![14628076261461254821armet0beriha.jpg 14628076261461254821armet0beriha.jpg](https://fv.al/data/attachments/15/15953-a68268a3b4a8281594740004c94f1538.jpg)
Edhe ish-kryeministri Berisha e ka përshëndetur heqjen e mandatit të deputetit Koço Kokëdhima.
“Sot, në Ditën e Europës, një lajm i rëndësishëm ka ngrohur zemrat e mbarë shqiptarëve. Gjykata Kushtetuese i dha goditjen e merituar bashkëkryekusarit të shtetit, sivëlla Kokëdhima”, ka deklaruar Berisha në një prononcim për mediat.
Në vlerësimin e tij, “kjo përbën një arritje të vërtetë të dekusarizimit të shtetit dhe Parlamentit shqiptar”.
“Kur mendon se dje dy vogëlushë po shkonin të takonin babain e tyre, në qeli për një shtesë ndërtimi, ndërkohë që kryekusari ndërton saraje buzë ujit në Qeparo duke shkelur dhjetë ligje, nuk mund të mos ndihesh i lënduar deri në palcë”, ka komentuar më tej Berisha.
“Dënoj me përçmim të madh këtë klikë kusarësh që nuk njeh ligj, normë e moral përveç pasurimit”, ka shtuar ish-kryeministri.
Top Channel/