Mjafton ta thotë i "madhi" dhe menjëherë bëhet. Nuk kanë kaluar më shumë se disa orë, dhe Bode i përgjigjet Berishës me përgjigje pozitive dhe propozim konkret për shpërblimet të cilat do t'u jepen pensionistëve dhe punonjësve të administratës në festat e fundvitit.
Në mbledhjen e qeverisë, Ministri i Financave Ridvan Bode propozoi shpërblimet të cilat do t'u jepen pensionistëve dhe punonjësve të administratës në festat e fundvitit.
Kështu për festat e fundvitit sipas Bodes pensionistët do të marrin një shpërblim prej 2500 lekë ndërsa punonjësit e administratës do të marrin 10 mijë lekë shpërblim. Ndërkohë miratimi i shpërblimeve nga qeveria do të mitatohet në mbledhjen e nesërme.
Marrja e shpërblimit për administratën dhe pensionistët u diskutua ditën e sotme mes kryeministrit Berisha me ministrinë e financave dhe drejtues të Institutit të Sigurimeve Shoqërore (ISSH). Në këtë takim, Kryeministri Berisha theksoi se pavarësisht nga ndikimet e krizës globale, të merren masat që punonjësve të Administratës Publike dhe 540 mijë pensionistëve të vendit të mund t'u jepet një shpërblim për festat e fundvitit. (albeu.com)
