Ben Blushi është kërcënuar nga Kryebashkiaku i Kavajës, Elvis Roshi, pas fjalës që i mbajti një javë më parë në Kuvend.
Denoncimin publik, Deputeti socialist e bëri në seancën plenare duke lexuar SMS e ardhur në telefonin e tij.
Ben Blushi, Deputet i PS-së: “Pasi fola në parlament më vjen një mesazh në celular. O Blush jam Roshi, unë nuk kam bërë asnjë krim dhe shumë shpejt do të dali për sqarim të publikut, por borxh nuk të kam ty, sat ë kem qytetin e Kavajës. Ka ca sharje…”
Blushi i bëri një pytje Kryeministrit Rama, i cili edhe pse i ulur vetëm pak metra pas tij, nuk pati asnjë lloj reagimi.
Ben Blushi, Deputet i PS-së: Ky e ka emrin Elvis apo Ervin? Ervinin dhe Elvisin në Kavajë, Shukriun në Peshkopi, Qazon në Elbasan, kë përfaqësoni këtu? Të gjithë llumin e Shqipërisë e ke ngritur në piedestal në Kavajë, në Elbasan, në Peshkopi, edhe në Durrës po të duash. Ku e vë atë jastëkun që e mban me vete në avion. Kush janë këta njerëz? اështja nuk është pse janë ata dhe si janë ata, çështja është pse nuk i kap ligji. E di pse? Sepse i mbron ti”
Por ndërsa nuk mori përgjigje nga Kryetari i ‘Rilindjes’, siç iu drejtua Blushi Kryeministrit, ky denoncim i tij ngjalli reagimin e disa përfaqësuesëve të opozitës, të cilët i dolën në krah dhe kërkuan një qëndrim nga kreu i qeverisë.
Në formularin e vetëdeklarimit për Ligjin e Dekriminalizimit, Kryebashkiaku i Kavajës pranonte se ishte dënuar në Gjermani, por theksonte se nuk e mbante mend shkakun e arrestimit dhe dënimit të tij, çka u denoncua një javë më parë nga Deputeti Blushi, si një rast i papranueshëm.
Tv Klan
