëzimesh dhe detyrimeshë", theksoi deputeti i BDI-së Xhevat Ademi.

Ibrahim Makolli, deputet I AKR-së thotë se Institucionet e Kosovës kanë mundur të bëjnë më shumë për lobim që Maqedonia ta njeh Kosovën. "Mirëpo janë disa tendenca të kushtëzimit. Në fillim ishte demarkacioni e çështja e emrit kushtetues. Kosova nuk duhet të pranojë asnjë kushtëzim nga askush. Njohja duhet të vijë si rezultat i nevojës për bashkëpunim e jo me kushtëzime", theksoi Makolli.

Pjesëmarrësit e këtij debati vlerësuan në fund se Maqedonia është vonuar në njohjen e pavarësisë së Kosovës, ndërsa theksuan nevojnë që ajo të vijë si rezultat I thellimit të bashkëpunimit në mes të dy vendeve e në asnjë mënyrë të mos ketë kushtëzime nga asnjëra palë.

alsat-m​

ja dhe nje qe del dhe thote se maqedonia duhet me ta pranoje Kosoven ( ky ka qene dhe asistenti im dhe eshte njeri mjaft i zoti ) ndersa Gruevski rri duar kryq bashke me keta shqipatret tane qe nuk e ngrejne zerin fare hh: hh: hh: eshte per te ardhur keq me te vertete